AYUP 1:21 - Nanduk Ngget Tul Pidnak Wene

²¹ yosolar-e: ”An ndet yosolar-e, ngenwa-t ndesa mbukmu-o. Wat yosolat na we ngenwa irit wat yimin-o. Nagawan Indo at-net wok niridnak me, wanosolat na at-net wanij-o. Iri ala, at unu nak kek tak wolmag-o!” luk yij-o.

AYUP 1:21 ပူးပေါင်းရင်းမြစ်များ

NDAK WIRIDNAK WENE 3:19

Kar-e nggweyak yu bem-nen yabu wanosolar-e, mondok pabik paboksa wanosolat, kirigak mburuk-net yi mende ndi mende ebe-ge kwat mag-o. Iri kwat tenak irit worasoma, kar-e tuguruk nggweyak kwat min-o. Kar-e nggweyak-net ngen mbara keya kuburuk ndak wat kibidnak me, tuguruk kerem eram mburugun-o” luk yak tij-o.

NDAK WIRIDNAK WENE 30:2

Yosoloma, Yakup isilepma Arakel ebem posolat-nen yosolar-e: ”An-e Mbal Pem Nagawan-e lag-o. Kar-e Mbal Pem Nagawan-net la ndagurag-e lak tak kubusu-o” luk yak tij-o.

NDAK WIRIDNAK WENE 45:5

Kir-e an nonggo wanigep iri na bem niri nera kwarige-o luk kwiye yurak pug-o. Nde, iri kwarigep iri-ge ndemerer-e Mbal Pem Nagawan-net ap kwarat yu inmiri yuwakluk kenabuwok nanduk Mesira yu me nibil lobok yamu-o.

2 SEMUEL 16:12

Erep-nen-e Nagawan Indo-nen an-nen andi bandi kasu yu neyaruk, imbiri lamut tak nubusu onggo imbiringgat tak nubuwa nde ma-o” luk yak indij-o.

1 NAGAWAN NAGAWAN-NEN KWARIDNAK WENE 12:15

Iri yak ondosolar-e, it-nen nggi yiga wene-ge no mende nggal tak pij-o. Alat nde, iri kwarid iri-ge Nagawan Indo indi-n pidnak pem-et kwarij-o. Nebat ambara Yerobeam kwat uburak wene Nagawan Indo-nen o Silo woraso Mbal Pem Nagawan ene lomboksa yoso nap Agia yak tid iri na mondok kwar-et makluk-nen iri-ge yij-o.

2 NAGAWAN NAGAWAN-NEN KWARIDNAK WENE 20:19

Yosoloma, Nagawan Isikia-nen onggo yosolar-e: ”Nagawan Indo-nen yidnak wene yak nirigen iri-ge ob-er-o” luk yij-o. Nde, iri yid iri-ge at-nen yebet kasolar-e: ”Mbigija-ge an worala tarem ya iri kwarigit lak yamuksa woramin irit nggog-o” luk-nen yij-o. 20:20–21:26 Ereya arem-e Isikia iri na wat yidnak wene min Yewura nap nagawan Manase min Amon min woragolat-nen it-nen kwarogolat woraiga wene min mbarak worasu-o.

NEMIA 9:5

Nde, iri tarem Nagawan Indo erembel wanugwi iri-ge it Lewi nap ya-nen tel kwiriga-o: Yesua, Katmiel, Mbani, Asapneya, Serebeya, Ondia, Sebania, Petaya it yu-nen yogolar-e: ”Menluk-nen Nagawan Indo Nenmbal Pem Nagawan nak kek tak puwog-o! Pempa at nak kek tak pogolat wolmog-o! At unu nggok kek tak iri nak mondok kek tak puwog-o. At kek tak ubugwi ereba-ge teberak puruk, At unu-ge terak minik kek tak-net yusu-o” luk yiga-o.

AYUP 1:11

Alat nde, kat-nen at arengge mende ereba oboksa nde wanosola-ge, wanosola ereya na-net kar-e imbiri lamut tak kubuwa-o!” luk yak tij-o.

AYUP 2:10

Yosoloma, Ayup-nen onggo yosolar-e: ”Kar-e inndi lak-nen yugwi nggal yusu-o. Nit-nen-e Mbal Pem Nagawan-nen konak mende wok nindidnak nak wanogolat, nde, meya wok nondosola-ge, keya burag-a?” luk yak tij-o. Nde, Ayup iri-ge andi bandi nggok ebem mbij-et nde, at-nen-e Mbal Pem Nagawan imin sirid mbarurak wene mbi mondok yak tigit lag-o.

NDAWI ENGGA 34:1

An-e pempa ”Nagawan Indo nak wiwa-o” luk yak tosolat woramin-o. Pempa kundugu at nak erembel wanosolat woramin-o.

NDAWI ENGGA 34:2

Nagawan Indo-nen kwarusu bem-e an-e at erembel wanusu-o. Nde, anggun panggun arem woragwi nab-e iri wene kuluruk, enalen kagolat wolmag-o.

NDAWI ENGGA 49:17

Wat yosolar-e isilobulo ereba na-ge misiger-o luk mbi waruk mburuwa bug-o. Arengge mende min-et nduguluk nggweyak arem ngguwa bug-o.

AID WENE YOSO NAP 12:7

Nit nenpe-ge tuguruk nggweyak kwat ma-o. Nit nunluk woragwi nindisep iri na-ge nindisep wok nindid Mbal Pem Nagawan eram-et tuguruk mburuwa-o.

YESAYA 42:24

Isarael iri-ge nden unpuwaklug-e ta-nen iminep wisirik pij-o? Iri-ge Nagawan Indo ondomok-net iminep wisirik pamu-o. Iri kwarid iri-ge nit-nen at erengen pem-e at-nen yidnak yidnak kwarigit lak yogolat, meya nak kwarogolat, at-nen mul nindidnak wene na imbirik mbirigit lak yogola karuk, at-net iminep wisirik pij-o.

YESAYA 45:7

Yaya min ndamuk min-e an-net ndak woroso-o. Imbiri lamut min inmbiringgat min-e an-net enpem poso-o. Ereba oboksa kwaroso-ge Nagawan Indo an-net yusu-o.

AMOS 3:6

Nde, o siri nggok ma woragwi nap-nen-e wim worasola-nen ene rak pugwi mende (terompet) kulurug-et nde, kwiye lak woragwir-a? Nagawan Indo-nen pil lobok yigit lak ma-ge o siri misik ebem lak tak onposo mende mbumomtag-e ndag-er-a?

MATIUS 20:15

An nangge iri-ge an nondomok nindi-n peraruk tumbururag-e meya kaigen-a? Iri ala-ge, an nindi konak ala karuk, kar-e noluk-nen kerengen ale yusu-o?’ luk yak tij-o.

YIDNAK YIDNAK WENE 4:28

Ndok wiriga iri-ge, kat kamawi min kat kindi-nen irit kwaruwag-o luk nanduk peraigen mende irit lud makluk kwariga-o.

EPESUS 5:20

Yi mende ndi mende pidsa bem kir-e pempa ”Nineid Mbal Pem Nagawan wa-o” yak togolar-e, Nenagawan Indo Yesus Kerisut unu bem-et yak togolat wolmer-o.

1 TESALONIKA 5:18

Nde, Yesus Kerisut imin kundik woragolat-nen Mbal Pem Nagawan indi-n pidnak kwarugwi-ge yu-o: Kir-e yi mende ndi mende kwat kinpidnak pem Mbal Pem Nagawan wa yak togolat wolmer-o.

1 TIMOTIUS 6:7

Nit ndet yogolar-e, yi mende ndi mende mbi nggweyak ma yu me waruk lobok yigir-e lag-o. Nde, mborogolat na, nggweyak ma yu me-nen na yi mende ndi mende waruk mburul pug-o.

YAKOBUS 1:17

We wok ondoso mende konak iminep mbarak oboksa iri-ge teram nggwe-nen mberak pil mbuwasu iri-ge aid arem worasu yaya elem ndak worak pidnak Mbal Pem Nagawan-nen pil mbuwaso-o. Nin yoso buk Mbal Pem Nagawan-e nden karuk, lumurak nonposo buk-nen yusu-o.

YAKOBUS 5:11

Ir-e mamak puruk woraidnak me, ir-e imbiringgat-nen yili-o luk nir-e yugwi-o. Ayub-nen mamak puruk woragaij-e kir-e kulugwi nar-o. Nagawan Indo iri-ge mondok enabuwa kaso, indi konak me, abok nggwe-ge Ayup na imbiringgat tak pid iri-ge kenaru nar-o.

URUT 1:21

An nanduk yu me-nen mborosolar-e, mondok abu ndak mbirigi-t nde, yawo Nagawan Indo-nen tuguruk wok nuburuk lobok yosolar-e, mondok nusu nggwarak lobok yigi-o. Iri bem-e, Nagawan Indo Amawi Worak iri na-nen angin worak nebem posolar-e, andi bandi mende kwarat nebem pidnak me, kir-e an nunu Naomi-o yak nitli iri-ge meyog-o” luk yak indij-o.

1 SEMUEL 2:7

Ap ereb-e Nagawan Indo-net insilobulo lak ndak worak onposolat, nde, ap ereb-e insilobulo worak ndak wat onposolat kwaroso-o. Nde, ap ereb-e teberak onposolat, nde, ap ereb-e kek tak onposolat kwaroso-o.

1 SEMUEL 2:8

Andi bandi arem-nen insilobulo lak nap mendak onposolat, anggun panggun arem-nen ap unnu lak nab-e wisirik onposo-o. It iri-ge ap enlem kek tak iri na annggamtak onposolat, kek tak unpugwi kwarak onposo-o. O nggweyak yu paro-ge Nagawan Indo arengge-net yusu-o. Nde, paro iri na bem-e o yu ndak worak pij-o.

1 SEMUEL 3:18

Yak tosoloma-ge, Semuel-nen-e wene ereba na-ge oboksa Eli yak tij-o. Mariget ter-o luk yemndak pigit lag-o. Yosoloma, Eli-nen yosolar-e: ”Ar-e Nagawan Indo-nen yusu-o. Ereba mag-o. At-nen kwaruwa nag-o” luk yij-o.