AYUP 1:20 - Nanduk Ngget Tul Pidnak Wene

²⁰ Yosoloma, Ayup na men yosolar-e, indi abi kalok yosolar-e, usum ndela bela keya buruk, anggulsu pena keya buruk, erare nggwe tud luk-nen

AYUP 1:20 ပူးပေါင်းရင်းမြစ်များ

NDAK WIRIDNAK WENE 37:29

Iri rak pikma nde, at Uruben na-ge lobok yarik, yi mbun emnde mbaridnak sa iri na me wok yarik, lombot pidnggal-e, Yusup lak alama karug-e, indi andi-nen usum ndela bela keya bij-o.

NDAK WIRIDNAK WENE 37:34

Iri yosolar-e, Yakup na-ge usum ndela bela keya buruk, indi abi kalak woragolat-nen yurugwi sum karung nggal yutluk, ambara iri na ubud-nen tabun puruk, kwarat woragij-o.

2 NAGAWAN NAGAWAN-NEN KWARIDNAK WENE 2:12

Lasola, Elisa-nen yik karok woralat-nen yosolar-e: ”Neid Elia wa-e! Neid Elia wa-e! Isarael nap inmiri yoso kamawi worak nap wa-e! Neid kar-e yawo-ge kondoro nak keya bigen-o!” yosolat-nen yik karok worala ereya na-t Elia na-ge lak yij-o. Iri yosolar-e, Elisa na-ge usum iri na-ge orowak wosa mberen tak pij-o.

ESERA 9:3

Nde, an-nen wene iri kulurug-e, nindi abi kalok yosolar-e, nusum ndela keya buruk, nanggulsu min nondoksu min pena keya burug-e, nindi abi kalak yosolat koreyak woragi-o.

AYUP 1:19

mimo o wija nggok nembaga nggwe-nen puk karuk lobok yosolar-e, o unggut manda inditwak ereya na wat kasolar-e, o iri na tud yosolar-e, kat kilirak oboksa o min tebera worak enpamu, an nak nuruk-nen wene waruk keram lobok yigi yur-o” luk yij-o.

AYUP 2:12

It kenan nap iri na-nen eram mborogolat-nen siyak erepma nggal-nen yik kaiganggal-e, Ayup abage-ge at abage nggal-e mondok kagit lak irit yiga-o. Iri ala karuk, ubud-nen yip sa nggwa mbogolat, unsum ndela keya bogolat, o liri kama teram nggwe mbo bil lagolat enanggul pem piga-o.

MBIRIGA WENE 4:31

Kwarosola-ge, it-nen-e ndemerer-o luk yebet kaiga-o. ”Nagawan Indo-nen kit lombot konposolat, kit anggun panggun tak kinpili na keneyasur-o” luk yak ondogola, kulurug-e, ir-e entare nggwe tud luk, Mbal Pem Nagawan erembel waniga-o.

YEREMIA 7:29

Nagawan Indo-nen yosolar-e: ”Yerusalem woragwi nap wa-e. Kondomok kunpud yip ter-o! Kenanggulsu labena mbo ber-o! Nagawan Indo an-nen abu keya kinpigirik, yawo nisilepma kenpem pusu me, o ndobo worak sa ereba me ndobo wolak pem-nen yip lilan ndawi bem wanogolat wolmer-o.

YOEL 2:13

Kunsum ndela keya bili iri na-ge ndag-e lag-o. Are, niri nera-o luk yip min-et kinndi puru yurag-o” luk yij-o. Nden karuk Nagawan Indo Kenmbal Pem Nagawan eram lobok yer-o. At iri-ge mamak puruk worasolat, enabuwa kasolat, ndag-et nak isilepma yoso buk, indi konak unpud kaso-nen yusu-o. Ap meya yidnak emberam tak poso indingen, ndag-et nak enpem wene mbarurak isili-nen yusu-o.

MATIUS 26:39

Yak unduruk, at na nuruksa nggal mberarik, nggweyak pem erare nggwe tud luk-nen tepan yosolar-e: ”Neid wa-e. Lak tak purag-e ndak nde ala-ge, yimbe yu-ge an neram-nen mengga wani-o. Alat nde, an nindi-n pidnag-e lag-o. Kat kindi-n pidnak nak kwat mag-o” luk yij-o.

TUGURUK YIDNAK WENE 9:18

Iri luk, tuguruk ndobo bem lagirik, Nagawan Indo eram iri me tud tak worasolar-e, nunggwi mende min yi min ninggit lak lengge empat pulu, kubu empat pulu irit woragi-o. Iri kwarigi iri-ge kit-nen Nagawan Indo erengen pem meya kwarogolar-e, meya-o luk yik kaso iri na kwarogola, at isilepma yosola-nen kwarigi-o.

YOSUA 7:6

Iri yogola-ge, Yosua min Isarael nap ennggendumu enne kulugwi nap ereba na min-e mondok inndi kalok luk, inndi kalok yogolat-nen kwarugwi mende unsum ndelabela keya buruk, mabe ndatluk, iri tarem-e aptusa tag-et Nagawan Indo-nen idnak labu mbarak iri na eralu entare nggwe tud tak nak woraiga-o.

1 PETERUS 5:6

Iri bem-e, at indi-n pidnak tarem wok yosolar-e, Mbal Pem Nagawan-nen kek tak kunpuwaklug-e, kir-e amawi winde Mbal Pem Nagawan inggiyapma kit kondomok kinndi tebe luk wolmer-o.