AMOS 9:8 - Nanduk Ngget Tul Pidnak Wene

⁸ Nagawan Indo Mondok Kek tak an-e Isarael nap-nen tenagidnak wi meya nak kwat tenak worali yu kwara limbit lombot onposolat worasu-o. Nagawan Indo an-nen yusu-o. An-nen-e Isarael nab-e mondok nggweyakma yu me-nen pusa lak tak inpimin-o. Alat nde, Yakup-nen wigarag-e mondok oboksa-t lak tak inpimin pug-o.

AMOS 9:8 ပူးပေါင်းရင်းမြစ်များ

NDAK WIRIDNAK WENE 6:7

yosolar-e: ”An-nen ndak worak pigi mende ap min yi towe ndi towe oboksa min urugup worak mende oboksa min an-e niri nera-nen ndak wirigi-o luk perasu me, mondok lak tak pimin-o” luk yij-o.

NDAK WIRIDNAK WENE 7:4

Nde, an-nen ndak worak pigi mende urugup worak iri na oboksa lak tak puwakluk talme mberak pumu, pok yigit lak, nok tenak kubu-nen lengge-nen empat pulu (40) tarem wolmomtak na mberak purag-e yawo-ge tuju nak nene luk mberak pimin-o” luk yak tij-o.

NGGOMO WENE 15:3

Nagawan Indo-nen-e nin me nan me kwat yusu mende ereba na-ge oboksa kaso-o. At-nen-e konak kwatli min meya kwatli min-e kwara lombot posolat woraso-o.

NGGOMO WENE 5:21

Nagawan Indo-nen-e nggweyakma nap-nen kwatli mitli oboksa kasu-o. Nggweyakma nap-nen tu nili oboksa Nagawan Indo-ge yik eneyarok worasu-o.

OSEA 1:4

Nde, Nagawan Indo-nen yak norosolar-e: ”Yisiriel iri me-nen at ombo Yeu-nen ap indidnak pem an-nen-e yanem-et Isarael nap nagawan iri-ge angin worak ebem posolat, Yeu-nen wigarak-nen Isarael tena woragwi iri na lak tak posolat kwarimin me, kambara iri unu-ge ’Yisiriel’ yari-o.

OSEA 1:6

Iri luk, imbirig-e, an nogwe iri na-ge la kwe misik ndagij-o. Iri yosola, Nagawan Indo-nen yosolar-e: ”Osea wa-e. An-nen-e Isarael nab-e enabuwa kagit lak yosolat, it meya yidnag-e mondok nemberam tak pigit lak yosolat yimin me, kara iri unu-ge ’Abuwa kagwi buk’ yari-o.

YOEL 2:32

Alat nde, ta-nen nde ’Yongga niri-o’ luk Nagawan Indo emengen mbaruwa nab-e inmiri-t yuwa-o. Ndobo Sion min Yerusalem min iri me-ge inmiri yurak elem-e wolma-o. Nagawan Indo-nen yid iri na ndak ndag-et Nagawan Indo-nen wene mbo unpuwa nab-e inmiri yuwa-o” luk yij-o.

AMOS 3:12

Nde, Samaria nap iri-ge lomba wam ombo-nen olomba wam singa ndakngge-nen nasolat ijok mberen min eyanggo min mbarak nak wanoso nggal, Samaria woragwi nap yawo konak nak nene yugwi ondoro konak ereba na bem nene yogolat worali ereba-ge enpe mariget nak keya unpuwa-o” luk yij-o.

AMOS 7:17

Nagawan Indo-nen kat Amasia yak korosolar-e: ’Kat kogwe-ge o siri tula ereba me terak ap nin inmin waring kaso kwat yosolat, kat kilirak na wim pem ondogolat, kat konggweyak na ap-nen tembesa wanogolat, kat kebe na Nagawan Indo enaru buk unuwi nggweyak pem ereba me wat yugun-o. Nde, Isarael wi woragwi nab-e ndemeret mberen unpuruk mburuwarik, mbo inpil mburugwi sa ereba me inpil mburuwa-o. Nde, iri-ge it woragwi sa keya buruk, nin sa-t inpil mburuwa-o’ yak kirij-o” luk yak tij-o.

AMOS 9:10

Nde, an nilirak ereba na ennggendumu worali meya yugwi nap ereba na-nen yogolar-e: ’Mbal Pem Nagawan-nen-e lak tak onposo mende-ge nit nenpem mbumakluk keya nunpuwa bug-o’ yili-t nde, it iri-ge ndemeret wim pem-nen unduwa-o” luk yij-o.

AMOS 9:4

Nde, it nde wim nap-nen kugun pem wok unpuruk mborogola-ge, unduwakluk wim nap enarem yabu wanimin-o. An nindi-ge lak tak unpurak iri nak wat tak pidnak me, mondok yongga indimin pug-o” luk yij-o.

TUGURUK YIDNAK WENE 4:31

Nagawan Indo Kenmbal Pem Nagawan iri-ge unpud kaso elem-nen yusu-o. Keya na kunpuwa buk. Lak tak na kunpuwa buk. At ondomok-en konmborak urul yak indid ereba na mondok meme rak na puwa bug-o.

TUGURUK YIDNAK WENE 6:15

Nde, Nagawan Indo kit kennggendumu worasu iri-ge ar-e nin mende nan mende min ndak ndak tak uburag-e mondok isili me, kit-nen nde mbal pem nagawan nin mbi erembel wanogola-ge, Nagawan Indo-nen isilepma kenpem puruk mondok lak tak kunpuwa-o.