AMOS 9:15 - Nanduk Ngget Tul Pidnak Wene

¹⁵ An-nen-e nilirag-e an-nen nggweyak wok indigi sa iri na me-t koreyak inpimin-o. Iri yumu, it iri-ge iri me-nen tuguruk kona wirik unpuwa bug-o. An-e Nagawan Indo it Enmbal Pem Nagawan-nen yusu-o” luk yij-o.

AMOS 9:15 ပူးပေါင်းရင်းမြစ်များ

NDAWI ENGGA 80:8

Kat kilirag-e anggut uwi nggal Mesira-nen inpil lobok yosoluk, ap enlem nin ereba na-ge sera wirik onposoluk, it unuwi nggweyak pem-e anggut uwi iri na yaigen-o.

YESAYA 60:21

Yerusalem kat kebem woragwi nap-nen mot mor-et kwarogolar-e, it-nen-e o nggweyak iri na winde luk, pem irit woralik nalik irit wolma-o. It iri-ge an nunu kek tak woraso iri nam tak puwakluk, an-net ya unpukmu-o.

YEREMIA 23:8

Are, Mbal Pem Nagawan nuruk nak woraso, an-nen o abare abam (utara) nggwe-nen na o siri erep nin me nan me it nggilara ndibi ndi rak inpigi sa-nen wesera wok unpuruk lobok yigi Mbal Pem Nagawan an nebem-nen owak mbaruwa-o. Nde, ir-e it ondomok unuwi nggweyak pem-et wolma-o” luk yij-o.

YESKIEL 34:28

It iri-ge an enaru buk nap-nen-e nden unpuwa bug-o. Ndakngge isilepma worak-nen na mondok leben unpuwa bug-o. Ap-nen-e ir-e kwiye rak unpuwa bug-o. Ir-e enalen worak wisirik yamuksa irit wolma-o.

YESKIEL 37:21

Iri kwarosolat, it yak ondosolar-e: ’Nagawan Indo Mondok Kek tak an-nen-e an nelem nap oboksa yi wi ndi wi mbiriga ereba na-ge it wolma sa-nen ndok wosa, tuguruk it ondomok unuwi nggweyak pem-et wok unpuruk lobok yimin-o.

YOEL 3:20

It indidnak enmep onggo-ge mondok pimin-er-o. It indidnak nab-e mondok lak tak inpimin-o. Alat nde, Yewura min Yerusalem min iri me-ge ab-e pem irit wolma-o. Nde, Nagawan Indo an-e Sion ndobo bem-e pem irit woramin-o” luk yij-o.

MIKA 4:4

Ap oboksa enambiktak lombok-nen kona wene lak, yamuksa irit woragolar-e, anggut eyapmu-nen na irit, e ara eyapmu-nen na irit, yamuksa wolma-o. Nde, ap misik-nen mbi kwiye rak onpogolat wolma bug-o. ”Iri nggal kwasa wolma-o” luk, Nagawan Indo Mondok Amawi worak iri na-nen urul pij-o.