AMOS 9:10 - Nanduk Ngget Tul Pidnak Wene

¹⁰ Nde, an nilirak ereba na ennggendumu worali meya yugwi nap ereba na-nen yogolar-e: ’Mbal Pem Nagawan-nen-e lak tak onposo mende-ge nit nenpem mbumakluk keya nunpuwa bug-o’ yili-t nde, it iri-ge ndemeret wim pem-nen unduwa-o” luk yij-o.

AMOS 9:10 ပူးပေါင်းရင်းမြစ်များ

YESAYA 33:14

Nde, meya yugwi nap Sion woragwi nap-nen kwiye-nen lele yogolat-nen yogolar-e: ”Mbal Pem Nagawan-nen nggaruksa mbaroso wene-ge kan amare pempa lasolat nak woraso iri na nggal-nen yusu-o. Nde, nit nennggendumu-nen-e lak tak poso kanduk iri arem-et lembe luk wolmomtag-e ndag-er-a?” luk yili-o.

YEREMIA 18:18

Ap ereba-nen yogolar-e: ”Yawo-ge Yeremia wuruwok-nen wene mbaruwog-o. Nde, Mbal Pem Nagawan imin wene yurak iri-ge at nak ndag-e lak-nen yusu-o. Pempa tepan ombo-nen na nit mul nondogolat, inndi worak nap-nen na nggomo nondogolat, Mbal Pem Nagawan-nen kwarurak nenpem pidnak wene na at ene lomboksa yugwi nap-nen na yak nondogolat worali yebar-o. Ap enpem wene mbenarugwi sa-nen Yeremia indi ngara keya buruk, ’Kat kene-ge kulul pug-o’ luk yuwog-o” luk yiga-o.

YEREMIA 23:17

Nde, it ereba-nen ap an nene kulurak insili yili nap yak ondogolar-e: ’Kir-e konak irit woragub-o’ luk yak ondogolat, nde, ap wene kulugwi buk ereba na yak ondogolar-e: ’Kir-e lak tak kunpurak mende-ge kenpem mbuma bug-o’ luk yak indili-o” luk yij-o.

AMOS 6:1

Kit kenalen pem Sion woragolat, kit konak yamuksa Samaria woragolat yili nab-e mondok kenabuwa-o! Kenlem Isarael nap kennggendumu kenne kulugwi nap, mondok kek tak worali nab-e kit kunuwokma woragwi Isarael nab-e yongga undurak pem-e kit kendam-et lobok yugwi nap kir-e mondok kenabuwa worag-o!

AMOS 6:3

Lak tak onposo tarem lobok yurak iri-ge yanem-er-e lag-o luk perali-t nde, kit-nen kwatli mende ereba-nen-e isilepma bem lel mberel kunpurak tarem iri na panggo rak pili-o.

AMOS 9:8

Nagawan Indo Mondok Kek tak an-e Isarael nap-nen tenagidnak wi meya nak kwat tenak worali yu kwara limbit lombot onposolat worasu-o. Nagawan Indo an-nen yusu-o. An-nen-e Isarael nab-e mondok nggweyakma yu me-nen pusa lak tak inpimin-o. Alat nde, Yakup-nen wigarag-e mondok oboksa-t lak tak inpimin pug-o.

MIKA 3:11

O siri ereba tena woragwi nap-nen-e o tenakolar-e, uang lesa wanurak pem nak o tena worali-o. Nde, tepan ombo-nen Nagawan Indo-nen imiri mbarak pidnak ereba na ap mul indili-ge onggo wanurak pem nak mul indili-o. Nde, Mbal Pem Nagawan ene lomboksa yugwi nap-nen Nagawan Indo-nen mirik unpuwakluk nggi yili-ge uang lesa wanurak pem nak nggi yili-o. Nde, it oboksa-nen iri nggal kwarogolar-e, it inndi-nen yebet kagolar-e: ”Nagawan Indo-ge nit nennggendumu worasu-o” luk yebet karug-e, it-nen yogolar-e: ”Nagawan Indo-ge nit ninmin worasu-o. Nde, iri ala-ge, nit nenpem-e lak tak onposo mende-ge mbuma bug-o” luk yili-o.

MALEAKI 3:15

Nit nondomok nenlengen-nen kali-o. Ap inndi kek tag-et nde, inmbiringgat worag-et worali-o. Nde, meya yugwi nab-e ebem lud nde imbiringgat worak yosolat, nde, it-nen meya kwarugwi ereba na bem-nen Mbal Pem Nagawan-nen mamak puruk woraso iri na abut mbarukmu-ge, ir-e wene lak, terag-et mborogola kali-o’ yili-o” luk yij-o.

MALEAKI 4:1

Nagawan Indo Mondok Amawi worak iri na-nen yosolar-e: ”Inndi kek tak min meya yugwi nap min oboksa tusuangge kan pidnak nggal kan unpurak tarem-e wog-et ma-o. Nde, iri tarem-e erep mbi keya bigit lak, mondok oboksa kan paga lak tak unpuwa-o.