AMOS 8:3 - Nanduk Ngget Tul Pidnak Wene

³ Nde, iri tarem-e nagawan woraso sa-nen ndawi yugwi ereba na-ge yip lilan ndawi nde kwat ma-o. Nin me nan me ereba me-ge ap worak mbik mbok mbo inpidnak nak liring arem mburuwa-o” luk yij-o.

AMOS 8:3 ပူးပေါင်းရင်းမြစ်များ

YOEL 1:11

Yabu wanugwi nap wa-e. Yip nggu lek ker-o! Nggandum mbato min jelai mbato min mbarurak mende oboksa min lak tak pidnak me, anggut yabu wanugwi nap wa-e. Yip ter-o!

YOEL 1:13

Kit tepan ombo Mbal Pem Nagawan amanggim wam wosa kan pugwi sa iri na me yabu wanugwi nap wa-e. Karung sum yutluk, yip ter-o. Mbal Pem Nagawan amanggim purak nggandum mbato min anggut engen min-e lak yidnak me, kir-e Mbal Pem Nagawan ama nggugupndik, yip tenak nak worakmu, o nda mag-o!

YOEL 1:5

Indi nden kaso yi nak nok tenak woragwi nap wa-e. Men mer-o! Anggut engen amburu ndonggosa nunggwi nap wa-e. Yip ter-o! Yip tugup iri-ge anggut engen amburu ngget mbilik kenemndam-nen mengga wanidnak iri bem yip tugub-o.

AMOS 4:10

An-nen-e Mesira nap enpem pil lobok yigi kugwi iri na nggal perek perek mboroso kugwi kenpem pil lobok yigi-o. Nde, kit kennggendumu ap sujwe-ge wim abi bem onposolat, kit-nen idnak kura wam ereba na-ge wim nap ininggem pigi-o. Nde, kit woragwi sa-ge ap onowak yidnak emben worak ereba na yebet tak pumu, emben-nen kenabirumu urud ndo yij-o. Iri nggal-et kwat konposola-t nde, kir-e tuguruk an neram lobok yigit lak yigeb-o

AMOS 5:16

Nagawan Indo Mbal Pem Nagawan Mondok Amawi worak iri na-nen yosolar-e: ”O siri tula tula ereba-ge ab-e inndi puru-nen yip togolat yane wuruwa-o. It yabu wanugwi nap min-et ap wat yidnak ereba na unpud yip tuwakluk onggo wok indidnak ereba na inmin ap wat yidnak iri na ubud yip tuwakluk wene mbo unpuwa-o.

AMOS 5:23

Kit kenndawi ap eneyanggoru nak alu nggwe rak pili iri-ge keya ber-o. Kit-nen ndawi kecapi poba bem yili iri-ge an-nen kulurag-e mondok nimbir-o.

AMOS 6:4

Kit nene yugwi ondoro mondok konak pem nak mbinggirik woragolat, sapi uno min lomba usul uno min ereba na nak nggok saga nonggolat worali nab-e mondok kenabuwa worag-o!

AMOS 6:5

Kir-e kenalen pem nde Ndaut-nen kwaroso nggal ndawi mbela ngarogolat, ndawi iri na-ge kecapi poba ene rak pogolat yili-o.

AMOS 6:8

Nagawan Indo Mbal Pem Nagawan Mondok Amawi worak, Kek tak iri na-nen ene amawi min enpem posolar-e: ”An-e it nagawan woragwi sa enalen pem mondok konak nak woragwi sa ereba-ge nindingen kasu bug-o. It unuwi siri iminepma iri min iri me woraso mende oboksa min an-nen-e kegera wim nap ininggem pimin-o” luk watsa yij-o.

AMOS 8:10

Kit-nen kenalen pem nggok sakwi tarem-e an-nen tabun puruk woragwi rak posolat, kit-nen kenalen pem ndawi yugwi ereba na-ge yip tugwi nde kwarak pimin-o. Kinndi puru bem worali-o luk yenggerak puwakluk an-nen-e kit kenanggulsu labena keya buruk, karung sum yirik kinpimin-o. Kir-e inlirak misiget nderak iri na wat yosoma, ineid iniya-nen la iri na ubud yip tili iri na nggal yip tugub-o. Iri kwat kinpimin tarem-e kwarat kinndi puru pera rak perenak iri-net lak ma-o” luk yij-o.