AMOS 8:10 - Nanduk Ngget Tul Pidnak Wene

¹⁰ Kit-nen kenalen pem nggok sakwi tarem-e an-nen tabun puruk woragwi rak posolat, kit-nen kenalen pem ndawi yugwi ereba na-ge yip tugwi nde kwarak pimin-o. Kinndi puru bem worali-o luk yenggerak puwakluk an-nen-e kit kenanggulsu labena keya buruk, karung sum yirik kinpimin-o. Kir-e inlirak misiget nderak iri na wat yosoma, ineid iniya-nen la iri na ubud yip tili iri na nggal yip tugub-o. Iri kwat kinpimin tarem-e kwarat kinndi puru pera rak perenak iri-net lak ma-o” luk yij-o.

AMOS 8:10 ပူးပေါင်းရင်းမြစ်များ

NDAK WIRIDNAK WENE 21:16

kwe na-ge siyak erepma (100 meter) nggal mberarik, koreyak worasolat-nen perasolar-e: ”An nambara yu-ge an nerengen pem-nen wat momtak iri-ge an-e mondok nindi andi-o” perarug-e, yip tosolat woragij-o.

AYUP 3:5

Iri tarem iri-ge miri tupsa mbeyok tak puruk, lumugumusa mom ndirik tak posolat, mom ki rak pi-o. Nggan nggan-nen muruk tak puruk, mo eyaya-nen eyaya rak puwa naru, nggetla keya bi-o.

YEREMIA 2:19

Kondomok-nen meya kwaroso iri na-nen ndowaga angin worak kebem posolat, kat Kembal Pem Nagawan an keya nubusu iri na bem-nen andi bandi rak kubusu-o. Kar-e an kek tak nibigit lak, kamberam tak nibigen iri na-ge yawo-ge kumburugwi ngari rak posola, al ngari ki-o. An-e Nagawan Indo Kembal Pem Nagawan-nen yigi-o. An-e Nagawan Indo Mbal Pem Nagawan Namawi Worak Mondok Kek tak-nen yusu-o” luk yij-o.

YEREMIA 6:26

Nagawan Indo-nen at ilirak yak ondosolar-e: ”Kir-e tabun sum yutluk, mabe ma mbiring mbaring kwarer-o. Kit lak tak kunpurak nab-e mimo kenpem kore ma me, kir-e inlirak misiget tagoksa wat yosoma-nen inndi abi kalok yogolat, tabun puruk woragwi nggal-et tabun puruk yip togolat wolmer-o” luk yak indij-o.

OSEA 2:11

An-nen-e at-nen nggok sagoso ereba na-ge oboksa lak tak pimin-o. Nde, arik tak mbena yosolar-e, olengen misik arem nggogolat, waneya misik arem nggogolat-nen nggok sagoso min we woragwi tarem yebet kasolat kwaroso min ereba kwarosolat-nen kwaroso mende oboksa ereba na-ge lak tak pimin-o.

OSEA 2:13

At-nen yi tarem ndi tarem ereba na-ge kugwi Mbaal enmanggim nak emben konak mende kan perenak worasolat, inmin nene yoso nap ereba na langgal unpuruk mbururak pem nak imirik umuruk puruk langgal unpuruk mborosolat, ereba kwarurak nak nggok tak puruk an-e mondok abu abu meme rak noboso bem-e an-e angin worak mende ebem pimin-o. Nagawan Indo an-net yusu-o” luk yij-o.

YOEL 1:8

Kir-e kweyap ndugum-nen it enabi pugwi inndi kundik iri na wat yosoma, inndi abi kalok yogolat yip tugwi nggal yip ter-o.

AMOS 5:21

Nagawan Indo-nen yosolar-e: ”An-nen kit-nen yebet kagolat nggok sakwi ereba yik kudtag-e mondok nisili rak puruk, sok wururak nde yusu-o!

AMOS 5:23

Kit kenndawi ap eneyanggoru nak alu nggwe rak pili iri-ge keya ber-o. Kit-nen ndawi kecapi poba bem yili iri-ge an-nen kulurag-e mondok nimbir-o.

AMOS 8:3

Nde, iri tarem-e nagawan woraso sa-nen ndawi yugwi ereba na-ge yip lilan ndawi nde kwat ma-o. Nin me nan me ereba me-ge ap worak mbik mbok mbo inpidnak nak liring arem mburuwa-o” luk yij-o.