AMOS 7:16 - Nanduk Ngget Tul Pidnak Wene

¹⁶ Iri bem-e, Nagawan Indo-nen yak kurusu wene-ge kwara kuli-o. Kar-e an yak norosolar-e: ’Kat-nen enpem mbud yosolat aid wene yusu iri-ge keya burag-o’ yak nurusu iri bem

AMOS 7:16 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 13:1

Nde, iri tarem-e Mbal Pem Nagawan ene lomboksa yoso nap misig-e o Yewura woragij-o. Worasoma-ge, Nagawan Indo-nen-e: ”Mbetel mbiri-o” yak tij-o. Yosoloma, mberarik Mbetel wok yidnggal-e, Yerobeam iri na-ge wam wosa kan peyekluk kan pugwi sa lagarik worasoma wok yij-o.

1 NAGAWAN NAGAWAN-NEN KWARIDNAK WENE 22:19

Mika-nen tuguruk yosolar-e: ”Yawo-ge Nagawan Indo-nen yidnak yu kuli-o. An yik kaginggal-e, aid arem iri me Nagawan Indo-ge at-nen koreyak woraso bem koreyak worala-ge, at-nen idnak aid nab-e oboksa eralu mendak eneyagi-o.

YESAYA 30:10

It-nen Mbal Pem Nagawan ene lomboksa yugwi nap inmin yogolar-e: ”Mondok kenne lak wolmer-o. Ndemeret wene-ge nir-e yak nundurak pug-o. Alat nde, nit-nen kulurak ninndi-nen pidnak wene nak yak nundurag-o. Nir-e yeba mende nag-et kwat tenak wolmomtak me, keya nenper-o.

AMOS 2:12

Alat nde, kit-nen-e an namanggim nak lenak woragwi nap Nasit nap ereba na inndi nden kaso anggut yi mak ondogolat, nde, it-nen-e ’Irit kwarimin-o’ luk owak mbaridnak ereba na kwid tili-o. Iri-nen kit-nen-e an nene lomboksa yugwi nab-e an-nen enpem pidnak wene ereba na ’Ap yak undurag-e lag-o’ luk imiri mbatli-o.

AMOS 7:13

Alat nde, Mbetel yu me-ge nagawan arig-et nak Nagawan Indo erembel wanoso-nen yusu-o. Nagawan yu me-nen tenagidnak wi woragwi-nen yidnak Mbal Pem Nagawan uwi-nen yusu me, kar-e Mbetel yu me-nen urul purak pug-o” luk yij-o.

MIKA 2:6

Ap endam-nen nggomo norogolat-nen yogolar-e: ”Nir-e nggomo nundurak pug-o. Ereba wene bem oboksa nggomo nundurak pug-o. Nir-e ninnggiri-ge kul pug-o.

TUGURUK YIDNAK WENE 32:2

An-nen mul ondoso wene-ge talme nggal mbuma-o. An nene-ge lilangen nggal yung ndung mbuma-o. An nene-ge talme nggare nggare tusuangge bem mbuwaso nggal mbosolat, talme nggok yagidnak mende bem mbuwaso nggal mbosolat ma-o.

1 SEMUEL 15:16

Yosoloma, Semuel-nen yosolar-e: ”Irit nde, pug-o, nab-o. Nagawan Indo-nen yawo kubu yak nirid wene mbi yak kirimin” luk yak tij-o. Yosoloma, Saul-nen yosolar-e: ”Yi-o, nab-o” luk yij-o.