AMOS 7:15 - Nanduk Ngget Tul Pidnak Wene

¹⁵ Alat nde, Nagawan Indo-nen-e lesa at-nen yidnak wene Isarael nap yak unduwakluk wok nebamu-o.

AMOS 7:15 ပူးပေါင်းရင်းမြစ်များ

2 SEMUEL 7:8

Iri bem-e Natan kat-nen an ndegel noboso nap Ndaut iri yak ti-o. An-e Nagawan Indo Nemawi Worak-nen at yak tosolar-e: ’An-nen kat len kibigi iri-ge kar-e nembaga ereba-nen lomba wam ndogorosoma, len kuburug-e, an nilirak enanggul pem nagawan mendak kubukmu-o.

1 NAGAWAN NAGAWAN-NEN KWARIDNAK WENE 19:19

Yak tosoloma-ge, Elia na-ge mberarik, Elisa na-ge sapi wam-e ondok min lombok nak duabelas ereya na bem abuwok nggwe nggweyak yalogola, ar-e sapi worok siyem ambigit nggwe ondok min mberen ereya na bem-nen nggweyak yalosoma, Elia na-ge Elisa eram wok yij-o. Wok yosolar-e, Elia-nen-e usum leyok sum iri na yonggora Elisa endakmbe bem langgwirik pil lagaij-o.

YEREMIA 1:7

Alat nde, Nagawan Indo-nen onggo yak norosolar-e: ”Kat-nen yosolar-e: ’An-e li awo mendaso’ luk yusu-ge meyog-o. An-nen nde ap endam wirik kobosola-ge, mondok mburugun-er-o. Nde, an-nen ’Mondok yak undurag-o’ luk kebem pimin-e mondok oboksa yag-et undurag-o.

YEREMIA 26:12

Iri yogola, an-nen yosolar-e: ”Nagawan Indo uwi min o siri yu min meya rak purak wene yosola, kit-nen kuligep iri-ge Nagawan Indo-net yurak nebem pamu-nen yigi-o.

AMOS 3:8

Singa-nen urum ene ngol yosola-ge, ta-nen kwiye lak woraso? Nde, Nagawan Indo Mbal Pem Nagawan-nen wene yosola-ge, at-nen enpem pidnak wene ap yak indigit lak ta nggal-nen indiyabu nak wolma-o?

MATIUS 9:9

Iri luk, Yesus-nen o iri na me keya buruk mborosoma-ge, pemerinta enmanggim tol ndok woroso nap unu-ge Matius iri na-ge at tol ndok woroso o ma koreyak worasoma kagaij-o. Karuk yarig-e, at-nen ap iri na yak tosolar-e: ”An nimin ni-o” luk yak tosoloma-ge, Matius iri na men lug-e, Yesus imin mbirij-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 4:20

Alat nde, nit-nen kaidnak wene min nit-nen kulidnak wene min iri-ge yik tenak wulmul-o” luk yak indiga-o.

YIDNAK YIDNAK WENE 5:20

”Kir-e mburugupndig-e, Mbal Pem Nagawan ama-nen menluk, unluk wolmomtak wene ngget yu ndegera ap kwarat yak ondogolat wolmer-o” luk yak indij-o.

1 SEMUEL 10:11

Nde, iri yogola-ge, at Saul abage woraso enaru nap-nen at-nen kwarusu iri na karuk-nen yak kerak mbogolar-e: ”Kis ambara yu-ge yawo-ge no ebem wok yij-o? Saul tet Mbal Pem Nagawan ene lomboksa yoso nap kwat yarik, lak? luk yiga-o.