AMOS 7:12 - Nanduk Ngget Tul Pidnak Wene

¹² Iri luk, Amasia-nen Amos yak tosolar-e: ”Awo ma-net yik kaso nap wa-e. Kar-e tuguruk kuwi Yewura nggweyak pem mbiri-o! Mburugundik, iri me-nen aid wene yak indi-o. It-nen nunggwi mende-ge wok korogolat wolmag-o!

AMOS 7:12 ပူးပေါင်းရင်းမြစ်များ

YESAYA 30:10

It-nen Mbal Pem Nagawan ene lomboksa yugwi nap inmin yogolar-e: ”Mondok kenne lak wolmer-o. Ndemeret wene-ge nir-e yak nundurak pug-o. Alat nde, nit-nen kulurak ninndi-nen pidnak wene nak yak nundurag-o. Nir-e yeba mende nag-et kwat tenak wolmomtak me, keya nenper-o.

AMOS 2:12

Alat nde, kit-nen-e an namanggim nak lenak woragwi nap Nasit nap ereba na inndi nden kaso anggut yi mak ondogolat, nde, it-nen-e ’Irit kwarimin-o’ luk owak mbaridnak ereba na kwid tili-o. Iri-nen kit-nen-e an nene lomboksa yugwi nab-e an-nen enpem pidnak wene ereba na ’Ap yak undurag-e lag-o’ luk imiri mbatli-o.

AMOS 7:11

Nde, Amos-nen yosolar-e: ’Nagawan Yerobeam iri-ge wim pem wuruwa-o. Nde, Isarael nab-e it unuwi nggweyak keya buruk, mondok erepma ereba-t mberena mbo inpil mburuwa-o’ yusu-o” luk yij-o.

MALEAKI 1:10

Nagawan Indo Mondok Amawi worak iri na-nen yosolar-e: ”Kir-e wewesa an namanggim wam wosa kan pugwi ondoro iri na me-ge kan amare rak perenak woragup naru, an nuwi iri-ge mondok tu lerak puruk keya burag-e mondok konag-o. An-e kit yik kiniyudtak na mondok nisili-o. Kit-nen an namanggim pili mende na wanurag-e mondok nisili-o.

MATIUS 8:34

Yak ondogolikma-ge, o iri me woragwi nap oboksa-ge Yesus imin lid pid yuwokluk mbirigarik, at imin lid pid luk, it enma iri me wolma naru, iri me keya buruk mburuwakluk, at emengen mbariga-o.

LUKAS 13:31

Iri na tarem-e Parisi nap erep-nen Yesus eram lobok yigarik, yak togolar-e: ”Erores-nen kat kereyekluk yusu me, kar-e o yu me keya buruk, nin sa mbiri-o” luk yak tiga-o.

YIDNAK YIDNAK WENE 16:39

Karug-e, mberen nap na endam lobok luk, ”Nit nde meya yigerig-o” yak indiga-o. Yak unduruk, mbepme inpil waruk, ”Naptag-o. Nenma yu me wolmomtak pug-o. Mberer-o” yak indiga-o.

OROMA 16:18

Iri nggal kwarugwi nab-e Nenagawan Indo Kerisut na ndegel ibili-ge lag-o. Are, it ondomok ukwe mende na lesa wanuwokluk-nen yili-o. Nde, iri kwarogolar-e, enaru buk woragwi nap na onmbol pem lagolat, enne amburu bem inndi wanili-o.

1 KORINTUS 2:14

Alat nde, Konak Indi wanigit lak nap-nen-e Mbal Pem Nagawan Indi-nen we wok ondoso mende wanurag-e meya-o. We wok ondoso mende-ge Konak Indi bem nak-nen enaru yugwi me, at-nen-e wid-nen yugwi nggal kwarak pidnak pem-e at ondomok indi bem-nen aru momtag-e meya-o.

1 PETERUS 5:2

Mbal Pem Nagawan-nen kininggem pidnak lomba wam iri na towarak woragolar-e, Mbal Pem Nagawan indi-n pidnak ndak ndag-et kwarogolar-e, kinsili lag-et, kenalen min-et yik karok wolmer-o. Nde, yik karok woragolar-e, onggo wanurak pem nak-nen yik karok wolmomtag-e lag-o. Are, ndemeret kinndi-nen ndegel enpeyeg-o peraruk-nen ndegel unpurag-o.

1 SEMUEL 2:36

Kat-nen wigarak-nen unluk wolma-ge tepan ombo iri eram uang min nunggwi mende min-e nggi yogolat wolma-o. Iri yogolat-nen nggi yogolar-e, ir-e nunggwi mende misik pem-et kum norak ereya na wok turak pem tepan ombo iri na yak ondosolar-e: ’Nab-o. Yongga kendeyek-nen ob-o luk yak nerer-o’ luk emengen mbaruwa-o” luk yak tij-o.

1 SEMUEL 9:9

Yosoloma, Saul-nen yosolar-e; ”Iri ala-ge ob-o. Eram mburuwog-o” yurug-e, Mbal Pem Nagawan ndegel oboso nap iri na woraso sa o silmu mbiriga-o. Mbirigarik, o siri iri na me lagwi ndobo iri na nggwe lakmu-ge, kweyap ndugum siyak yi kenanggil lobok yukmu, lid pid yiga-o. Lid pid lug-e, it-nen kweyap ndugum yeba na kin wok onpogolar-e: ”Ap yari na-ge o siri yu me worasu, lak?” luk kin waniga-o. (Nde, ereya tarem-e Mbal Pem Nagawan ene lomboksa yugwi nap unnu-ge ap yari-o yugwi-o. Nde, ap-nen wene nde Mbal Pem Nagawan kin wanurak yogolar-e, it-nen-e yu nggal yugwi-o: ”Ap yari eram mburuwog-o” yugwi-o.)