AMOS 5:4 - Nanduk Ngget Tul Pidnak Wene

⁴ Nagawan Indo-nen Isarael nap yak ondosolar-e: ”Kir-e kunlug-et worabokluk, tuguruk an neram lobok yer-o.

AMOS 5:4 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 20:3

”Nagawan Indo wa-e. An-e nondomok nindi-net kat kerembel tugup lak wanosolat, pempa kat-nen nebem pidnak nak kwarurak namawi kondoso-o” luk tepan yosolar-e, Isikia iri na-ge yip kondok lud mbij-o.

NDAWI ENGGA 14:2

Nagawan Indo-nen ap indi nggat nggat worak at erembel wanugwi nap mbenat onposolar-e, aid arem-nen nggweyakma nab-e mbel eneyasu-t nde,

NDAWI ENGGA 22:26

Enarengge lak nab-e kwarat nonggolat inmbit ma-o. Nagawan Indo eram lobok yuwa nap-nen-e at erembel wanuwa-o. Kir-e yamuksa pem irit woralik nalik irit wolmer-o!

NDAWI ENGGA 27:8

Kat-nen yosolar-e: ”An nogore yi-o” yigen na-ge an-nen yosolar-e: ”Nagawan Indo wa-e. An-e kogore yimin-o” luk yigi-o.

NDAWI ENGGA 69:32

Iri kwaroso iri karug-e anggun panggun tak unpugwi nab-e enalen kagolat, Mbal Pem Nagawan kek tak pugwi nab-e enalen-nen inndi yek yogolat ma-o.

NDAWI ENGGA 69:33

Nagawan Indo-ge insilobulo lak nap enne-ge koloso-o. At ilirak o kubu me worali nab-e meme rak onposo bug-o.

YESAYA 31:1

Yongga undurak pem Mesira iri me mburuwa nab-e mondok enabuwa worag-o! It-nen inndi ebem wat tak pili-ge Mesira nap san ombo kere kura wam ombol pem kore yugwi kwarat ereba na min kura wam amawi worak ereba na min wim koma kwarat ereba na min ebem nak inndi wat tak pili-t nde, Nagawan Indo Isarael nap Enmbal Pem Nagawan mondok marak iri na ebem inndi wat tak pogolat, at-nen yongga unduwakluk nggi yak togolat yili bug-o.

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

YEREMIA 38:20

Yosoloma, an-nen onggo yak tosolar-e: ”Nagawan kar-e kegera it ereba ininggem kubuwa-ge lag-o. An-e kat nak perak Nagawan Indo-nen yidnak yidnak kwari-o luk mondok kemengen mbarusu-o. Iri kwarosola-ge mondok wene lag-o. Nagawan kat na mondok kuruwa bug-o.

YESKIEL 18:9

Iri nggal kwaroso iri-ge an-nen ebem pidnak iri na bem-et woralat, an-nen imiri mbarak pidnak wene ereba na ndak ndag-et kwarosolat kwaroso iri perak ndemeret mot mot irit woralat uruk wolma-o. Mondok Nagawan Indo Kek tak an-nen yusu-o.

AMOS 5:6

Kir-e Nagawan Indo eram mberer-o. Iri yogola-ge, kunlug-et woragub-o. Kit-nen nde Nagawan Indo eram mbirigit lak yogola-ge, ar-e kan mare nggal puk kuruk lobok yosolar-e, Isarael nab-e pak konposola-ge, Mbetel nap-nen-e ap misiger-o luk mbi-nen kan iri-ge nugururag-e meya-o.

MATIUS 7:8

Nde, nggi yuwa nab-e wanuwar-o. Nde, kore yuwa nab-e kujwar-o. Nde, tu lel lel kujwa nab-e tu kuwarak ubuwa-o.

TUGURUK YIDNAK WENE 32:46

Musa-nen yosolar-e: ”Kit-nen kwarurak kenpem pidnak an-nen yawo yak kindigi ereba-ge kwara yebet karug-e kinlirak-nen pempa mot mor-et Nagawan Indo-nen enpem pidnak wene oboksa ereba na kwarogolat wolmakluk, kinlirak mul undurag-o.

TUGURUK YIDNAK WENE 32:47

Mul kindigi wene ereba-ge we ebe lak wene-ge lag-o. Are, kunluk wolmomtak wener-o. O Yi Yareren eyak ele bem yanem kit nggugupndik woragup iri me kunluk mot pem-et worabokluk, kwarurak kenpem pidnak yeba-ge kwara kwarogolat wolmer-o” luk yak indij-o.

TUGURUK YIDNAK WENE 4:29

Iri me woragolar-e, kir-e Nagawan Indo Kenmbal Pem Nagawan kore yogola-t nde, ndemeret kinndi-net kore yogola-ge, kagub-o.