AMOS 5:16 - Nanduk Ngget Tul Pidnak Wene

¹⁶ Nagawan Indo Mbal Pem Nagawan Mondok Amawi worak iri na-nen yosolar-e: ”O siri tula tula ereba-ge ab-e inndi puru-nen yip togolat yane wuruwa-o. It yabu wanugwi nap min-et ap wat yidnak ereba na unpud yip tuwakluk onggo wok indidnak ereba na inmin ap wat yidnak iri na ubud yip tuwakluk wene mbo unpuwa-o.

AMOS 5:16 ပူးပေါင်းရင်းမြစ်များ

YEREMIA 9:10

Yosoloma, Yeremia-nen yosolar-e: ”Wam tusuangge taroso sa ereba min ndobo bem min-e umbuk merek lesa labuk yosolat, ap na iri nggwe mbirigit lak yogolat ala karuk, an-e abuwa-nen yip tosolat, tabun pimin-o. Nde, iri me-ge wam ene na mondok kuligit lak yogolat, towe mena na ndegera mborosolat, lak yij-o” luk yigi-o.

YEREMIA 9:16

An-nen-e it iri-ge ap enlem it min onmborak min-nen eneyagwi buk nap ennggendumu ndibi ndi rak inpimin-o. An-nen it enpem mbud yurak san ombo inpil lobok yosolar-e, mondok pendaga lak tak inpimin-o” luk yij-o.

OSEA 4:3

Iri bem-e o yu-ge amburu lak yosolat, yi mende ndi mende worasu-ge mondok wat ma-o. Urugup worak mende towe min nggweyak lok lok noso min yi koma arem woraso min oboksa wat ma-o” luk yij-o.

YOEL 1:11

Yabu wanugwi nap wa-e. Yip nggu lek ker-o! Nggandum mbato min jelai mbato min mbarurak mende oboksa min lak tak pidnak me, anggut yabu wanugwi nap wa-e. Yip ter-o!

YOEL 1:14

”Nunggwi mende ninggit lak, tepan nak yogolat wolmer-o” luk, kenlem nap yak ondogolat, nggok ndok wururak wene naru karu rak per-o! Enne kulugwi nap min Yewura woragwi nap oboksa min-e Nagawan Indo Kenmbal Pem Nagawan ama ngguruk, at eram wene mbo bil lujwakluk, yonggo enper-o!

YOEL 1:15

Mondok Amawi Worak iri na-nen yigisa lak tak unpurak tarem, kwiye-nen enaboro min wat yurak tarem, Nagawan Indo-nen idnak tarem iri na-ge panggo yij-o.

YOEL 1:8

Kir-e kweyap ndugum-nen it enabi pugwi inndi kundik iri na wat yosoma, inndi abi kalok yogolat yip tugwi nggal yip ter-o.

AMOS 3:13

Nde, Nagawan Indo Mbal Pem Nagawan Mondok Amawi worak Kek tak iri na-nen yosolar-e: ”Yakup-nen wigarak iri-ge kwara lombot unpuruk, inndi wanuwakluk nggomo ender-o.

AMOS 5:27

Misik tarem-e an-nen Ndamsik nggal-e lak. Are, mondok erepma nin sa ereba me mbo kinpil mbirimin-o. Nagawan Indo an nunu Mbal Pem Nagawan Mondok Amawi worak an-nen yusu-o” luk yij-o.

AMOS 8:10

Kit-nen kenalen pem nggok sakwi tarem-e an-nen tabun puruk woragwi rak posolat, kit-nen kenalen pem ndawi yugwi ereba na-ge yip tugwi nde kwarak pimin-o. Kinndi puru bem worali-o luk yenggerak puwakluk an-nen-e kit kenanggulsu labena keya buruk, karung sum yirik kinpimin-o. Kir-e inlirak misiget nderak iri na wat yosoma, ineid iniya-nen la iri na ubud yip tili iri na nggal yip tugub-o. Iri kwat kinpimin tarem-e kwarat kinndi puru pera rak perenak iri-net lak ma-o” luk yij-o.

AMOS 8:3

Nde, iri tarem-e nagawan woraso sa-nen ndawi yugwi ereba na-ge yip lilan ndawi nde kwat ma-o. Nin me nan me ereba me-ge ap worak mbik mbok mbo inpidnak nak liring arem mburuwa-o” luk yij-o.

MIKA 1:8

Iri ala-ge, Mika an-e nindi abi kalok yosolat, o! luk, yane wirimin-o. Nde, an-nen nindi abi kalok yidnak iri kujwaklug-e, nusum na yirigit lak, nuwok sum na yirigit lak irit waring kamin-o. Iri kwarosolar-e, ndakngge nggal kuje mba arem nosolat, towe yipsoja yip nggal yil nosolat woramin-o.

MIKA 2:4

Kit-nen lak tak kunpuwa iri na-ge ap-nen wene ijambo rak puwa-o. Iri yogolat-nen yip lilan ndawi ngarogolar-e: ’Nagawan Indo-nen-e nit nunuwi yu-ge mengga nit yemndak nunpuruk worali nap wok indij-o. Nir-e mondok yigisa abapno rak ninpidnak worali-o’ luk yuwa-o” luk yij-o.

NAM PARA WENE 18:10

At andi bandi kasu na kwiye-nen nuruksa mendak woragolat-nen yogolar-e: ”E! O siri anggu obok worak amawi worak Mbabel yu-ge ijar-o! Kat kebem wene mbarosolar-e, jam misiget pem nak lak tak kubusu-o!” luk yuwa-o.

NAM PARA WENE 18:19

Ir-e mabe ndatluk tabun puruk woragolat, yip togolat-nen enne ngguloksa yogolar-e: ”O! O siri nggulok iri andi bandi kasu yu-ge o! At isilobulo kwarat ereba na-nen ndowaga yi ombolwak pem waring kagwi koma winde nap oboksa-ge enarengge kwarat ligik lagaij-o. Nde, jam misiget pem nak at arenggi arengge oboksa lak yij-o!” luk yiga-o.