AMOS 5:13 - Nanduk Ngget Tul Pidnak Wene

¹³ Kit-nen iri kwatli iri bem-e meya iri nggal kwarugwi tarem me, indi nggat nggat worak nab-e indiyabu nak wolmomtak iri-ge ndag-o.

AMOS 5:13 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 18:36

Yosoloma-ge, Isikia-nen Yerusalem woragwi nap yak ondosolar-e: ”Enne onggo yurak pug-o” yidnak pem onggo yigit lak, enne nak lak woraiga-o.

AID WENE YOSO NAP 3:7

ndelak purak tarem min panggarurak tarem min enne lak wolmomtak tarem min enne yurak tarem min wat tak pusu-o.

AID WENE YOSO NAP 9:12

Towe are bidnak arem ngonok yosolat, keyane na keyane wanugwi sum arem yat yosolat kwaroso nggal-et, peragit lak ma nggweyakma nab-e lak tak unpurak mende enpem lobok yurag-e mepme-nen lobok yuwa iri-ge kabak woragwi-o.

OSEA 4:4

Nagawan Indo-nen yosolar-e: ”Kit tepan ombo wa-e. An-e kir-et meya-o luk yak kundusu me, an nilirak meya rak onpogolat, insilepma enpem pogolat yurak pug-o.

AMOS 6:10

Wat yidnak nap ereba na winde misik lobok yuwarik, ap wat yidnak ereba na wok unpuruk o ma-nen wurungsa mborosolat-nen ap misik o iri na arem wolma ereba yak ondosolar-e: ”Ap erep mbi kinmin worali, lak, ngge-o?” luk yak unduwa-o. Alat nde, ap ereba na-nen onggo yogolar-e: ”Lag-o!” yogola karuk, ap lugwinik waruk mburuwa iri na-nen yosolar-e: ”Kenne erep min yili-ge meyog-o! Yawo-ge nit-nen Nagawan Indo unu yurag-e meya-o” luk yuwa-o.

MIKA 2:3

Iri kwat inpili bem-e Nagawan Indo-nen yosolar-e: ”An-e lak tak onposo mende kit kenpem pil lobok yurak yebet kasolat worasu-o. Kenpem nde pil lobok yosola-ge, kir-e mbela mburugup pug-o. Iri tarem-e kit lak tak kunpurak tarem-e kir-e kinndi kek tak pem waring kali iri na nggal-e waring kagup pug-o.

ABAKUK 3:16

Iri kwarigen wene kulurug-e, an-e lele yosolat, nindi min ndirij-o. Iri yosolar-e, mondok namawi lak, ndeyak irit yigi-o. Nowak uruna lasolar-e, kwara kondoksa mburusu bug-o. An-e an nimin wim mbarugwi nap ereba na Mbal Pem Nagawan-nen angin worak mberak puwa iri na-t yik karok nindiyabu worasu-o.

EPESUS 6:13

Iri bem-e, kir-e Mbal Pem Nagawan-nen idnak wim puwokluk yurugwi mende oboksa yerer-o. Iri yurugup pem-e, meya mom tarem iri wok yosola-ge, mamak puruk woragolar-e, wim tembesa keya buruk, mondok tugup lag-et woragub-o.

2 TIMOTIUS 3:1

Wene yu yebet yebet tak wolmin-o. Worok tak purak tarem-e nari wari rak unpurak mende-ge ap enpem mbuwa-o.