AMOS 5:12 - Nanduk Ngget Tul Pidnak Wene

¹² Kit-nen mondok meya kwarat kwatli min kit-nen kwarat lugud tak kwatli mim ereba-ge an-e naru-o. Kit-nen konak nap ereba na lel mberel onpogolat, kir-e onggo wok kondosoma, insilobulo lak nab-e keya onposoma, ap enpem wene mbarugwi sa-nen lugud tak kwat inpili-o.

AMOS 5:12 ပူးပေါင်းရင်းမြစ်များ

AYUP 31:21

”An-nen kwarimin iri-ge ombol nggwe-t yimin-o” peraruk-nen nde, li mul ineid lak iniya lak ereba na enmberam laso ala-ge,

NDAWI ENGGA 127:5

Ap enmare iri nggal worak nab-e alen kasolat wolma-o! At uwim nap inmin enpem wene mbarugwi sa nggosolar-e, ar-e mondok urugwe nggwe rag-e ubuwa bug-o.

MBIRIGA WENE 23:3

Ap enpem wene mbenarogolar-e, silobulo lak nap iri na ambigir-e yurak pug-o. Wene mot mot nak mbarurag-o.

MBIRIGA WENE 23:6

Isilobulo lak nap-nen nde owene waruk wene mbenarugwi sa wok yosola-ge, at owene iri-ge mot mor-et mbenarurag-o.

NGGOMO WENE 22:22

At umbunu lak iri na karuk, insilobulo lak nap enarengge mengga wanurak pug-o. Ap enpem wene mbarugwi sa-nen enpem wene mbarogolar-e, ap enmawi lak anggun panggun arem woragwi nab-e lel mberel unpurak pug-o.

YESAYA 1:23

Kit-nen idnak enne kulugwi nab-e wene eyak worogolat, yariya wanugwi entep kwarogolat, yi mende ndi mende min tol min lesa wanogolat kwatli-o. Wene mbenarugwi sa-nen wene mbenarogolar-e, li mul ineid iniya lak ereba na onowene kona mbarurak keya bogolat, kweyap togwe onowene konurak yak ondogola na kwara enne kuligit lak yogolat kwatli-o.

YESAYA 33:15

Kit-nen nde ndemeret wene nak yogolat, konak nak kwarogolat kwarogola-ge, iri arem-et lembe luk wolmomtak iri-ge ob-er-o. Kir-e no bem-nen lesa wanimin isilobulo lak nap enarengge ondoro rak purak pug-o. Lugud tak kwarogolat, uang wanurak pug-o. Kit-nen-e ap wururak pem wene mbatli nap ereba na inmin-e wene mbarurak pug-o. Iri-nen meya erep kwarurak pem wene erep na wanurak pug-o.

YESAYA 66:18

An-e it-nen yebet kagwi min it-nen kwarugwi min-e mondok naru-o. An lobok yosolar-e, yi nap ndi nap enggep lombok-nen ndok worak enpeyekluk lobok yimin-o. It-nen ndok worogolat tarem-e an namawi-ge enlengen kujwa-o.

OSEA 5:3

Isarael nap wa-e. An-e kit-nen kwarugwi min kit-nen woragwi kenpage min mondok oboksa naru-o. An nerengen pem-e kit-nen kura burag-e mondok meya-nen yusu-o. Kir-e kugwiwak nak erembel wanogolat, tugup lak an nimin worali buk iri-nen ndowaga kit-nen an nerembel wanurag-e meya-o” luk yij-o.

AMOS 2:16

Nde, iri tarem-e mondok ap san wari kwiye kagwi buk-nen na kwiye-nen esan keya buruk, kwiye mburuwa-o. Wene yu-ge Nagawan Indo an-nen yigi-o” luk yij-o.

AMOS 2:3

Moap iri me tena woraso nagawan min at eyabu wanugwi ap yok nggok oboksa min indimin-o” luk yij-o.

AMOS 5:10

Kir-e lugud tak kwarugwi nap met inpili ereba na kinsili rak onpogolat, ap enpem wene mbenarugwi sa-nen ndemeret nak yugwi nap ereba na kinsili rak inpili-o.

AMOS 5:7

Mot mot kwarugwi ereba na lugud tak pogolat, ap enmberam laruk enarengge winde yogolat kwatli nab-e mondok kenabuwa-o!

AMOS 8:4

O yu me woragwi insilobulo lak nap lel mberel onpogolat lak tak inpili nap wa-e. Kwara koler-o!

MIKA 3:11

O siri ereba tena woragwi nap-nen-e o tenakolar-e, uang lesa wanurak pem nak o tena worali-o. Nde, tepan ombo-nen Nagawan Indo-nen imiri mbarak pidnak ereba na ap mul indili-ge onggo wanurak pem nak mul indili-o. Nde, Mbal Pem Nagawan ene lomboksa yugwi nap-nen Nagawan Indo-nen mirik unpuwakluk nggi yili-ge uang lesa wanurak pem nak nggi yili-o. Nde, it oboksa-nen iri nggal kwarogolar-e, it inndi-nen yebet kagolar-e: ”Nagawan Indo-ge nit nennggendumu worasu-o” luk yebet karug-e, it-nen yogolar-e: ”Nagawan Indo-ge nit ninmin worasu-o. Nde, iri ala-ge, nit nenpem-e lak tak onposo mende-ge mbuma bug-o” luk yili-o.

MIKA 7:3

It oboksa-nen meya kwarurak pem-e mondok kwara enaru yidnak worali-o. Yabu winde min ap enpem wene mbenarugwi nap min-e meya lugud tak kwarurak pem uang nggi yili-o. Ap oboksa-nen enne kulugwi nap ereba na-nen-e it inndi-nen pidnak iri na-t amawi rak pogolat lambuksa wene mbatli-o.

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

YIDNAK YIDNAK WENE 7:52

Mbal Pem Nagawan ene lomboksa yugwi nap, kit kenlawingga-nen lel mberel inpigit lak nab-e ta rak nag-o? Konak Nab-et lobok yuwa-o luk urul pogolat woraiga nab-e kit kenlawingga-nen indiga-o. Nde, yawo kit-nen na Konak Nap iri iminep wisirik puruk wirigep nar-o.

TUGURUK YIDNAK WENE 31:21

Iri yogola-ge, lak tak unpurak mende kwarat enpem mbuma-o. Alat nde, ndawi yu-ge it innggiri rak puwakluk pempa yogolat wolmomtag-o. An-nen urul yak indigi iri na me nggwigit lak ma-net it inndi-nen yebet kali iri-ge an-e mondok naru-o” luk yak tij-o.

YAKOBUS 5:4

Kir-e kit keneyabu wanili nap iri onggo wok indili bug-o. Iri ala karuk, nggi kererenak worali iri koler-o. Kunmburu kenmanggim ndakwi nap-nen-e: ”Wok nender-o” luk kum mbo bili iri-ge Mbal Pem Nagawan Amawi worak Nagawan Indo na eyanggo ma nggwij-o.

YAKOBUS 5:6

Kir-e meya kwarigit lak nap enpem wene mbarogolat, ondogolat yigeb-et nde, ir-e onggo kindigit lag-o.

URUT 4:1

Mboas na-ge o siri pak tumende bem ap ndok wurugwi sa mberarik, koreyak worasoma-ge, at-nen indi peragid nap Elimelek ambik owe owot iri na mborosola karug-e, Mboas-nen wene mbo uburuk: ”Nab-o. Yu me kore yil lobok yi-o” yak tosola-ge, ap iri na-ge lobok yarik, eram kore yij-o.

1 SEMUEL 8:3

Alat nde, it mberen ya na-ge ineid-nen kwaroso nggal-e kwarigit lag-o. Are, it ondomok enmanggim nak uang ndok wuruwaklug-e ap enpem wene mbenarogolar-e, onggo lesa wanogolat, ap enpem wene mot mot mbarugwi iri na-ge lugud tak pogolat woraiga-o.