AMOS 4:5 - Nanduk Ngget Tul Pidnak Wene

⁵ Nde, oroti-ge wiwa-o yogolat pugwi iri na-ge an namanggim-et pogolat wolmer-o! Kit-nen amburu ndorogolar-e, ’Kat kamanggim pugwi mende-ge erep min-et nambena waruk lobok yige-o’ yogolat wolmer-o! Ndemeret kir-e ereba nggal perak kenalen pem kwat tenak worali-o!

AMOS 4:5 ပူးပေါင်းရင်းမြစ်များ

YESAYA 1:1

Engga yu arem-e Yewura nap nagawan nagawan Usia min Yotam min Agas min Iskia min-nen Yewura tena woragola tarem Mbal Pem Nagawan-nen Yewura min Yerusalem min yak indidnak wene Amos ambara Yesaya imbiri bem nam tak posola, Yesaya-nen mbaridnak wene worasu-o.

YESAYA 1:11

Nagawan Indo-nen yosolar-e: ”Kat kindi arem-nen-e kat-nen an namanggim pugwi mende kundugu kandugu perenak worasu ereba-ge an-e nindingen tak pusu-o luk yebet kasu, lak? Kat-nen an namanggim wosa kan pusu lomba min sapi usul omok min sapi kusi eyabi min lomba min kambing min iri-ge an-e mondok yik kudtag-e mondok nisili-o.

YEREMIA 7:10

Iri kwatlug-et nde, an neram an nama yu me lobok yogolar-e: ”Nir-e konak worali-o!” yogoluk, tuguruk meya mbilaro ngin mende ereba na kwatli-o.

YEREMIA 7:9

Nde, kir-e yariya wanogolat, ap worogolat, unun onkwe worak inmin meya kwarogolat, kenesiget ”Iri nggal kwarosola kagi-o” luk owak mbarogolat, Mbaal kugwi amanggim pogolat, kit-nen kenaru buk kugwiwak ereba na erembel wanogolat kwatli-o.

TEPAN OMBO-NEN KWARURAK WENE 23:17

Nde, ap o misik woragwi lombok oboksa-nen oroti wora mberen lombok Nagawan Indo imbiri bem nuk kagolat, amanggim purag-o. Nde, oroti iri konogolar-e, mbato mondok konak yigirik angin-e dua kilo nggal waga oroti lomboroso mende min oroti woraidnak iri pogolar-e, keneyapmu-nen yagidnak anggul-et mbara pidnak irit amanggim purag-o.

AMOS 5:21

Nagawan Indo-nen yosolar-e: ”An-nen kit-nen yebet kagolat nggok sakwi ereba yik kudtag-e mondok nisili rak puruk, sok wururak nde yusu-o!

AMOS 5:22

Kit-nen an namanggim kan purak mende min an namanggim purak nggandum mbato min waruk lobok yili-ge an-nen-e mondok wanimin pug-o. Kit-nen konowam mondok nggok omok worak an nimin kondogolat namanggim pugub-et nde, an-e mondok wanimin pug-er-o.

MATIUS 15:9

It-nen mirik unpugwi wene owak iri-ge ki nap-nen yidnak wene nak mirik inpili me, it-nen an nerembel wanili-t nde, ebe lak mende-nen yusu-o’ ” luk yij-o.

MATIUS 23:23

Kenesiget siget kwarugwi nap kit imiri mbarak pidnak wene kenaru nap min Parisi nap min wa-e. O, kenabuwa-o! Kit-nen-e lawet min kwendet min nunggwi mende undu worak tak pugwi engga pidsa wonatluk, enggep lombok karetkwe-nen yidnag-e Mbal Pem Nagawan amanggim pili-t nde, imiri mbarak pidnak wene nggulog-e yu nde keya bili-o: lud tak nak kwarugwi min ap unpud kagwi min mot mot-et kwarugwi min irit keya bili-o. Nde, lud tak nak kwarugwi min ap unpud kagwi min mot mot-et kwarugwi min kwarogolat nggal-e, erep na min-et kwarogolat woraleb-o.

MATIUS 6:2

Iri bem-e, kit-nen nde yi mende ndi mende-ge insilobulo lak nap we wok ondogolar-e, it enesiget siget kwarugwi nap-nen-e Mbal Pem Nagawan uwi worak ma-nen na, tula tula nggwe-nen na ap-nen it yik eneyarik entembel wanuwakluk kwarugwi mende nggal, kit-nen kwarurak pug-o. An-nen yak kendeyeg-o: It iri kwatli iri-ge onggo mondok wanigarik worali-o.

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.