AMOS 3:9 - Nanduk Ngget Tul Pidnak Wene

⁹ Wene yu-ge nagawan woragwi sa woragwi Mesira nap min Asndot nap min yak ender-o. Yak ondogolar-e: ”Ndobo Samaria eralu inggi inggi ereba bem ndok wutluk, nari wari nak kwat tenak woragolat, ap lel mberel tak onpogolat kwatli ereba lombot per-o” luk yak ender-o.

AMOS 3:9 ပူးပေါင်းရင်းမြစ်များ

2 SEMUEL 1:20

Iri wene-ge Nggat iri me wigarurak pug-o. Askelon tula tula ereba me yil nurak pug-o. Pilisin ligwami enalin enalen kagu-o. Mbal Pem Nagawan enaru buk ligwami enalin enalen lek kagu-o.

NGGOMO WENE 1:13

Nit-nen-e it insilobulo konak onggo nggok ereba-ge nit nenma silobulo-nen kobong makluk wanul-o.

YEREMIA 31:5

Kir-e Samaria iri me ndobo worak sa tuguruk anggut yabu wanugub-o. Nde, yaguwa nab-e ebe puwa-ge mbaruwar-o.

YESKIEL 36:8

Alat nde, ndobo Isarael worasu kit yak kendeyeg-o. Kit-nen idnak e ereba-ge isit lasolat, an nilirak Isarael nap ndag-et tuguruk unuwi nggweyak pem lobok yuwa ereba na enmanggim engen puwa-o.

YESKIEL 37:22

Inpil lobok yimindig-e o Isarael wi ndobo worak sa ereba ne me an-nen-e ap enlem lambuksa misiget tak unpumu, nagawan misiget nak-nen tena unpuruk wolma-o. It iri-ge ngaksa nagawan mberen-nen tena unpuruk, enlem mberen woragwi iri na nggal-e mondok wolma bug-o.

OSEA 7:1

Nagawan Indo-nen yosolar-e: ”An-nen-e pempa an nilirak Isarael nab-e ki rak onposolat, tuguruk nanduk-nen woragwi nggal ondolma rak onposolat kwareyekluk yosoma-t nde, an-nen yik kasoma-ge, it-nen lugudtak kwarugwi min meya kwarugwi min nak kasu-o. Ir-e it na it-net enmberam lagolat, yariya wanurak pem ap enma nak nggogolat, tula tula ereba na me-nen ap nak nden enperenak worali-o.

AMOS 1:8

Nde, o siri Asndot min Askelon min tena woragwi nagawan-e an-nen mondok lak tak inpimin-o. Nde, o Ekoron siri-ge angin worak enpem puruk, nde, Pilisin nap erep oboksa-ge lak tak inpimin-o” luk yij-o.

AMOS 4:1

Mbasan woraso sapi wam nggal yok nggok enagil lobok yili kit Samaria kweyap konmok worak wa-e. Kit-nen-e it enmawi lak ereba na-ge lel mberel onpogolat, enarengge lak nap ereba na enarengge ondoro rak pogolat, kununtak inmin: ’Indi nden kaso yi nenmanggim lid lud tak per-o’ luk keresa yak ondogolat kwat tenak worali-o!

AMOS 5:11

Kir-e insilobulo lak nap ereba na lel mberel onpogolat, ennggandum mbato-ge mengga wanili-o. Iri kwatli bem-e o konak kit-nen wirigep ereba na arem-e woragup pug-o. Iri-nen kit-nen yaigep anggut ereba engen amburu-ge mondok nunggup pug-o.

AMOS 6:1

Kit kenalen pem Sion woragolat, kit konak yamuksa Samaria woragolat yili nab-e mondok kenabuwa-o! Kenlem Isarael nap kennggendumu kenne kulugwi nap, mondok kek tak worali nab-e kit kunuwokma woragwi Isarael nab-e yongga undurak pem-e kit kendam-et lobok yugwi nap kir-e mondok kenabuwa worag-o!

AMOS 6:3

Lak tak onposo tarem lobok yurak iri-ge yanem-er-e lag-o luk perali-t nde, kit-nen kwatli mende ereba-nen-e isilepma bem lel mberel kunpurak tarem iri na panggo rak pili-o.

AMOS 8:6

Nggandum mbato meya yidnak ereba na-ge nir-e onggo keksa wene wurul-o. Nde, insilobulo lak nap-nen namat wanogolar-e, onggo-ge unuwok sum misiget onggo pugwi ndak ndag-et marik wanidnag-et nde, uwi yaburak meya ala, ndegel nunpurak nap tak unpuwog-o” luk yili-o.

MIKA 6:10

Nde, meya yugwi nap enma-ge ap enmberam lagolat-nen wanidnak silobulo worasu-o. Iri kwarogolar-e, ndak wosa onggo wanugwi iri na lugudsa ndak wurugwi iri-ge an-e nisili kaso-o. Nde, iri kwarugwi nab-e an-nen angin worak enpem pimin-o.

1 SEMUEL 5:1

Nde, Pilisin nap-nen Mbal Pem Nagawan-nen idnak urul pidnak wene labu mbarak iri na mengga waruk mbirigarig-e, Eben-Kaeset-nen waruk mbirigarik, it unuwi silmu Asndot waruk mbiriga-o.