AMOS 3:7 - Nanduk Ngget Tul Pidnak Wene

⁷ Nagawan Indo Mondok Kek tak iri na-nen-e at-nen kwarurak piridnak iri na-ge at ndegel ubugwi ene lomboksa yugwi nap ereba kirimbi yak indigit lak-nen-e mondok kwaroso bug-o.

AMOS 3:7 ပူးပေါင်းရင်းမြစ်များ

NDAK WIRIDNAK WENE 18:17

Nagawan Indo-nen perasolar-e: ”An-nen kwarurak yu-ge Abarakam imbiri bem kura burag-e meya-o.

NDAK WIRIDNAK WENE 6:13

Iri ala karuk, Mbal Pem Nagawan-nen Nu yak tosolar-e: ”An-e nggweyak ma yu me worasu urugup worak oboksa mondok lak tak purak wene abu abu wat tak puruk worasu-o. O yu-ge it-nen meya kwarugwi nak-nen kobong tak me, o yu lak tak posolar-e, imin-et it na lak tak inpimin-o.

2 NAGAWAN NAGAWAN-NEN KWARIDNAK WENE 22:13

”An min Yewura nap oboksa min nenmanggim engga yu arem mbarak worasu yeba wene-ge ngge kwarag-o luk Nagawan Indo kin wok ibil mberer-o. Nde, nonmborak-nen-e engga yu arem ’Iri nggal kwarurag-o’ luk yidnak wene mbarak worasu yeba-ge ndak ndag-e kwarigit lak yidnak me, Nagawan Indo isilepma-ge nit nenpem pusu-o” luk yij-o.

2 NAGAWAN NAGAWAN-NEN KWARIDNAK WENE 22:20

Iri bem-e an-nen-e Yerusalem ebem angin worak mende mberak purak yigi iri na-ge kat worala tarem-e mberak pimin pug-o. Kar-e konag-et woraruk, wat yugun-o’ ” yak tij-o. Iri yak tid wene ereba na-ge Yosia-nen wirik inpid nap ereba na-nen-e at yak til lobok yiga-o.

2 NAGAWAN NAGAWAN-NEN KWARIDNAK WENE 6:12

Iri luk kin wanosola, ap wim wari ereba na ennggendumu ap misik-nen onggo yosolar-e: ”Nagawan wa-e. Ap misiger-o luk mbi-nen iri kwatli bug-o. Are, Mbal Pem Nagawan ene lomboksa yoso nap Elisa iri na-nen-e kat nene yoso sa-nen wene kuraga yusu-t nde, oboksa Isarael nap nagawan iri na yak tosola-nen aru yusu-o” luk yij-o.

YEREMIA 23:22

It-nen nde an nindi arem worasu enaru nggal-nen-e an nemndam-nen wirik pidnak wene-ge an nilirak yak endelepma, an nilirag-e it-nen meya kwarugwi min it enpage meya min ereba-ge mondok keya buruk, kondok yeleb-o.

NDANIEL 11:2

Nde, an-nen kat yak kirimin wene yeba-ge mondok ndemeret wener-o” luk yak nirij-o. 11:3-45 Ayat ya arem-e Ndaniel-nen nabi bem kagaid iri na ebe-ge iri nggal-o luk aid nap-nen yak tosolar-e, Mesira min Siria min-nen tenagidnak wi ereba na abok-nen kwat unpurak wene mbarak worasu-o.

NDANIEL 2:47

Iri luk, nagawan-nen yosolar-e: ”Ndaniel wa-e. Ndemeret kat Kembal Pem Nagawan iri-ge mbal pem nagawan erep ereba enggendumu-nen mondok nggok lombok-nen yusu-o. At iri-ge nagawan ereb-e teberag-et nde, ar-e mondok terak minik kek tak-net yusu-o. Kura wene oboksa kilara nam tak poso-nen yusu-o. Kar-e kura wene-t nde, ebe-ge iri nggal-o luk nam para yigen pem-e kat Kembal Pem Nagawan-e an-e mondok naru yusu-o” luk yij-o.

YOANES 15:15

Ndegel unpugwi nap-nen-e it ineid-nen kwarusu mende-ge enaru buk nak woragwi me, yawo-ge an-nen ’Ndegel nubugwi nab-o’ luk yak kindimin pug-o. Are, an Neid-nen an yak niridnak wene pidsa kit yak kindigirik me, ’Nanggamirag-o’ luk yak kundusu-o.

NAM PARA WENE 1:1

Engga yu arem-e Yesus Kerisut-nen abok-nen kwat momtak mende nam tak pidnak wene mbarak worasu-o. Nde, yanem-et kwat ma mende iri-ge Mbal Pem Nagawan-nen at ndegel ubugwi nap mirik unpuwakluk, Kerisut wok tij-o. Nde, Kerisut-nen-e kwat ma mende iri na-ge at ndegel oboso nap Yoanes na mirik ubuwaklug-e, at-nen idnak aid nab-e Yoanes eram ibil lobok yij-o.

NAM PARA WENE 1:19

Iri bem-e, kat-nen kasu mende, yawo-n worasu mende na irit, abok-nen kwat ma mende na irit, engga bem mbari-o.

NAM PARA WENE 10:7

Alat nde, aid nap imbirik (yang ketuju) iri-nen oboba ene pu yuwa tarem-nen-e Mbal Pem Nagawan indi-n pidnak kura woraso na-ge at ndegel ubugwi nap, at ene lomboksa yugwi nap na urul yak indid na-ge iri tarem-et ndak tak puwa-o” luk yij-o.

NAM PARA WENE 4:1

Iri rak puruk, an-nen nabi ngganggo nggal tuguruk misik kasolar-e, aid arem-nen tu misik kuwarak kagi-o. Karug-e, ene posid poba ene nggal wene nanduk yak nirid iri na ene-t kuligi-o. Nde, ene iri-nen yak norosolar-e: ”Abok-nen kwat ma mende mirik kebeyek-nen yu me luwasug-o” luk yak nirij-o.

1 SEMUEL 9:15

Nde, kup Saul lobok yekluk yosola-ge, Nagawan Indo-nen Semuel yak tosolar-e, yu nggal yak tij-o: