AMOS 3:14 - Nanduk Ngget Tul Pidnak Wene

¹⁴ Isarael nap-nen meya kwat tenak woragwi iri bem an-nen Isarael nap angin worak enpem posolat tarem-e Mbetel iri me wam wosa kan pugwi ondoro ereba-ge lak tak pimin-o. Nde, wam kan pugwi ondoro ereba na-ge ambo erep pem erep pem ereba na kala keya bosolat, mbud tak pil lobok yimin-o.

AMOS 3:14 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 23:15

Nebat ambara Nagawan Yerobeam-nen Isarael nap meya kwarugwi rak onposolat wam wosa kan purak ondoro Mbetel iri me konid iri na-ge Yosia-nen-e ndamera keya bij-o. Wam wosa kan pugwi ondoro iri na min yenggana keya posoluk, kugwiwak Ndewi Asera ndak worak iri na min-et kan pij-o.

MBIRIGA WENE 32:34

Kar-e mburugundik, it inmin luk o unu yak kirigi sa iri na me mbiri-o. Mborosola-ge, an-nen idnak aid nap-nen-e ndegel kuburuk mburuwa-t nde, it meya yidnak iri-ge an nen enpem wene mbarurak tarem-e awo worasu-o” luk yak tij-o.

AMOS 2:8

Nagawan Indo erembel wanugwi sa oboksa ereba na me nene yogolar-e, ap insilobulo lak nap-nen it enarengge luru wok unduruk, tuguruk uwi yakola-nen wok undurak puruk insilobulo lak nap unsum wanidnak ereba na min-et yirik nene yili-o. It-nen-e it enarengge wanidnak pem it ereba na enarengge anggut amburu iri-ge Mbal Pem Nagawan ama-nen nonggolat kwatli-o.

AMOS 4:4

Nagawan Indo Mondok Kek tak iri na-nen yosolar-e: ”Isarael nap wa-e. Kir-e Nagawan Indo erembel wanugwi sa Mbetel iri me mburugupndik, meya kwarer-o! Nggilnggal mburugupndik, meya kinndi-nen pidnak nak kwarer-o! Pempa kuplila-ge wam wosa kan pogolat nak wolmer-o. Kit-nen yagidnak mende na mbarogolar-e, enggep lombok karetkwe-ge pempa waruk mborogolar-e, nandug-et waruk mbutlug-e, imbirig-e mberen nene luk, (hari yang ketiga) waruk mborogolat, iri nggal pempa kwat tenak wolmer-o!

AMOS 7:10

Nde, Mbetel woraso tepan ombo Amasia iri na-nen wene yu Isarael nagawan Yerobeam eram pil mborosolar-e: ”Amos-nen-e ap oboksa nagawan kat kuruwakluk wene ngal undusu-o. At-nen ap enarem woragusu iri-nen ndowaga o yu-ge mondok meya ma-o.

AMOS 7:13

Alat nde, Mbetel yu me-ge nagawan arig-et nak Nagawan Indo erembel wanoso-nen yusu-o. Nagawan yu me-nen tenagidnak wi woragwi-nen yidnak Mbal Pem Nagawan uwi-nen yusu me, kar-e Mbetel yu me-nen urul purak pug-o” luk yij-o.

AMOS 7:9

Isak-nen wigarak-nen an nerembel wanugwi ondoro ereba na-ge mondok yigisa lak ma-o. Isarael nap-nen an nerembel wanugwi sa marak ereba na-ge mijara langgu rak puwa-o. Nagawan Yerobeam-nen wigarag-e mondok an-nen lak tak inpimin-o” luk yij-o.

AMOS 9:1

Nde, an-nen yik kaginggal-e Nagawan Indo-ge Nagawan Indo amanggim wam wosa kan pugwi ondoro iri na eralu mendak kagi-o. Nde, at-nen-e wene yu nebem pij-o. At-nen yosolar-e: ”An nuwi iri me panggo ereba na oboksa lele yuwakluk, an nuwi iri owak ereba na eraret oboksa mondok amawisa lel kil lobok yurag-o. Owak ereba-ge ap enanggul pem-et worak unpuwakluk mbud tak pil lobok yurag-o. Nde, erep unluk wolma ereba na-ge wim pem-nen indimin-o. Ap misiger-o luk mondok mengga mburuwa bug-o. Misiger-o luk na agap nggarik mburuwa bug-o.