AMOS 2:6 - Nanduk Ngget Tul Pidnak Wene

⁶ Nagawan Indo-nen yosolar-e: ”Isarael nab-e pempa meya nak kwat tenak worali-o. Iri bem-e an-nen-e ndemeret angin worak enpem mberak pimin-o. Nde, it-nen-e ap mot mot yugwi nap-nen ap enpem luru wanidnak ereba na nde tuguruk uwi yagurak meya ala-ge, it enpe nde ap ndegel unpuwakluk onnggo yatli-o. Iri nggal-et ap insilobulo lak nap-nen na uwang luru wanidnak uwi yagurak meya ala, unuwok sum misik ondok min onggo mondok marik pugwi ndak ndak wanidnak pem-et nde, it enpe ap ndegel unpuwakluk onnggo wanili-o.

AMOS 2:6 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 18:11

Abok nggwe-ge Asiut nagawan iri na-nen Isarael nab-e kam unpuruk mberarik, ereb-e o siri Ala onposolat, nde, ereb-e Yi Abot koroga Nggosan nggweyak pem ereba onposolat, nde, ereb-e o Marai iri me o siri lombok ereba me inpil lobok yij-o.

2 NAGAWAN NAGAWAN-NEN KWARIDNAK WENE 18:12

O Samaria wim nap ininggem yid iri-ge Isarael nap-nen Nagawan Indo Enmbal Pem Nagawan iri na-nen yidnak yidnak kwarigit lak pem-nen-o. Nde, it-nen-e Nagawan Indo-nen urul yak ondosola, ”Kwarul-o” luk it-nen urul Nagawan Indo imin yidnak ereba na lugud tak pogolat, at ndegel oboso nap Musa-nen enpem pidnak imiri mbarak pidnak wene ereba na lugud tak pogolat, ereba na kuligit lak yogolat, yidnak yidnak kwarigit lak yogolat kwaridnak pem-nen ndowaga iri kwat inpiga-o.

YOEL 3:3

It-nen-e Isarael nap wok unpuruk lobok yidnak nap ereba na-ge ta-nen winde ma-o enaru yurak pem engga mbara ligik piga-o. Iri luk, kweyap ndugum min ap sujwe min ereba na-ge wok unpurug-e, mumnggup manggim nap wolmakluk ap enpem onnggo wanuruk, onnggo pidnak tol ereba na-ge it-nen terak nugwi kweyap ereba na wok ondogolat, inndi nden kaso yi onggo bogolat kwat tenak woraiga-o.

YOEL 3:6

Nde, Yewura woragwi nap min Yerusalem woragwi nap min-e it unuwi nggweyak pem-nen nin sa wok unpuruk mbirigepndik, Yunani nap enpem onnggo wanigeb-o.