AMOS 1:5 - Nanduk Ngget Tul Pidnak Wene

⁵ Ndamsik pak tumende na ndamera lak tak pimin-o. Nde, Awen Mbirik iri na me woragwi nab-e mondok pusa lak tak unpuruk, ondoro nak keya bimin-o. Mbeteren nagawan-e an-nen lak tak ibimin-o. Siria woragwi nap na kamat unpuruk, pendaga o Kit nggwe inpil mbirimin-o” luk yij-o.

AMOS 1:5 ပူးပေါင်းရင်းမြစ်များ

YESAYA 43:14

Kinmiri Yoso Nap Nagawan Indo Isarael Embal Pem Nagawan Mondok Marak iri na-nen yosolar-e: ”Kit kinmiri yuwakluk san ombo-ge an-nen Mbabilonia wirik inpimin-o. O kubu me tumende imid worak pidnak iri na-ge an-nen mijara konoksa mbo bimin-o. Kasndim nap enalen-nen kek kok pem wolma iri na-ge nggweyera yip tugwi rak inpimin-o.

YESAYA 8:4

La iri awo nggok luk, ’Neid wa-e. Niya wa-e’ yoso wok yigit lak ma-ge Ndamsik-nen yidnak yi mende ndi mende oboksa min Samaria-nen kugun pem wanidnak silobulo oboksa min ereba na-ge Asiut nagawan iri na eram mburunuruk mburuwa-o” luk yij-o.

AMOS 5:5

An nerembel wanuwoklug-e, Mbereseba-ge mbururak pug-o. Mbetel iri-ge lak ma-nen yusu-o. Nggilnggal woragwi nab-e wim kugun pem wok unpuruk mburuwarik, mbo inpil mburugwi sa inpil mburuwa me, Nggilnggal iri me na mbururak pug-er-o” luk yij-o.

AMOS 9:7

Nagawan Indo-nen yosolar-e: ”Isarael nap wa-e. An-nen kit kwara yebet keneyasu iri na nggal-et Sundan nab-e kwara yebet eneyasu-o. Nde, it Mesira-nen wok kunpuruk lobok yigi iri nggal-et Pilisin nab-e o Kereta-nen wok unpuruk lobok yosolat, nde, Siria nab-e o Kiri-nen wok unpuruk lobok yosolat yigi-o.