AMOS 1:2 - Nanduk Ngget Tul Pidnak Wene

² Amos-nen yid wene-ge yu-o: ”Nagawan Indo-ge Sion ndobo bem-nen urum ene ngol yosolat, Yerusalem-nen ene o nggu nggal yosolat yusu-o. Tusuangge ereba na-ge mondok umbuk le yosolat, nde, tusuangge Karamel Ndobo bem ereba na-ge merek le yij-o” luk yij-o.

AMOS 1:2 ပူးပေါင်းရင်းမြစ်များ

NDAWI ENGGA 46:6

Mbal Pem Nagawan ene o nggu nggal yosolat, o yu-ge yigisa ndamera nggururak pusu-o. Yi ap ndi ap oboksa-nen enne lek kagolat, nggweyakma nagawan-nen tenagidnak wi ereba na nari wari mbosolat yusu-o.

NGGOMO WENE 20:2

Nagawan isilepma-ge singa urum ene ngolo nggal yusu-o. Nde, ap-nen nde nagawan iri na isilepma rak pogolat nde ala-ge, it enambikpebe lak tak unpurak enare bili-o.

YESAYA 33:9

O ereba na-ge keya bikma, pena lasolat, nde, o Libanon wal ereba na-ge merek yele mbosolat, Saron Mbirik alim worak iri na-ge nembaga karu nde kwat yosolat, Mbasan min Karamel Ndobo bem min-e engga kerengga lera ngguruk yosolat kwarusu-o.

YESAYA 35:2

O lid karu me nemena nggok yosolar-e, alen-nen kot kasolat ndawi yuwa-o. Abage konag-e ndobo Libanon nggal irit kwat ma-o. Abage-ge Karamel mbirik min Saron min nggal irit ma-o. Nde, ap ondomoktak-nen-e Nagawan Indo amawi min Nenmbal Pem Nagawan abinal min irit kagolat wolma-o.

YESAYA 42:13

Nagawan Indo-ge wim wari nggal wim mbareyekluk mburusu-o. Ap san ombo misik-nen wim nggurak amawi kunduruk mboroso nggal mburusu-o. At-nen-e wim nggurak pem ene-nen mburusu-o. At amawi na-ge at imin wim nap inmbiri bem nam tak pusu-o.

YEREMIA 14:2

”Uwi siri ereba na lak yurak ala karuk, Yewura-ge indi puru kwarat yusu-o. Nde, iri me woragwi nab-e ’Ngge nde kwarul-o?’ yogolar-e, nggweyak pem mbud luk, yane witli-o. Nde, Yerusalem woragwi nab-e yongga unduwakluk, nemengen mbal tenak worali-o.

OSEA 11:10

Nagawan Indo-nen yosolar-e: ”An-nen singa ndakngge-nen kwaroso nggal nurum ene ngol yosolat it unuwim nap kwiye rak onposola-ge, an nilirag-e an nimbirig-et mburuwa-o. An nilirag-e mo mboso (barat) nggwe-nen an nerembel wanurak pem ndag-et ndag-et lobok yuwa-o.

OSEA 13:8

An-nen-e mberuang ndakngge-nen amarik lak yosoma-nen kwaroso nggal kit kenpem mbud yimindik, leben kinpimin-o. Singa ndakngge-nen kwaroso nggal, woragup sa iri na me-net nok kinpimin-o. Isilepma worak ndakngge-nen kwaroso nggal lebena liring keneyamin-o.

YOEL 1:19

Tusuangge worak sa ereba na-ge mondok umbuk ye le mbosolat, e oboksa kan-nen ninggidnak nggal umbuk yidnak me, Nagawan Indo wa-e. Yongga noronokluk nggi yak kurusu-o.

YOEL 2:11

Nde, Nagawan Indo-nen-e at-nen idnak san ombo ereba na ene o nggu nggal pem-nen ”Yu nggal kwarurak, iri nggal kwarurak” yak undusu-o. At-nen yidnak yidnak kwatli esan ombo-ge enpe na kwarat, mondok enmawi worak irir-o. Nde, Nagawan Indo-nen idnak tarem iri-ge ndemeret mondok ija kwiye worak-nen yusu-o! Ap misiger-o luk mbi mondok mamak puwa bug-o.

YOEL 3:16

Nagawan Indo-ge at Ondobo Sion pem-nen singa ene nggal ngol yosolat, Yerusalem-nen ene-ge o nggu nggal yosolat, ene-nen ndowaga mbal min nggweyak min-e lele yosolat yusu-o. Alat nde, Nagawan Indo-nen-e at ilirak Isarael nap enambigit yosolat, nggetlel onposolat wolma-o.

AMOS 9:3

Ir-e Karamel Ndobo anggul pem kurak yuwa-t nde, an-e onkore-t yimindik, tenat inpimin-o. Yi koma erabun arem ereba kurak yil mbuwa-t nde, yi koma arem woraso nanggu iri na yak tumu, eyak yilig-et unpuwa-o.

1 SEMUEL 25:2

Nde, o siri Maon iri me-ge elem Kalep nap misik woragij-o. Nde, unu-ge Nabal. Nde, ap iri onggweyak mbi-ge o siri Karamel koroga iri me woragij-o. At iri-ge yi mende ndi mende ombo irit woragij-o. Nde, olomba wam-e tiga ribu (3.000), nde, agambing wam-e seribu (1.000) irit ombo woragij-o. Nde, ogwe Abigail iri na mondok indi ngarak-nen erare konak irit woragij-o. Alat nde, Nabal iri-ge abage ket mbet tak indi ebebeyal worak irit woragij-o. Nde, misik tarem-e Nabal na-ge o Karamel iri me olomba ereba na usu mbarosolat woragij-o.