AMOS 1:14 - Nanduk Ngget Tul Pidnak Wene

¹⁴ Iri kwariga bem-e, an-nen o Araba siri iri me kerep pak leget ereba na bem kanduk pil mbuwamu, kerep pak leget min pak anggul pem o ereba na min mondok nuruk, lak tak puwa-o. Iri tarem-e wim nggogolat kek kok kuluwa-o. Wim na nggog-et yosolat terak kani nggal paguruk mburuwa-o.

AMOS 1:14 ပူးပေါင်းရင်းမြစ်များ

2 SEMUEL 11:1

Pempa woragolar-e, nagawan nagawan-e toro wok yidnak tarem worarug-e, wim timbiril mburugwi me-ge, o toro wok yidnak tarem iri na worarug-e, Ndaut-nen-e wim timbiril mburuwakluk Yoap iri na wirik obosola-ge, Isarael nap san ombo onowe ereba na min san ombo erep ereba na min irit Amon nap inmin wim mbatluk, Amon nap urugwe nggwe rak unpuruk, o siri Araba iri na leget waniga-o. Alat nde, Ndaut iri na-ge Yerusalem woragij-o.

2 SEMUEL 12:26

Ereba na kwarogola-ge, Yoap iri na-ge Amon nap unuwi siri iminepma Araba iri na me inmin wim mbarosolar-e, o siri iri na-ge mondok mengga wanurak irit panggo yij-o.

2 SEMUEL 12:31

Nde, ereb-e iri me woragwi nab-e kugun pem ndegel unpuruk mborogolar-e: ”E ngarugwi nggere nggere min posid tege min posid min-et waner-o” yak endamu, waruk mbirigarig-e, ap ereba na-ge o wururak nggweyak konugwi sa nggweyak kerep konuwakluk inpil lobok yosolar-e, iri nggal-et kwasa Amon nap o siri nin me nin me worali ereba na iri nggal-et kwasa enpem pil lobok yij-o. Iri rak unpurug-e, Ndaut min Isarael nap san ombo oboksa min tuguruk Yerusalem mbiriga-o.

AYUP 39:25

Ene pu yugwi mende ene pu yogola kolosolar-e, pempa indi purung tenak woraso-o. Erepma-t nde, wim emben-e kaso-o. Wim wari-nen: ”Yu nggal-o, iri nggal-o” yogolat, enne na kolosor-o.

YESAYA 9:5

Nde, san ombo unuwok sum ene mbirip mbirip mbitli min unsum ap eneyabi-nen kobong tak ereba-ge ndag-et nak pagurak kumusuwe nde kwat ma-o.

YEREMIA 23:19

Nagawan Indo isilepma-ge kwegemereya nggal puk kuruk lobok yosolar-e, meya yugwi nab-e yemen unpuwa-o.

AMOS 2:2

Iri kwariga bem-e an-nen o Moap ebem kanduk mberak pil mbuwamu, o Keriot kerep pak leget min anggul pem o ereba na min kan-nen nuruk, lak tak puwa-o. Wim nggogolat kek kok lek kagolat, terompet ene pu rak pogolat, wim nggogolat enne sa nggwa mbogolat ereya na bem-et Moap nab-e wat ma-o.