ABAKUK 3:6 - Nanduk Ngget Tul Pidnak Wene

⁶ Kat-nen nde ndong yosola-ge, nggweyag-e lele yusu-o. Nde, kerengen yik eneyasola-ge, ap enlem oboksa-nen wendet yogolat, kot kot yili-o. Ndobo mondok pem-nen woraso-t nde, mondok ngarep parep mbusu-o. Nde, ndobo ereba na bem-e kar-e o nanduk ereba-nen waring kaso-net yusu-o.

ABAKUK 3:6 ပူးပေါင်းရင်းမြစ်များ

NDAK WIRIDNAK WENE 49:26

nggandum mbato min engen kerengen isi poso rak kobosolat ma-o. Ndobo amburu nanduk-nen konggweyak amburu rak poso iri-ge worasu-t nde, iri-ge marik-nen yusu-o. Alat nde, Mbal Pem Nagawan-nen imbiringgat tak kubuwa-ge mondok terak minik-net yusu-o. Nde, imbiringgat iri oboksa-ge Yusup anggul pem mbuwasolat, owe owot ennggendumu-nen-e at nak nggok ija woraso Yusup imbiriwak pem mbuwasolat mag-o.

NDAWI ENGGA 103:17

Alat nde, Nagawan Indo-ge at aye worak woragwi nap pem irit enabuwa kasolat, at-nen konak nak kwat onposo mende-ge ap pem lud irit pem kundugu kandugu kwat onposolat woraso iri-ge

NDAWI ENGGA 104:32

At-nen o yu yik kasola-ge, kwiye-nen tugup yosolat, at imin ndobo ebem posola-ge, ndobo arem-nen kule lasolat yusu-o.

NDAWI ENGGA 90:2

Ndobo ndak wirigit lak ma, nggweyak min o yu min kwarak pigit lak ma-ge, kar-e woroksiyem na lak, tel kwiridnak na lak, kar-e pem irit woraso-nen yusu-o.

MBIRIGA WENE 15:14

Yi ap ndi ap-nen kulurug-e, kwiye-nen lele yili-o. Pilisin nap min Erom nap ennggendumu enne kulugwi nap min kwiye kwarat yili-o.

MBIRIGA WENE 15:15

Moap nap enmawi worag-e kwiye-nen kot kot yili-o. Kanaan nab-e kwiye-nen inndi kabak yili-o.

MBIRIGA WENE 15:17

Isarael nab-e Nagawan Indo kat woraso sa kat-nen lenak pigen iri na me inmin mburusu-o. Ir-e kondobo marak iri na bem onposolat, kat kinggi-nen wirigen wi iri na me onposolat yusu-o.

MBIRIGA WENE 19:18

Nagawan Indo-ge kanduk arem ndobo iri na bem mbuwaidnak me, Sinai Ndobo iri na-ge kule-nen nak muruk tak pij-o. Nde, kule-ge tirik kule nggal ndugunuruk lasolat, ndobo na-ge lele yosolat kwiye worak irit kwarij-o.

MBIRIGA WENE 21:31

Sapi-nen wuruwa iri nde li ap ala na, li kwami ala na wuruwama-ge, onggo-ge yanem iri na ndak ndag-et kwasa purag-o.

MIKA 5:8

Nde, Isarael nap-nen-e it unuwim nab-e urugwe nggwe rak unpuruk, it oboksa mondok yigisa lak tak unpuwa-o.

ABAKUK 1:12

Nagawan Indo wa-e. Kar-e nanduk-net woraso Mbal Pem Nagawan-net yusu-o. Kar-e an Nembal Pem Nagawan mondok marak, pem irit woralik nalik woraso-nen yusu-o. Nagawan Indo kar-e Nenmbal Pem Nagawan nggetlel nuburuk woraso-nen yusu-o. Nde, Mbabilonia nap iri-ge kat-nen lenak unpuruk, nit angin worak nenpem puwakluk kat-nen enmawi worak tak inpigen-o.

ABAKUK 3:10

Nde, kat yik keyarug-e, ndobo ereba na-ge lele yosolat, nde, talme-ge nggilara mberak pil mbuwaidnak nggal mbal pem-nen mbuwasolat, nde, yi nggweyak arem-e ene lu nggu mbosolat, yi koma na nggetlep petlep lobok yosolar-e, ene sabok mbabok mborosolat kwarij-o.

MATIUS 24:35

Mbal min nggweyak min-e lak ma-t nde, an-nen yidnak wene-ge lag-e ma bug-o.

LUKAS 1:50

Nagawan Indo-nen at aye worak nap pidsa unpud kasolar-e, ap tap nanduk lud, abok lud irit unpud kaso-o.

YIDNAK YIDNAK WENE 17:26

At-nen-e nggweyak yu ebem yi wi ndi wi pidsa wolmakluk, ap misiget ebem nak-net nde, ab-e ap enlem pidsa ndak worak inpij-o. Ndak worak unpurug-e, it wolmomtak tarem min it unuwi nggweyak min kuri wosa arik tak mbara wok indij-o.

TUGURUK YIDNAK WENE 32:8

Amawi Worak Mondok Kek tak iri na-nen nggweyak tomborosolar-e, ap enlem lombok oboksa-nen it wolmomtak unuwi nggweyak lombok kuri wosa mbal indil lobok yamu-o. It-nen erembel wanurak enmbal pem nagawan amawi worak lombog-et winde rak enpamu-o.

TUGURUK YIDNAK WENE 33:15

Nanduk-nen woraso ondobo ereba bem-e yi mende ndi mende mondok konak mende ereba-t kobong tak wolmag-o.

IBERANI 13:8

Yesus Kerisut-e tono-n na irit, yawo-n na irit, abok woralik nalik worasolat-nen na irit, nin yoso buk, iri na-t woraso-nen yusu-o.

WENE MBENARUGWI NAP-NEN KWARIDNAK WENE 5:5

Ndobo Sinai tena woraso Nagawan Indo Isarael nap Enmbal Pem Nagawan iri na at erengen pem ala ndobo oboksa lele yij-o.