ABAKUK 3:18 - Nanduk Ngget Tul Pidnak Wene

¹⁸ Nagawan Indo kar-e an nimiri yoso Nembal Pem Nagawan me, an-e pempa nalen nak kasolat woramin-o.

ABAKUK 3:18 ပူးပေါင်းရင်းမြစ်များ

2 SEMUEL 6:15

Iri nggal kwasa Ndaut min Isarael nap oboksa min-nen-e urul pidnak wene labu mbarak iri na-ge waga Yerusalem pil mborogolar-e, enalin enalen yogolat, kek kok pem-et posid poba ene min-et yil yil mbiriga-o.

NDAWI ENGGA 104:34

At nak-nen nindi alen tak posolat woraso me, an nendawi-nen-e at alen tak posolat wolmag-o.

NDAWI ENGGA 27:1

Nagawan Indo iri-ge an neyaya min an nimiri yoso min-nen yusu-o. An-e ap kwiye kamin pug-o. Nagawan Indo iri-ge an kurak yoso nondoro pak-nen yusu-o. An-e mondok kwiye kamin pug-o.

NDAWI ENGGA 33:1

Ndemeret yidnak yidnak kwarugwi nap wa-e. Nagawan Indo-nen kwaridnak mende bem kenalen-nen kenne lek ker-o. Mot mot kwarugwi nap-nen at erembel wanurak iri-ge mondok ndak-nen yusu-o.

MBIRIGA WENE 15:1

Iri lug-e, Musa min Isarael nap min-nen ndawi yu-ge Nagawan Indo erembel wanogolat yiga-o: Nagawan Indo-ge kek tak ombol nggwe yidnak me, at amanggim ndawi yimin-o. Kura wam min ebem kore yidnak nap inmin-e oboksa yi koma arem mbo inpil nggwij-o.

MBIRIGA WENE 15:2

Nagawan Indo-ge an nambigit yoso amawi ambik-nen yusu-o. At-nen nimiri yamu-o. Ar-e Nembal Pem Nagawan-nen yusu-o. An-e at erembel wanusu-o. Nomborak-nen kek tak pugwi Mbal Pem Nagawan-nen yusu-o. An-e at kek tak ubusu-o.

YESAYA 41:16

Iri rak puruk, kat-nen pil yaga keya onposola, kimamo-nen waruk mborosola-ge, o wija-nen nin me nan me ndibi ndi rak unpuwa-o. An-e kat-nen idnak Nagawan Indo ala karuk, kar-e kalen kagun-o. An-e Isarael nap Kembal Pem Nagawan Mondok Marak ala karuk, kar-e kindi kek yugun-o.

YESAYA 61:10

Yosoloma, Yerusalem-nen yosolar-e: ”An-e Nagawan Indo ebem nalin nalen kasu-o. Mbal Pem Nagawan ebem an nindi-ge kijik kijak wurusu-o. Kwe min ap min wok kerak mburak pem inmirik unmuruk konak nak yitli iri na nggal Nagawan Indo-nen an yirik nobosolar-e, inmiri yoso sum min ombol nggwe yugwi sum min yirik nibij-o.

YOEL 2:23

Sion woragwi nap wa-e. Nagawan Indo Kenmbal Pem Nagawan nak-nen konak nak kwat kunpusu pem-e kenalin kenalen yogolat, kijik kijak worogolat kenne lek ker-o! Iri kwat konposolar-e, engga lera mboso tarem-e talme kwarat wok kondoso-o. Nde, toro wok yoso tarem-e talme nggilara mberak pil mbuwaso-o. O sumbat woraruk, engga ambarok posolat tarem na, talme nanduk mboso ereba na nggal-et pil mboso-o.

MIKA 7:7

Alat nde, nit-nen tepan yili-ge Nenmbal Pem Nagawan-nen nenne kolosolat, nimiri yuwa-o luk ninndi-ge Nagawan Indo ebem nak wat tak puruk, yik karok worali-o.

LUKAS 2:30

Kat keram-nen lobok yid nap inmiri yoso na-ge, ap pidsa enmanggim kat-nen pidnak inmiri yoso nap iri-ge nerengen-nen kagi-o.

TUGURUK YIDNAK WENE 12:18

Kit min kinlirak min ndegel kunpugwi nap min Lewi nap kit kunuwi silmu woragwi nap min kit oboksa-nen Nagawan Indo amanggim pugup ereba na nonggolar-e, ondoro at-nen lenak puwa Nagawan Indo eram iri na nak-nen norag-o. Nde, nonggolar-e, kit-nen kwaridnak mende oboksa-ge ebe worak yidnak pem iri me-nen nonggolar-e, mondok kenalin kenalen kudtag-o.

PILIPI 4:4

Nagawan Indo ebem pempa pempa-t kenalin kenalen kagolat wolmer-o. Nde, tuguruk yak kendeyeg-o. Kenalin kenalen-et kagolat wolmer-o.

YAKOBUS 1:2

Nowe nowosi wa-e. Kit kinndi ngarurak mende nin tak nan tak iri kenpem mbosola-ge, nir-e imbiringgat tak nunpusu-o luk yebet kudtag-o.

1 PETERUS 1:8

Yesus Kerisut iri-ge kir-e kagwi bug-et nde, abuwa kali-o. Yawo na kali bug-et nde, ebem kinndi angin tubu yili-o. Iri bem-e, kit kenalin kenalen pem-et Mbal Pem Nagawan erembel wanili iri-ge wene yurag-e meya-o.

1 SEMUEL 2:1

Ana-nen tepan yosolar-e: ”Nagawan Indo-nen an nindi alen tak pij-o. Ndemeret Mbal Pem Nagawan-nen an yongga niridnak me, nalen min-et nuwim nap pesel unpusu-o.