ABAKUK 2:6 - Nanduk Ngget Tul Pidnak Wene

⁶ Alat nde, it-nen urugwe nggwe rak inpidnak ereba na-nen pesel onpogolat, nden karuk wene bem yak ondogolar-e: ”Kir-e nit nap enarengge mengga wanidnak ereba na bem silobulo winde yili-o. Iri bem-e kir-e mondok kinmbiri lamut mer-o! Kir-e yi mende ndi mende ombo yuwakluk, kenarengge wok indidnak ereba na ’Ndag-et uwi yager-o’ luk kiri kere yili iri-ge mepme tarem-nen keya bugub-o?” luk yuwa-o.

ABAKUK 2:6 ပူးပေါင်းရင်းမြစ်များ

NGGOMO WENE 22:16

Ta-nen nde yi mende ndi mende ombo yeklug-e, insilobulo lak nab-e anggun panggun tak onposolat, enarengge worak nab-e arengge wok ondosolat ma-t nde, abok-nen-e mondok erengenma lak nde kwat ma-o.

YESAYA 44:20

Iri nggal kwarusu iri-ge mabe ninggidnak nggal-nen yusu-o. Ap iri-ge indi yebet kaso wid iri-nen amberam lasola, at indi imiri yurag-e meya yusu-o. At-nen-e ut memera ndak wosa pidnak mende at inggem worasu iri-ge ndemeret enmberam laso ebe lak mende-nen yusu-o luk para yigit lak yoso-o.

YESAYA 55:2

No amanggim-nen enpem yamuk tak poso buk mende onggo pogolat, indi alen tak purak puk ereba na wanurak pem nde yabu wanogolat kwatli-o? Kir-e konag-et nonggolat, undu konak saga pidnak ereba nonggolat yurak pem-e an-nen yidnak yidnak nak kwarogolat wolmer-o.

MIKA 2:4

Kit-nen lak tak kunpuwa iri na-ge ap-nen wene ijambo rak puwa-o. Iri yogolat-nen yip lilan ndawi ngarogolar-e: ’Nagawan Indo-nen-e nit nunuwi yu-ge mengga nit yemndak nunpuruk worali nap wok indij-o. Nir-e mondok yigisa abapno rak ninpidnak worali-o’ luk yuwa-o” luk yij-o.

ABAKUK 1:15

Nde, Mbabilonia nap-nen-e mbong kere bem keyane nggiksa lit kagwi nggal ab-e nggiksa wok inpili-o. Nde, it ereba na-ge Mbabilonia nap-nen-e keyane wanugwi sum pem mberena yarak onpogolar-e, it-nen iri kwatli ereba na bem enalen nak ko yili-o.

ABAKUK 2:12

Kit-nen o siri iri na mendak pil lobok yogolar-e, o siri paro-ge meya kwarugwi elem pogolat, o iri na paro-ge ap wosa pogolat kwatli kir-e mondok kinmbiri lamut mer-o!

ABAKUK 2:13

Yi nap ndi nap enlem kit-nen tenaga kunuwokma rak inpigep ereba na-ge mondok ebe lak anggun panggun kagolat pabok piga-o. Nde, it-nen yi mende ndi mende kwaridnak ereba na-ge kan-nen nuruk lak tak pij-o. Iri kwarid oboksa-ge Nagawan Indo Mondok Amawi worak iri na indi-n pidnak pem-et kwat yij-o.

WONARIDNAK WENE 23:18

Yosoloma, Mbileyam-nen-e abok-nen kwat momtak wene yu yosolar-e: ”Sipot ambara Mbalak wa-e. Lobok yugundik, an-nen yimin wene-ge kwara kuli-o.

WONARIDNAK WENE 23:7

Iri luk Mbileyam-nen abok-nen kwat momtak wene misik yosolar-e: ”O ndobo worak mo luwaso (timur) ambigit o Aram-nen Moap nagawan Mbalak-nen wene mbo nobosolat-nen yosolar-e: ’Yongga norosolar-e, wene yosolat, Isarael nap inmbiri lamut tak onposolat yonok-nen lobok yi-o’ yij-o.

LUKAS 12:20

Iri peragaij-et nde, Mbal Pem Nagawan-nen at yak tosolar-e: ’Wid kindi worak wa-e. Yawo kubu-net wat yugun-o. Iri ala, kat-nen ndok wirigen mende silobulo yu-ge ta-nen nde winde ma-o?’ luk yak tij-o.

1 PETERUS 4:7

Yi mende ndi mende pidsa lak momtak tarem panggo yusu-o. Iri bem-e, tepan yobok-nen kit kondomoktak kinndi tena woragolat, kwil kwalsa wolmer-o.