ABAKUK 2:16 - Nanduk Ngget Tul Pidnak Wene

¹⁶ Nde, yawo-ge kit kek tak kunpurak tarem-e lag-o. Alat nde, kit kinnggiri wosa keya kunpurak tarem-e wok yij-o. Nde, kit kentembel wanugwi iri na-ge nden yaga pesel kunpugwi nde kwat ma-o. Nagawan Indo-nen-e kit kenpem mberak purak angin worak kenanggo iri na-ge mondok mer-o luk lembesa kenpem puwa-o. Iri yuwama, kit-nen nonggolug-e, kinndi lak lak landuluk landuluk nugub-o.

ABAKUK 2:16 ပူးပေါင်းရင်းမြစ်များ

NGGOMO WENE 3:35

Ap inndi nggat nggat worak nab-e unnu konak iri-ge wigak yosolat wolma-o. Alat nde, ap wij-e unnu-ge mbilaro ngin ma-o.

YESAYA 49:26

An-nen-e kunuwim nab-e inndi lak lak tak posola, it nak it nak wat kerak mbuwa-o. Iri kwarogolat, ap enlem oboksa-nen enaru yogolar-e, Nagawan Indo kinmiri yoso nap an neresa-nen kinmiri yusu-o luk enaru ma-o. Iri-nen an-e Yakup Embal Pem Nagawan Mondok Amawi Worak wisirik konposo-nen yusu-o luk enaru ma-o” luk yij-o.

OSEA 4:7

Nde, kit tepan ombo-ge kit kenpe kwarat yogolar-e, meya na kwarat an nimin kwatli-o. Iri bem-e kit-nen kek tak woragwi-ge an-nen teberak kunpumu, enlengenma nggal tak kunpuwa-o.

OSEA 7:5

Nagawan-nen nggok sakwi tarem-e it ereba na-nen-e nagawan min at eyabu wanugwi nap ereba na min anggut engen amburu mak ondogolat, inndi nden kasolat, meya indi lak-nen kwarugwi ereba na kwarugwi-o. Iri kwarogolar-e, nagawan iri na-ge lugudtak kwarugwi nap ereba na inmin alin alen poso-o.

ABAKUK 2:10

Alat nde, kit-nen kwarurak yebet kaigep wene iri-ge kit konkwela innggiri rak purak mende yebet kaigeb-o. Ap enlem kwarat lak tak onpogolar-e, kit kondomok nde lak yaga labuk yili-o.

ABAKUK 2:15

Kir-e kit kendam woragwi nab-e pesel onpogolat, innggiri yaga keya inpigeb-o. Iri yogolar-e, ap inndi nden kaso yi nuruk landuluk landuluk nugwi kwarak inpigep me, kir-e mondok kinmbiri lamut mer-o!

PILIPI 3:19

It iri-ge worok tak posolat tarem-e lag-et ma-o. Mbal Pem Nagawan ondolma-ge it unluk amanggim nggok tak pili-o. It-nen-e innggiri kagwi mende irit kek tak pili-o. Nde, ir-e nggweyak ma mende nak yebet yebet tak woragwi-o.

NAM PARA WENE 18:6

Kwe iri-nen kit kwat kinpid nggal-et kit-nen na iri nggal-et kwat uburag-o. Onggo at wok togolar-e, at-nen kwaridnak onggo-ge mberen pem tak paga wok turag-o. At-nen kit kenmanggim nat karuksa lid lud tak pidnak yi amawi-ge te nggal-et nde, kit-nen-e nat karuk tak pidnak yi amawi mberen pem nambena at idmbe arem kenanggo burag-o.