ABAKUK 2:15 - Nanduk Ngget Tul Pidnak Wene

¹⁵ Kir-e kit kendam woragwi nab-e pesel onpogolat, innggiri yaga keya inpigeb-o. Iri yogolar-e, ap inndi nden kaso yi nuruk landuluk landuluk nugwi kwarak inpigep me, kir-e mondok kinmbiri lamut mer-o!

ABAKUK 2:15 ပူးပေါင်းရင်းမြစ်များ

NDAK WIRIDNAK WENE 9:22

Nde, mbinggirik worasoma, Kanan eid Am na-nen yik kagaidnggal-e at eid Nu na-ge sum we inggiri koro nderak karuk yarik, mborosolar-e, anggamtak mberen ereya na yak indij-o.

2 SEMUEL 11:13

Yonggo uburuk, nunggwi mende nonggolar-e, Ndaut-nen inndi nden kaso yi kwarat wok tosola, nasolar-e, indi nden kagaij-o. Alat nde, iri na tarem kubu nggwe na Uria na-ge ama-ge mbirigit lag-er-o. Are, ap san ombo pak tumende yik karok woragwi ereba na enma embem sum yemara nene-t yij-o.

MBIRIGA WENE 32:25

Yosoloma, Musa-nen yik kasolar-e, Arun-e Isarael nap iri-ge kwara yik eneyarok woragit lak, we mbilak ereba-t keya inpidnak irit kagaij-o. Iri kwarid iri-ge it unuwim nap-nen nda undurak irit kwarij-o.

YESAYA 28:7

Mbal Pem Nagawan ene lomboksa yugwi nap min tepan omborak min-e anggut engen amburu ndonggosa nonggolar-e, inndi lak lak yogolar-e, tula-ge ya landok nak nili-o. Nde, Mbal Pem Nagawan ene lomboksa yugwi nab-e Mbal Pem Nagawan-nen nabi nggal pem mirik inpidnak ereba na-ge kwara yebet kali bug-o. Nde, tepan omborag-e it-nen wene nggaruksa mbaruwa-o luk ap-nen wene mbenaruwakluk enpem pugwi-t nde, it-nen-e wene nggaruksa mbarurag-e meya-o.

YESAYA 28:8

Nde, it-nen idnak e ndamak pem oboksa-ge misik mbi we-o luk mondok lag-o. Oboksa sok nak-nen kibing kobong tak worasu-o.

OSEA 7:5

Nagawan-nen nggok sakwi tarem-e it ereba na-nen-e nagawan min at eyabu wanugwi nap ereba na min anggut engen amburu mak ondogolat, inndi nden kasolat, meya indi lak-nen kwarugwi ereba na kwarugwi-o. Iri kwarogolar-e, nagawan iri na-ge lugudtak kwarugwi nap ereba na inmin alin alen poso-o.

ABAKUK 2:14

Yi koma ereba-ge yi nak-nen kobong tak worasu nggal, iri nggal-et Nagawan Indo kek tak woraso obok enaru yugwi iri na-nen nggweyak ma yu me kobong ma-o.

ABAKUK 2:16

Nde, yawo-ge kit kek tak kunpurak tarem-e lag-o. Alat nde, kit kinnggiri wosa keya kunpurak tarem-e wok yij-o. Nde, kit kentembel wanugwi iri na-ge nden yaga pesel kunpugwi nde kwat ma-o. Nagawan Indo-nen-e kit kenpem mberak purak angin worak kenanggo iri na-ge mondok mer-o luk lembesa kenpem puwa-o. Iri yuwama, kit-nen nonggolug-e, kinndi lak lak landuluk landuluk nugub-o.

NAM PARA WENE 17:2

Nggweyak ma nagawan nagawan-nen kwe iri na imin mbabi yogolar-e, nggweyak ma woragwi nab-e at imin mbabi yugwi anggut engen amburu inmbitsa nonggolar-e, inndi wawa yugwi-o” luk yij-o.

NAM PARA WENE 17:6

Nde, an yik kaginggal-e, kwe iri na-ge Mbal Pem Nagawan ilirak min Yesus-ne yidnak yidnak kwarugwi bem-nen indidnak nap min eneyabi ndonggosa ninggidnak pem indi wawa yosola kagi-o. Nde, kwe iri na karug-e wir-o luk yigi-o.

NAM PARA WENE 18:3

Ap enlem oboksa-nen-e ukwe ukwe luk mbabi kwarugwi anggut engen amburu nonggolat, nggweyak ma nagawan nagawan-nen-e kwe na imin mbabi kwariga-o. Nde, nggweyak ma yu me toko winde woragwi-nen-e ukwe ukwe enarem kobong yosolar-e, iri-nen ndowaga insilobulo kwarat ligik piga-o” luk yij-o.