3 YOANES 1:10 - Nanduk Ngget Tul Pidnak Wene

¹⁰ Iri bem-e, an lobok yimindig-e, at-nen kwaroso iri wene at-nen meya wene yak nondosolat, enesiget wene nenpem posolat yoso pidsa-ge yimin-o. Nde, iri kwaroso ereya bem na-ge ebem teyok yusu bug-o. Are, nennggamirak Kerisut nap lobok yogola-ge, ar-e wok inpigit lak yoso iri nag-e lag-o. Are, it wok unpurak yidnak nap na mbawi worak posolat, ap enpe-ge lambuk tak inpidnak nap ennggendumu-nen nggegera wirik onposo-o.

3 YOANES 1:10 ပူးပေါင်းရင်းမြစ်များ

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

LUKAS 6:22

Ap Ambara an nebem ala, ap-nen insili rak konpogolat, ap-nen keya konpogolat, pesel konpogolat, ’Kir-e meya kwaroso nab-o’ luk kunnu mbilaro ngin tak pogolat, iri rak konpogola-ge, kenalen ker-o!

YOANES 9:22

It Yawuri nap-nen wene mbarogolar-e: ” ’Yesus iri-ge Mesias-nen yusu-o’ luk para yuwa nab-e Mbal Pem Nagawan ama-nen mbo bul-o” luk mbaridnak me, it Yawuri nap enaye-nen at eid ija-nen yogolar-e:

YIDNAK YIDNAK WENE 1:15

Misik tarem-e inndi angin tubu yidnak nab-e seratus dua pulu (120) nggal ndok worak worakmu-ge, Peterus na it ennggendumu men luk-nen yosolar-e:

2 KORINTUS 13:2

Kit nanduk-nen meya kwarigep nap min ap erep oboksa min-e wene yu tuguruk yak kendeyeg-o. An-e mberen pem tak posolat kendam lobok yigirik-nen yak kindigi nar-o. Yawo na nin me woralat-net nde, iri wene-ge yak kundusu-o. An misik pem tak posolat kendam lobok yosolar-e, kenabuwa-o luk keya kinpimin pug-o.

NGGALATIA 6:10

Iri bem-e, nir-e ap oboksa konak tak unpurak worala ya-t nanongga konak tak onpogolat wolmomtag-o. Nde, mondok konak tak unpurag-e, totno ninndi angin tubu yidnak pem-nen nonowe nonowot tak inpidnak nap irit konak tak unpuwog-o.

1 TIMOTIUS 5:13

Iri-nen-o, ir-e perari lembe yogolar-e, ap enma ya nggwilik nili-ge meya-t nde, meya nggulok kwarogolar-e, enmende amburu waruk nogolar-e, ap onpok pogolat, ap onowene-t nde, erep tenakolat, yurak puk wene-t nde yogolat yili-o.

2 YOANES 1:10

Iri bem-e, nin nap-nen lobok yuwarik, nin wene owak yak kondogola-ge, kenma rak unpurak puk, wa na yak undurak puk na-e.

2 YOANES 1:12

An-nen yak kundurak wene kwarat worasu-t nde, an-nen perasolar-e, engga bem nak mbarurag-e meya-o. Are, nebe-t lobok yimindik, nenalen pem-et yuwok-nen lambuksa wene yul-o luk perasu-o.

3 YOANES 1:3

Nde, nenggamirak erep lobok yigarik, kat kimin yogolar-e: ”Lag-o. At iri-ge ndemeret wene nak wanusu-o” luk yogola kulurug-e, an nalin nalen kwarat kagi-o. Nde, kar-e pempa lud tak nak kwarosolat worasu-o.

3 YOANES 1:5

Nanggam nindi kundik wa-e. Kat-nen nenggamirak aid wene wanidnak nap yongga ondosolar-e, kat karu buk nab-et nde, kwara mot mor-et yongga ondoso-o.