2 YOANES 1:6 - Nanduk Ngget Tul Pidnak Wene

⁶ Enabuwa kagolar-e, nir-e Mbal Pem Nagawan-nen ”Iri kwarer-o” yidnak iri na-t mondok kwarogolat wolmomtag-o. Nde, kit nanduk-net ”Iri kwarurag-o” yidnak wene kuligep na-ge yu-o. Kit na kit-net mondok nabuwa kabuwa wolmomtag-o.

2 YOANES 1:6 ပူးပေါင်းရင်းမြစ်များ

YOANES 14:15

Yurug-e, ”Kit-nen nde an nabuwa kagolar-e, an-nen yidnak yidnak nak kwarogolat wolmer-o.

YOANES 14:21

An-nen yidnak yidnak nak wanuruk, irit kwaruwa nab-e, an nabuwa kaso nab-e irir-o. Nde, an Neid-nen-e an nabuwa kasu nap na abuwa kujwa-o. An-nen na at abuwa kasolat, an-net an mirik obosolat yimin-o” luk yij-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

YOANES 15:10

An-e Neid-nen yak niridnak nak kwarosola, at-nen an nabuwa kaso bem-et worasu nggal, kit-nen nde an-nen yidnak yidnak nak kwarogola-ge, an-nen kenabuwa kaso iri na bem-et woragub-o.

YOANES 15:14

Nde, kit-nen nde an-nen kenpem pidnak wene na nak kwarogola-ge, kir-e an nanggamirak-nen yili-o.

TUGURUK YIDNAK WENE 13:4

Kit-nen kwarogolat wolmomtak tula Nagawan Indo-nen mirik kinpidnak tula iri na lugud tak kenpeyekluk-nen kwaruwa me, ap iri nggal-e mondok abu wururag-o. Ap iri-ge anggun panggun tak kunpugwi sa-nen wisirik kinpid Nagawan Indo Kenmbal Pem Nagawan iri na imin sirid mbaruwakluk kwat kunpusu iri-ge meya yoso nap-net yusu-o. Iri kwaroso nab-e meya iri nggal kit kennggendumu-nen lak makluk mondok wururag-o. Alat nde, kir-e Nagawan Indo Kenmbal Pem Nagawan imbirik nak mborogolat, at nak kek tak obogolat, at-nen kenpem pidnak nak kwarurag-o. Kir-e pempa mondok at imin nak panggarak wolmomtag-o.

1 YOANES 2:24

Iri bem-e, nandug-et kuligep wene na-ge kwara parugu wolmer-o. Nde, nandug-et kuligep wene iri na kit kenarem puksa parugu woragola-ge, kir-e pempa Ambara min Eid min inmin kundik woragub-o.

1 YOANES 2:5

Alat nde, Mbal Pem Nagawan-nen yidnak yidnak nak kwaroso nap perak nde, ar-e Mbal Pem Nagawan abuwa kaso-ge iminep mbarak irit worasu-o. Iri bem-nen nir-e Mbal Pem Nagawan imin kundik misiget worali-o luk nenaru yusu-o.

1 YOANES 2:7

Nanggamirak kenabuwa worak wa-e. Imiri mbarak pidnak wene ngget nin mbal kundusu-ge lag-o. Are, nandug-et yak kindidnak wene, nanduk imiri mbarak pidnak wene na-t mbal kundusu-o. Wene iri-ge kit obi-net kuligep nar-o.

1 YOANES 5:15

Nde, nit-nen nggi yidnak mende nenne koloso nenaru ala-ge, nit-nen at ebem nggi yidnak mende na wog-et nunduwa-o luk nenaru yili-o.

1 YOANES 5:3

Mbal Pem Nagawan abuwa kagolar-e, at-nen yidnak yidnak nak kwarurag-o. Nde, at-nen: ”Iri kwarer-o” yak nindidnak wene iri-ge nit nenmanggim-e angin worag-e lag-o.

2 YOANES 1:5

Iri bem-e, niya wa-e. Nit na nit-net nabuwa kabuwa yogolat wolmog-o luk an-e kiri keresa yak kurusu-o. Nde, an-nen mbal kurusu wene yu-ge wene ngget ki-ge lag-o. Wene yu-ge nanduk-net ”Iri kwarer-o” luk yak nindidnak wene-nen yusu-o.