2 YOANES 1:1 - Nanduk Ngget Tul Pidnak Wene

¹ Mbal Pem Nagawan-nen len kibidnak kwe min kilirak min wa-e. Wiwa-o. Ogore yidnak nap an-nen engga yu mbal kundusu-o. An-e ndemeret kit kenabuwa kwarat kasu-o. Nde, an narig-et nak-nen kenabuwa kasu-ge lag-o. Are, ndemeret wene enaru yidnak nap pidsa-nen na kenabuwa-t kali-o.

2 YOANES 1:1 ပူးပေါင်းရင်းမြစ်များ

LUKAS 1:3

Iri bem-e, nap Teopilus wa-e. An-e tel kwiridnak kuri-net kwaridnak mende pidsa kwara mbenarosolug-e, kat kamanggim kona irit mbal kururak peragi-o.

YOANES 8:32

Kit-nen ndemeret wene kenaru yogola-ge, wene iri-nen-e wisirik kunpuwa-o” luk yak indij-o.

YIDNAK YIDNAK WENE 11:30

Iri kwasa yigarik, silobulo na pil mborogolar-e, Mbaranabas min Saulus min ininggem pikma, ogore yidnak nap wok indil mbiriga-o.

OROMA 16:13

Nagawan Indo ebem-nen len ibidnak nap erembel wanugwi Urupus iri na min at ija an niya nggal tak pidnak na min inmin-e ”Wa yak kindij-o” luk yak undurag-o.

NGGALATIA 2:14

Nde, an-nen yik eneyasolar-e, it-nen kwaridnag-e ndemeret aid wene iri-nen yidnag-e ndak ndak kwarigit lak ala karuk, ap pidsa inmbiri bem-et an-nen Peterus na yak tosolar-e: ”Kar-e Yawuri nab-et nde, Yawuri nap-nen kwarugwi keya buruk, enlem nin nap-nen kwarugwi mende kwarosola me, kar-e nggeluk-nen kene amawi min-et enlem nin nap inmin-e: ’Yawuri nap-nen kwarugwi mende-t kwarer-o’ luk yak undusu-o?”

NGGALATIA 2:5

Alat nde, ndemeret aid wene na kit kinmin tugup lak wolmaklug-e, an-e mariger-o luk tet it inndi aye-nen e-o yigir-e lag-o.

NGGALATIA 3:1

Wid inndi worak Nggalatia nap wa-e! No mende kenarem nggwij-o? Yesus Kerisut na e lang pang tak pem wat yidnak wene kinmbiri bem nam-et yak kindidnak nar-o!

NGGALATIA 5:7

Nde, nanduk kir-e konak nak kenmawi kundigeb-et nde, ndemeret wene iri na-nen yidnak yidnak nak kwarugwi-ge ta-nen nde larok tak kinpij-o?

KOLOSE 1:5

Kit kenmanggim aid arem lid lud tak pidnak mende iri bem kinndi mbung mbung tak worasu-o. Nde, iri wene-ge kir-e nanduk-net ndemeret wene aid wene iri na bem-nen kuligeb-o.

1 TIMOTIUS 2:4

Ap pidsa inmiri yosolat, lud tak nak kwarugwi elem iri na enaru yogolat yurag-e Mbal Pem Nagawan indi-nen perasu-o.

IBERANI 10:26

Nit-nen-e ndemeret wene nenaru yidnak ombol nggwe-t nde, nit ninndi-net meya nak kwat tenak wulmulndig-e, meya iri nggal yogolat woraidnak iri lak tak purak pem eyabi purak mende-ge mondok lag-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.

1 PETERUS 5:1

An-nen na ogore yidnak nap-net yusu me, kit kennggendumu enne kulugwi ogore yidnak nab-e wene yu kwara kuluwag-o. Kerisut andi bandi kagaid iri-ge an nimbiri bem-et kagaij-o. Nde, Kerisut na kek tak woraso iri nam tak puwa tarem-e an totno kek tak nubuwa me, an-e kiri keresa yak kundusu-o:

1 PETERUS 5:13

Mbal Pem Nagawan-nen len kinpidnak kenggamirak Mbabilon woragwi nap min nambara Marakus min-nen-e wa yak kindili-o.

1 YOANES 2:21

Iri ala-ge, kir-e ndemeret wene kenaru buk ala, engga yu mbal kundusu-ge lag-o. Are, ndemeret yoso Mbal Pem Nagawan iri-ge mondok enesiget yoso bug-o kenaru yili iri bem-nen engga yu mbal kundusu-o.

1 YOANES 3:18

Nilirak wa-e. Nir-e ap enabuwa kagolar-e, we nenemnde bem nak-nen: ”An-e ap enabuwa kaso-o” luk yurag-e meya-o. Are, ndemeret ap enabuwa kagolar-e, nininggi-nen kwarugwi mende bem-net kudtag-o.

2 YOANES 1:13

Mbal Pem Nagawan-nen len ibidnak kanggam iri na ilirak-nen wa yak kiriga-o.

2 YOANES 1:5

Iri bem-e, niya wa-e. Nit na nit-net nabuwa kabuwa yogolat wolmog-o luk an-e kiri keresa yak kurusu-o. Nde, an-nen mbal kurusu wene yu-ge wene ngget ki-ge lag-o. Wene yu-ge nanduk-net ”Iri kwarer-o” luk yak nindidnak wene-nen yusu-o.

3 YOANES 1:1

Nindi kundik nanggam Nggaius wa-e. Ogore yidnak nap an-nen ndemeret kabuwa kasu-o luk engga yu mbal kurusu-o.