2 TIMOTIUS 4:5 - Nanduk Ngget Tul Pidnak Wene

⁵ Alat nde, kat perak nde yi mende ndi mende kwarosolar-e, kindi min-et kwara woralat, lel mberel kobogola, mamak puruk woralat, aid wene yoso nap-nen yabu wanoso nggal yabu wanosolat, Mbal Pem Nagawan-nen kebem pidnak yabu iri-ge kwara wanosolat wolmin-o.

2 TIMOTIUS 4:5 ပူးပေါင်းရင်းမြစ်များ

YEREMIA 6:17

Iri luk, at ilirak-nen ene pu yugwi mende (terompet) kuluruk, inndi yenggerak puwaklug-e, Nagawan Indo-nen-e tu yik karok wolmomtak nab-e pempa len onposolat woragij-et nde, at ilirak-nen yogolar-e: ”Nir-e mondok kulul pug-o” yiga-o.

YESKIEL 3:17

”Nggweyakma nap, lak yoso wa-e. Kar-e an-nen Isarael nap yik eneyarok wolmomtak nap irit lenak kibigi-o. Worasoma, an-nen it enmanggim kebem pimin wene-ge iri yak undurag-o.

YESKIEL 33:2

”Nggweyakma nap, lak yoso wa-e. Kat-nen kelem nap yak indi-o. An-nen o misik inmin wim mbarak posoma-ge, yu nggal kwat ma-o. O iri na me woragwi-nen-e it ennggendumu-nen tu yik karok wolmomtak misik lenak puwa-o.

YESKIEL 33:7

Nggweyakma nap, lak yoso wa-e. Kar-e an-nen Isarael nap yik eneyarok wolmomtak nap irit lenak kibigi-o. Worasoma, an-nen it enmanggim kebem pimin wene-ge it yak undurag-o.

MATIUS 25:16

Mborosola karuk, at tol lima wanid nap na ndaget nak wene worosola, orol iri na konogolar-e, tol-e lima nde nambena wanij-o.

MARAKUS 13:34

Iri-ge yu nggal-nen yusu-o. Ap misig-e at uwi keya buruk, o nin sa mbereyeklug-e, at ndegel ubugwi nap-nen enarik tak wanogolat wolmomtak mende enpem puruk, tumende yik karok woraso nap iri na yak tosolar-e: ’Kwara yik karok worasolar-e, kurug-et wolmin-o’ luk yak turuk, mbirij-o.

MARAKUS 13:37

’Yik karok wolmer-o’ luk yak kundusu yu-ge ap pidsa min-et yak undusu-o” luk yak indij-o.

LUKAS 12:37

Ineid lobok yuwa tarem at ndegel ubugwi nab-e unluk woragolat, lid lud tak puruk worakmu iniyujwa nab-e imbiringgat-nen yili-o! An yak kendeyeg-o. Ineid iri-nen-e at esani are puksa yutluk, it iri na koreyak unpuruk, ndegel unpuwa-o.

YIDNAK YIDNAK WENE 21:8

Nene luk, kup mborogolar-e, Kaisaria wok yige-o. Wok yogolar-e, aid wene yoso nap Pilipus ama ngguruk, at imin woraige-o. Nde, Yerusalem-nen ap tuju len inpiga na misig-e at Pilipus yur-o.

OROMA 15:19

kwaril nosolar-e, yenggerak purak mende amawi min kwiye worak mende amawi bem-nen na iri pidsa Konak Indi amawi bem-nen kwaril nigi-o. Iri nggal kwaril nosolar-e, o Yerusalem-nen Kerisut-nen idnak aid wene na-ge kwara timbiril timbiril Ilirikum kuri pigi-o.

EPESUS 4:11

At iri-nen we wok ondoso mende tembet ondosolar-e: Ereb-e wirik inpidnak nap tak onposolat, ereb-e Mbal Pem Nagawan ene lomboksa yugwi nap tak onposolat, ereb-e aid wene yak indil waring kagwi nap tak onposolat, ereb-e aid wene yugwi nap min mul undugwi nap min tak onposolat yij-o.

EPESUS 4:12

Iri rak inpid iri-ge, marak nap oboksa-ge aid wene na ndegel puwakluk, Kerisut ebe na o wiridnak nggal wuruwakluk, lid lud tak onposolat-nen yij-o.

KOLOSE 1:25

Kit konak tak kunpurak pem Mbal Pem Nagawan-nen an nebem eyabu posolar-e, lambuk tak inpidnak nap ndegel onposo nap tak nibij-o. Nde, an neyabu-ge at-nen yidnak wene ndegera ap yak undurak iri-net yusu-o.

KOLOSE 4:17

Nde, Arakipus na yak togolar-e: ”Nagawan Indo-nen eyabu kebem pidnak na mondok worok tak pugun na-e” luk yak ter-o.

1 TESALONIKA 5:6

Iri bem-e, nin nap-nen nene yogolat worali nggal, nit na nene yurak pug-o. Are, nir-e nunluk woragolat, ninndi min-et wolmog-o.

1 TIMOTIUS 4:12

Kar-e ap sugwe me, ap misiger-o luk-nen te rak kuburag-e meya-o. Are, kat-nen inndi angin tubu yidnak nap kat kebage mirik onposolar-e, wene yoso bem-nen na, kat-nen kwaroso bem-nen na, enabuwa kaso bem-nen na, mot mot nak kwaroso bem-nen na, mbek tak woraso bem-nen na kat kebage irit it-nen kwaruwakluk mirik onposolat wolmin-o.

1 TIMOTIUS 4:15

Kat-nen konak nak kwaroso kebage terak mena nggal lasu ap oboksa-nen kujwaklug-e, iri mende pidsa iri-ge mondok kwara kwarosolat wolmin-o.

2 TIMOTIUS 1:8

Iri bem-e, nit Nenagawan Indo-nen yidnak wene ap yak ondosolar-e, kinggiri yurak pug-o. Nde, at ebem-nen an o kubu me nibil nggwidnak me, an nebem-nen na kinggiri yurak pug-o. Are, Mbal Pem Nagawan-nen amawi wok korosola, aid wene bem lel mberel kobogola, andi kasolat wolmomtag-e ob-er-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

2 TIMOTIUS 2:3

Kar-e Kerisut Yesus uwim tomboroso nap konak nap yosolar-e, kat na andi bandi-t kudtak ob-o.

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.

IBERANI 13:17

Kit kennggendumu enne kolobokluk mendak inpidnak nap-nen yidnak wene wanogolat, it-nen yidnak yidnak nak kwarogolat wolmer-o. It-nen-e kit kinndi yik karok woragolar-e, perari yili bug-o. Iri yili iri-ge ap inndi yik karok woraidnak pem Mbal Pem Nagawan-nen an nebem wene mbaruwa-o peragoluk-nen yik keneyarok worali-o. Nde, kit-nen nde it-nen yidnak yidnak kwarogola-ge, it eneyabu-ge enalen min-et wanogolat wolma-o. Nde, kit-nen iri kwarigit lak yogola-ge, it inndi puru min-et eneyabu wanuwa iri-nen kit kenmanggim-e ebe worak mende ma-ge lag-o.

1 PETERUS 1:13

Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.

NAM PARA WENE 3:2

Iri bem-e, kir-e kinndi pengge luk, kit kendam worasu mende-ge erengen nigi yigit lak ma-net amawi rak per-o. Kit-nen kwatli mende-ge an-nen yik kasolar-e, an Nembal Pem Nagawan erengen pem-e misiger-o luk tet mondok iminep mbarak lak yik kasu-o.