2 TIMOTIUS 4:4 - Nanduk Ngget Tul Pidnak Wene

⁴ It-nen-e ndemeret wene kulurag-e eneyanggo ngguluwa-t nde, wene lom kulurak pem-e eneyanggo paluruk nuwa-o.

2 TIMOTIUS 4:4 ပူးပေါင်းရင်းမြစ်များ

NGGOMO WENE 1:32

Kwarugwi enaru buk nab-e an lirin lirin tak nibili-nen ndowaga wat ma-o. Wid nggal kabak woragwi yigisa labuk ma iri-ge an insili rak nibili-nen ndowaga kwat ma-o.

YESAYA 30:10

It-nen Mbal Pem Nagawan ene lomboksa yugwi nap inmin yogolar-e: ”Mondok kenne lak wolmer-o. Ndemeret wene-ge nir-e yak nundurak pug-o. Alat nde, nit-nen kulurak ninndi-nen pidnak wene nak yak nundurag-o. Nir-e yeba mende nag-et kwat tenak wolmomtak me, keya nenper-o.

MATIUS 13:15

It ap elem yu-ge inndi-ge ebebeyal wat yogolat, it eneyanggo lak lembeng yogolat, iri enlengen muruk tak pili-o. Iri yili iri-ge, it enlengen-nen kul naru, it eneyanggo-nen kulul naru, it inndi-nen yenggerak puruk, kondok yogola, an-nen ki rak unpuwa naru iri yili-o.’

YIDNAK YIDNAK WENE 7:57

Yosoloma-ge, it enne ngasilek luk, eneyanggoru ngguluruk, it oboksa misik tarem-et at ebem mbud yogolar-e,

2 TESALONIKA 2:11

Iri bem-nen ir-e enesiget wene bem inndi angin tubu yuwakluk, Mbal Pem Nagawan-nen-e enesiget elem it enarem yabu wanuwak-nen endam pil lobok yusu-o.

1 TIMOTIUS 1:4

”Tisiya wene min ineid onmbo nderak lolo pok tak pugwi buk wene iri-ge keya ber-o” luk yak indi-o. Iri wene yogolar-e, suwal suwal ndi wurugwi elem-nen yusu me, ninndi angin tubu yidnak pem Mbal Pem Nagawan-nen ninmiri yoso elem iri na kabak tak pusu-o.

1 TIMOTIUS 4:7

Alat nde, konmborak-nen yugwi wene lom ebe lak mende meya iri keya bi-o. Keya buruk, Mbal Pem Nagawan indi-n peraso kebage iri wanurak pem wal kasolat wolmin-o.

1 TIMOTIUS 6:20

Timotius wa-e. Kat kebem pidnak mende iri-ge kwara parugu wolmin-o. Nde, ebe lak wene min Mbal Pem Nagawan indi-n peraso buk wene min enaru yugwi mende-o luk yidnag-et nde, iri wene lit lit eyak wat kerak mbugwi wene min erep tenagurak pug-o.

2 TIMOTIUS 1:15

O Asia woragwi nap pidsa an keya nuburuk ndi yogolar-e, ap Pigelus min Eremogenes min na irit keya nuburuk mbiriga wene kar-e karu nar-o.

TITUS 1:14

Ir-e Yawuri nap-nen yugwi tisiya wene min ndemeret wene keya bidnak nap-nen yugwi wene min keya buwakluk, nggomo indi-o.

IBERANI 13:25

Mbal Pem Nagawan-nen we wok ondoso elem-e kit pidsa kinmin wolmag-o.

2 PETERUS 1:16

Nde, Nenagawan Indo Yesus Kerisut na amawi min lobok yurak wene min yak kindige iri-ge, tisiya ap inndi-nen mbela enesiget yugwi nggal yak kindili-ge lag-o. Are, Yesus Kerisut-nen kek tak woraso iri-ge nit nenlengen towelengen-nen kaige-o.