2 TIMOTIUS 4:16 - Nanduk Ngget Tul Pidnak Wene

¹⁶ Nandug-et nagap ndageyekluk wene yigi tarem-e ap misiger-o luk tet an nimin yigit lag-o. Are, it pidsa keya nuburuk, ndi yiga-o. Iri kwariga iri-ge it enpem mbugu-o.

2 TIMOTIUS 4:16 ပူးပေါင်းရင်းမြစ်များ

MARAKUS 14:50

Yosoloma-ge, at owosirak pidsa-ge at keya buruk, kwiye mbiriga-o.

LUKAS 12:11

Nde, kit kenpem wene mbaruwakluk, pemerinta nap min nagawan nagawan min endam tepan yugwi ma kinpil mborogola-ge, kir-e ’Nene-nen kuri worosolar-e, no nde yimin-o?’ luk kinndi kabak yurak pug-o.

YOANES 16:32

Li yu-ge wa-e! Kit pidsa kenma lombok ndibi ndi rak konpogola, an narig-et nak keya nuburak tarem-e panggo yuwa-t nde, yawo wok yij-o. Alat nde, an Neij-e an nimin-et woraso me, an narig-et nak woramin pug-o.

YIDNAK YIDNAK WENE 22:1

”Nanggamirak min neidtak min wa-e. Yanem kit kinmbiri bem an nondomok nelat mbarimin wene yu koler-o” luk yij-o.

YIDNAK YIDNAK WENE 25:16

Alat nde, an-ne it yak ondosolar-e: ’Nit Oroma nap-nen perak nde, wene enpem pidnak nab-e we iminep wesera wok undugwi bug-o. Are, it wene ebem pidnak nap min at ebem wene pili nap min-e o misik me ndok wutluk-nen at ondomok-nen elat mbaroso-o’ luk yak indigi-o.

YIDNAK YIDNAK WENE 7:60

Yurug-e, ar-e endaru yunggusa kore yosolat-nen at ene ngguloksa-t yosolar-e: ”Nagawan Indo wa-e. It meya yidnag-e it enpem keya burak pug-o” yurug-e, wat yig-o. 8:1a Nde, Saulus-nen perasolar-e: ”Sepanus iri-ge ob-et witli-o” luk peragaij-o.

1 KORINTUS 13:5

Ap enabuwa kagwi-ge kwarugwi buk mende na kwaroso buk, ondomok amanggim arengge na kore yoso buk, ndaget isilepma yoso bug-o. Ap enabuwa kagwi-nen-e at lel ibidnak na nggotloso bug-o.

1 KORINTUS 9:3

Ap-nen an neyabu wanogola, an-nen wene erep nggarosolar-e, yu nggal yusu-o.

2 KORINTUS 7:11

Nde, Mbal Pem Nagawan indi-n pidnak pem-nen kit kinndi puru bera yidnak iri-nen kit kenarem engen kwarat pid iri ker-o: Kir-e kondomok kenlat mbarogolat, kinsili-nen kinsilepma yogolat, kwiye yogolat, kenmawi kondogolat, ap-nen meya yidnak pem angin worak mende enpem purak kinndi yogolat yili irir-o. Iri kwarogolat-nen-e, wene iri oboksa bem-e kit-nen meya mbi kwatli buk irit yak nindili-o.

PILIPI 1:17

It erep iri-nen Kerisut owene yili iri-ge, it inndi mbek tak pem-nen yili-ge lag-o. Are, it ondomok kek momtak pem nak yogolat, o kubu me worala, anggun worak mende nebem puwokluk-nen yili-o.

PILIPI 1:7

An-e pempa pempa kit oboksa kenperasu iri-ge, kir-e an narem nggwidnak me, lud tag-et yebet keneyasu-o. Nde, an-e o kubu me worala-nen na, an-e aid wene na imiri alat, tugup lak tak peyekluk yosola-nen na, Mbal Pem Nagawan-nen we wok ondoso mende wok niridnak iri na-ge kir-e an nimin totno wanili-o.

2 TIMOTIUS 1:15

O Asia woragwi nap pidsa an keya nuburuk ndi yogolar-e, ap Pigelus min Eremogenes min na irit keya nuburuk mbiriga wene kar-e karu nar-o.

2 TIMOTIUS 4:10

Nde, Ndemas na-ge nggweyak ma mende indingen tak puruk, an yumbuk neyaruk, Tesalonika mbirij-o. Kereskes na-ge Nggalatia mborosolat, Titus na-ge Ndalmatia mborosolat yiga-o.

2 TIMOTIUS 4:15

At iri-ge nit-nen yugwi wene-ge kwarat eyak woroso me, at imin-e kwara woragun na-e.

1 PETERUS 3:15

Are, kit kinndi arem-nen-e Kerisut na kek tak pogolat, kit-nen idnak Nagawan Indo rak pogolat wolmer-o. Ap-nen-e: ”Kir-e no bem kinndi mbung mbung tak worali-o?” luk kin wok konpogola, wene na onggo yak undurak pem kir-e lid lud tak puruk wolmer-o.