2 TIMOTIUS 4:11 - Nanduk Ngget Tul Pidnak Wene

¹¹ Lukas arig-et nimin worasu-o. An yabu wanosola, at-nen yongga nururag-e ndak me, Marakus iri kimin tak puruk, lobok yi-o.

2 TIMOTIUS 4:11 ပူးပေါင်းရင်းမြစ်များ

OSEA 14:4

Asiut nap-nen-e ninmiri yurag-e meya-o. Wim pugwi kura wam-nen ninmiri yurag-e meya-o. Nit-nen-e nininggi-nen ndak wiridnak ereba na yak togolat: ’Kir-e nit nenmbal pem nagawan-nen yili-o’ yili ereba na-ge mondok tuguruk yul pug-o. Nagawan Indo wa-e. Kat-nen-e ta-nen inmiri yurak nggal inndi kabak woragwi nab-e enabuwa kaso-nen yusu-o” luk tepan yer-o.

MATIUS 19:30

Alat nde, ap kwarat-nen yawo yu-nen nanduk yili nab-e abok ma-o. Nde, yawo abok yili nab-e nanduk ma-o” luk yak indij-o.

MATIUS 20:16

Iri nggal-et abok yidnak nab-e nanduk ma-o. Nde, nanduk yidnak nab-e abok ma-o” luk yij-o.

LUKAS 13:30

Iri tarem-e ndemeret abok yidnak nab-e nanduk ma-o. Nde, nanduk yidnak nab-e abok ma-o” luk yij-o.

YIDNAK YIDNAK WENE 12:12

Iri yebet karug-e, Yoanes Marakus ija Maria na ama mbirij-o. Ma iri-ge ap kwarat ndok wutluk, tepan yogolat woraiga-o.

YIDNAK YIDNAK WENE 12:25

Nde, it-nen kwarugwi eneyabu na ndak tak purug-e, Mbaranabas min Saulus min-e Yerusalem-nen lobok yogolar-e, Yoanes na unu misig-e Marakus na-ge inmin lobok yiga-o.

YIDNAK YIDNAK WENE 15:37

Yak tosoloma-ge, Mbaranabas-nen-e Yoanes unu misig-e Marakus na-ge it inmin mbururak peragaij-et nde,

YIDNAK YIDNAK WENE 15:39

Yosoloma, wene iri lit lit mberen nap na-nen ngguno kwarat nggurug-e, tu enarik tak mborogolar-e, Mbaranabas na-ge Marakus imin luk e koma arem Siperus mbiriga-o.

YIDNAK YIDNAK WENE 16:10

Nde, Paulus na-nen nabi nggal iri kasoloma ereya na-net Mbal Pem Nagawan-nen aid wene it yak unduwakluk yonggo ninpij-o luk ninndi yebet karug-e, nir-e ndaget nak Makeronia iri me mburuwokluk yige-o.

KOLOSE 4:10

An nimin totno o kubu me pil nggwidnak nap Aristarakus min Mbaranabas irid-nen ndagaid nap Marakus min-nen wa yak kindili-o. (Nde, Marakus na kit kendam lobok yosola, kona wok eber-o luk nanduk yak kindigi nar-o.)

KOLOSE 4:14

Abuwa worak ndoktet Lukas min Ndemas min-nen-e wiwa yak kindili-o.

2 TIMOTIUS 1:15

O Asia woragwi nap pidsa an keya nuburuk ndi yogolar-e, ap Pigelus min Eremogenes min na irit keya nuburuk mbiriga wene kar-e karu nar-o.

2 TIMOTIUS 2:21

Ta-nen nde at meya yidnak keya buruk, at ondomok mat korasu nab-e nggok sakwi tarem-nen wanugwi piring nggal kwat ma-o. Piring iri ombo-nen arengge indi kundik woraso kwat luk, konak mende pidsa kwarurak lid lud tak pidnak piring nggal kwat ma-o.

PILEMON 1:24

An nimin yabu misiget erep wanugwi nap Marakus min Aristarakus min Ndemas min Lukas min-nen na irit wa yak kitli-o.

1 PETERUS 5:13

Mbal Pem Nagawan-nen len kinpidnak kenggamirak Mbabilon woragwi nap min nambara Marakus min-nen-e wa yak kindili-o.