2 TIMOTIUS 4:10 - Nanduk Ngget Tul Pidnak Wene

¹⁰ Nde, Ndemas na-ge nggweyak ma mende indingen tak puruk, an yumbuk neyaruk, Tesalonika mbirij-o. Kereskes na-ge Nggalatia mborosolat, Titus na-ge Ndalmatia mborosolat yiga-o.

2 TIMOTIUS 4:10 ပူးပေါင်းရင်းမြစ်များ

MATIUS 12:32

Ta-nen nde Ap Ambara imin meya wene yuwa-ge Mbal Pem Nagawan-nen amberam tak puwa-t nde, Konak Indi imin meya wene yuwa-ge, yawo-nen na, abok na abok na-nen na, Mbal Pem Nagawan-nen amberam tak puwa bug-o.”

MATIUS 26:56

Alat nde, yu kwat yusu oboksa-ge Mbal Pem Nagawan ene lomboksa yugwi nap-nen Mbal Pem Nagawan engga mbarak pem mbariga wene na ndak ndak tak posolat-net kwat yusu-o” luk yij-o. Iri yosoloma-ge, owosirak oboksa-ge at keya buruk, kwiye mbiriga-o.

LUKAS 14:33

”Iri ngglal-et kit kennggendumu-nen ap misiger-o luk tet kit kinsilobulo pidsa ’Nimbir-o’ luk keya bigit lak-nen-e an nimbirik noso nap kwat momtag-e meya-o” luk Yesus-nen yij-o.

LUKAS 16:13

Ndegel oboso nap-nen eid tag-e mberen tak ndegel unpurag-e meya-o. Iri kwarosolar-e, eid misik iri abuwa kasolat, misik isili kujwa-o. Nde, eid misik-nen yidnak yidnak kwarosolat misik-nen yidnag-e te rak puwa-o. Iri nggal-et kar-e Mbal Pem Nagawan min nggweyak ma mende min mberensa-t ndugururag-e meya-o” luk yij-o.

LUKAS 17:32

Lut ogwe-nen kwarid iri-ge yeberak wolmer-o.

YIDNAK YIDNAK WENE 13:13

Nde, Paulus min anggamirak inmin-e e koma arem ngguruk, Papos-nen mborogolar-e, o Pampilia-nen Perega wok yij-o. Alat nde, Yoanes na-ge it na keya unpuruk, tuguruk Yerusalem mbirij-o.

YIDNAK YIDNAK WENE 15:38

Paulus-nen yosolar-e: ”Nir-e nanduk Pampilia woragola, at iri-ge Mbal Pem Nagawan eyabu totno wanigit lak, keya nunpuruk mbirid iri-ge yawo-t ninmin mbururag-e lag-o” luk yij-o.

YIDNAK YIDNAK WENE 16:6

Nde, Konak Indi-nen-e: ”Asia nggweyak pem aid wene yurak pug-o” luk yak ondosoloma-ge, it na-ge o Perigia min Nggalatia min waring kaiga-o.

YIDNAK YIDNAK WENE 17:1

Nde, mberen nap na-ge Ampipolis min Apolonia min nggwe-nen Tesalonika wok yiga-o. Iri me-ge Yawuri nap-nen tepan yugwi wi mbi woragaij-o.

YIDNAK YIDNAK WENE 17:11

O iri me woragwi Yawuri nap iri-ge it Tesalonika woragwi Yawuri nap nggal-e lag-o. Inndi konak irit woragolar-e, aid wene-ge enalen min-et wanogolat, iri yili wene-ge ndemeret wene, lak? luk enaru moklug-e, Mbal Pem Nagawan Engga-ge pempa mbenarogolat woraiga-o.

YIDNAK YIDNAK WENE 17:13

Alat nde, ”Paulus na-ge Mberea-nen na Mbal Pem Nagawan-nen yidnak wene yusu-o” yogola kulurug-e, Tesalonika woragwi Yawuri nap na iri me lobok yigarik, it kwarat ereba na enarem woraga pil nggogolat, insilepma rak onpogolat yiga-o.

YIDNAK YIDNAK WENE 18:23

Iri me kwarat nggal woraruk mborosolar-e, o Nggalatia min Perigia min oboksa waring kil mborosolar-e, Yesus ene wanugwi nap pidsa inndi uwi ya bil pil mbirij-o.

2 KORINTUS 2:13

Alat nde, nenggam Titus iri na kagit lak me, an nindi mondok kabak alar-e, o iri nap na an-e mburusu-o yak unduruk, Makeronia mbirigi-o.

2 KORINTUS 7:6

Alat nde, inndi teberak nap yanggonoso Mbal Pem Nagawan-nen-e nit ninndi yanggonosolar-e, Titus na ibil lobok yij-o.

2 KORINTUS 8:16

Nir-e kit yongga kundurak pem ninndi embem yili nggal, Mbal Pem Nagawan-nen kit yongga kundurak pem Titus na indi embem wok tid iri bem nit Mbal Pem Nagawan wa yak tili-o.

2 KORINTUS 8:23

Titus iri perak nde, nannggam an totno yabu wanugwi nap, an totno yongga kundugwi nap-nen yusu-o. Nde, nennggamirak mberen at imin waring kali nap iri perak nde, lambuk tak inpidnak nap-nen wirik inpidnak nap, Kerisut unu kek tak pugwi nap-nen yili-o.

2 KORINTUS 8:6

Iri bem-e, ap enabuwa kagwi yabu tel kwirid nap Titus na-nen kit kendam lobok luk, yabu iri na kit kennggendumu iminep mbal makluk at emengen mbarige-o.

NGGALATIA 1:2

An min nanggamirak totno worali oboksa min-nen-e kit Nggalatia woragwi lambuk tak inpidnak nab-e wa yak kindili-o.

PILIPI 2:21

It ereb-e inndi-ge it ondomok-nen kwarurak nak nggok tak pogolar-e, Yesus Kerisut owene-ge marik tak pili-o.

1 TIMOTIUS 6:10

Yi meya ndi meya pidsa elem-e uwang nak ukwe ukwe yugwi irir-o. Ap erep-nen-e uwang langgal luk mborogolar-e, it inndi angin tubu yidnak na-ge kabak tak puruk, it inndi andi bandi rak purak mende kwarat ondomok enpem pugwi-o.

1 TIMOTIUS 6:17

Nggweyak ma mende winde nap nggomo ondosolar-e: ”Kenambik kek yurak pug-o. Lak wolmomtak mende iri bem kinndi-ge mbung mbung tak wolmomtak pug-o. Are, nit nenalen kujwakluk, yi mende ndi mende kwarat tak nonposo Mbal Pem Nagawan ebem nak kinndi mbung mbung tak wolmer-o” luk nggomo indi-o.

2 TIMOTIUS 1:15

O Asia woragwi nap pidsa an keya nuburuk ndi yogolar-e, ap Pigelus min Eremogenes min na irit keya nuburuk mbiriga wene kar-e karu nar-o.

2 TIMOTIUS 4:16

Nandug-et nagap ndageyekluk wene yigi tarem-e ap misiger-o luk tet an nimin yigit lag-o. Are, it pidsa keya nuburuk, ndi yiga-o. Iri kwariga iri-ge it enpem mbugu-o.

TITUS 1:4

Kat min an min Yesus ebem ninndi angin tubu yigerik me, ndemeret nambara Titus kamanggim mbarusu-o. Nineid Mbal Pem Nagawan min Ninmiri Yoso Kerisut Yesus min-nen idnak we wok ondoso elem min yamuksa woragwi elem min-e kimin wolmag-o.

PILEMON 1:24

An nimin yabu misiget erep wanugwi nap Marakus min Aristarakus min Ndemas min Lukas min-nen na irit wa yak kitli-o.

2 PETERUS 2:15

It iri-ge mot mot tula na keya bidnak me, ir-e kabak luk, nanduk Mbeyot ambara Mbileam-nen mbirid tula iri nggwe mbitli-o. Mbileam na-ge meya kwarurak onggo tol iri na indingen tak pij-et nde,