2 TIMOTIUS 4:1 - Nanduk Ngget Tul Pidnak Wene

¹ Mbal Pem Nagawan imbiri bem min unluk worali nap min wat yidnak nap min enpem wene mbaruwa nap Kerisut Yesus imbiri bem min at lobok yuwa bem-nen na, at-nen tenagaidnak wi bem-nen na, an-e wene yu mondok kiri keresa yak kurusu-o:

2 TIMOTIUS 4:1 ပူးပေါင်းရင်းမြစ်များ

NDAWI ENGGA 96:13

Iri yugup iri-ge Nagawan Indo-ge nggweyakma wi yu me tenageyekluk lobok yosolar-e, at-nen ap enlem oboksa enpem wene mbenarosolar-e, ndemeret mot mot, lud tak pem-et enpem wene mbenaruwa-o.

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

LUKAS 19:12

Iri bem Yesus-nen yosolar-e: ”Ap kek tak misig-e nagawan tak ubuwakluk, o erepma mberarik, lobok yij-o.

LUKAS 19:15

Nde, ap kek tak na-ge nagawan tak ibikma, lobok yosolar-e, at ndegel ubugwi kerep tol tembesa wok indid nap ereya na ’Neram ndok werer-o’ yak unduruk, ’It iri-ge kerep tol iri na bem-nen nunggwirik nggal lesa waniga-o?’ luk aru yekluk yonggo inpij-o.

LUKAS 23:42

Yuruk, at-nen Yesus yak tosolar-e: ”Yesus wa-e. Kat-nen tenagaidnak wi iri na me wok yosolar-e, an-e meme rak nuburak pug-o!” luk yak tij-o.

YIDNAK YIDNAK WENE 10:42

At iri-ge unluk worali nap min wat yidnak nap min enpem wene mbaruwakluk Mbal Pem Nagawan-nen len ibij-o luk, aid wene-ge ap yak indil ner-o yabu iri-ge nenpem pamu-o.

YIDNAK YIDNAK WENE 17:31

Nde, at-nen-e ab-e ap pidsa enpem wene lud tak nak mbarurak tarem-e ndak worak pidnak worasu-o. Nde, ap enpem wene mbaruwakluk at-nen-e ap misik mendak pij-o. Iri yidnak nab-e wat yidnak nap ennggendumu-nen uruk tak pamu me, nenpem wene mbaruwa-o luk ap pidsa enaru rak pij-o” luk yij-o.

OROMA 2:16

Mbal Pem Nagawan-e Yesus Kerisut ebem-nen-e ap-nen yebet kagwi kura woraso pidsa bem enpem wene mbaruwa tarem-e an-nen aid wene yoso iri nggal ndak ndag-et tak puwa-o.

KOLOSE 3:4

Nit nunluk worali yu-ge Kerisut-nen yusu-o. Nde, at nam yosolar-e, kit na at imin totno nam yogolar-e, at unu kek tak pidnak pem-et nam yugub-o.

2 TESALONIKA 2:8

iri tarem-e Meya nak Kwaroso Nap iri na nam yosola-ge, Nagawan Indo Yesus-nen at emende pu-nen at mondok worosolat, at lobok yosolat abinal-nen at iri lak tak puwa-o.

1 TIMOTIUS 5:21

Mbal Pem Nagawan min Kerisut Yesus min lenak inpidnak aid nap min inmbiri bem-et wene yu-ge nene amawi min-et yak kurusu-o. Mirik kubusu wene yu nak kat-nen kwarosolar-e, ap misig-e kindingen tak puruk, op tak posolat, nde, ap misig-e kisili rak puruk, meya rak posolat yurak pug-o. Are, mot mot nak kwarosolat wolmin-o.

2 TIMOTIUS 1:10

Alat nde, at-nen we wok ondoso elem iri-ge Ninmiri Yoso Nap Kerisut Yesus na lobok yid iri-nen nam tak pij-o. Nde, Kerisut-nen-e wat yugwi elem na lak tak puruk, aid wene bem-nen unlug-et woralik nalik momtak elem na nam tak pij-o.

2 TIMOTIUS 2:14

Wene yu-ge kweyap yeberak inpi-o. Mbal Pem Nagawan imbiri bem-et kene amawi min-et yak ondosolar-e: ”Yi wene ndi wene bem-e ngguno purak pug-o” luk yak indi-o. Iri kwarugwi iri-ge ebe lak wene kulili nap iri na inndi kabak tak unpurak wene-nen yusu-o.

2 TIMOTIUS 4:18

Nagawan Indo-nen-e an meya rak nuburak mende pidsa inggem-nen ming nuburuk, an nimiri yosolug-e, at-nen tenagaidnak wi aid arem iri me nibil ngguwa-o. At unu kek tak pem-et woralik nalik irit wolmag-o. Amen.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.

1 PETERUS 4:5

Alat nde, it iri-ge unluk worali nap min wat yidnak nap min enpem wene mbareyekluk lid lud tak puruk worasu Mbal Pem Nagawan na imbiri bem-e it-nen kwaridnak pidsa mondok paruwar-o.

1 PETERUS 5:4

Iri kwat yugup pem-e, Lomba Wam Winde Kek tak na lobok yosolar-e, abinal lak momtak puk wirik irit wanugub-o.

2 PETERUS 1:11

Iri kwarak woragola-ge, Nenagawan Indo Ninmiri Yoso Yesus Kerisut-nen tenagaidnak wi, pem-et woralik nalik wolmomtak wi iri me nggurak nap ndak tak kunpuwa-o.

2 PETERUS 1:17

Eid Mbal Pem Nagawan-nen Yesus kek tak paga nggok tak obosolar-e, Mondok Abinal worak Kek tak Nap-nen at imin yosolar-e: ”Yu-ge an Nambara nindi kundik-nen yusu-o. At ebem an nalen kasu-o!” luk nit ninmbiri bem-et yosola, kulige-o.

1 YOANES 2:28

Nde, nilirak wa-e. Kerisut lobok yuwa tarem-e ninggiri min lak, mondok kwiye lag-et at eram wok yuwok-nen Kerisut imin kundik irit wolmer-o.

NAM PARA WENE 1:7

Yik ker-o. Ar-e nggan nggan arem lobok yusu-o! Ap oboksa-nen at kagolat, tege at arem mon kaidnak nap-nen na kujwar-o. Nggweyak ma nap enlem oboksa-nen-e at ubud-nen yip kwarat yuwa-o. Ndemerer-o! Amen.