2 TIMOTIUS 3:6 - Nanduk Ngget Tul Pidnak Wene

⁶ It ennggendumu ap erep-nen-e ap enma ya nggwilik nogolar-e, meya yurak inndi te yidnak kwami, it meya yidnak mondok kwarat-nen tebel inpidnak kwami, it-nen ukwe peraidnak nin tak nan tak kobong tak pidnak kwami ereba na enare puwokluk ya nggwilik nili-o.

2 TIMOTIUS 3:6 ပူးပေါင်းရင်းမြစ်များ

YESAYA 1:4

Meya yugwi nap kenlem kir-e meya nak yebet kagwi nap min meya yugwi nap min-e mondok kenabuwa worag-o! Kit-nen meya kwarugwi elem iri-nen konowak ngga waga mberak kunpuruk worasu-o. Kir-e Nagawan Indo na keya bogolat, Isarael nap Kenmbal Pem Nagawan mondok marak kit-nen erembel wanurak iri na-ge pelek yaga konmbol nggwe rak pigeb-o.

MATIUS 11:28

Kenpabok lak yugwi nap min angin worak mende pijanuruk nugwi nap min-e kit pidsa an neram lobok yer-o. An-nen-e kenpabok kwasa wok kindimin-o.

MATIUS 23:13

”Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kir-e ap enabuwok Mbal Pem Nagawan-nen tenagaidnak wi tumende nggela labuk yili-t nde, kit-nen nggugwi na lak, nde, nin nap-nen ngguwokluk yidnag-et nde, kit-nen tu nggela labuk yili-o. [

MATIUS 23:14

Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kit-nen-e nanongga kweyap togwe unuwi na yariya wanogolat ereya na-net ap-nen op-net yili-o yuwaklug-e, tepan mot pare yili-o. Iri bem-e kit kenpem wene mbarosolar-e, angin worak mende kwarat kenpem puwa-o!]

MATIUS 4:24

At obog-e o Siria uwi oboksa wigak yil mborosola-ge, ap-nen at eram wok unpuruk lobok yogolar-e, kugi nin tak nan tak enpem mbidnak nap oboksa min, kugi andi-nen yane wurugwi nap min kugi enarem nggwidnak nap min ininggi nggonggo onowak nggonggo entagup kila kilasa wat yugwi kugi enpem mbidnak nap min kambung puk tak woragwi nap min wok unpuruk lobok yogola, Yesus-nen it oboksa ki rak onposolat woragaij-o.

MARAKUS 4:19

nggweyak ma mende unmud kagwi mende min yi mende ndi mende ombo wolmomtak indingen kagwi min ukwe akwe mende min enarem nggosolar-e, iri na-nen aid wene wanidnak na nggetla keya bosolar-e, ebe kwat yusu bug-o.

1 KORINTUS 12:2

Kit nanduk Mbal Pem Nagawan kenaru buk woragolar-e, kir-e kinndi kwara yebet kagit lak urugup lak kugiwak ambigit nggwe lit kunpuruk mboroso iri-ge kir-e kenaru nar-o.

1 TIMOTIUS 5:6

Alat nde, at ukwe ukwe mende nak kore yoso kwe togwe iri-ge urug-et nde, wat yidnak-nen yusu-o.

1 TIMOTIUS 6:9

Alat nde, ”Ninsilobulo worak nap yuwog-o” yugwi nab-e it inndi ngaroso mende bem-nen wosa mbogolat, kere ma ngonok yogolat, ebe lak mende, meya rak onposo mende irit ukwe ukwe yili-o. Iri mende-nen-e ap abapno rak onposolat, ap lak tak onposolat yoso-o.

TITUS 1:11

Ap iri nggal yugwi iri-ge mondok enmende nggulurag-o. It-nen mul undugwi yugwi buk wene iri bem-nen-e ap kwarat onkwe la ndomok inmin nari wari rak inpili-o. Nde, it iri kwarugwi iri-ge uwang lesa terak mena wanurak pem-nen iri yili-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

2 PETERUS 3:17

Alat nde, nanggamirak kenabuwa worak wa-e. Wene yu-ge kir-e kenaru nar-o. Iri bem-e, Mbal Pem Nagawan-nen yidnak wene kwarugwi buk nap-nen kabak woragwi ndak ndak kabak tak konpogolat, kit-nen tugup lak tena woragwi na kabak tak kunpuwa naru, kwil kwalsa wolmer-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.

YURAS 1:18

It-nen yak kondogolar-e: ”Woroksiyem wok yosola-ge, kit pesel kunpurak nab-e nam luk, it enaboro-nen ukwe ukwe yugwi mende, meya mende iri nak langgal luk mburuwa-o” luk yak kindiga nar-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.