2 TIMOTIUS 3:3 - Nanduk Ngget Tul Pidnak Wene

³ ap enabuwa na kagwi buk yogolat, kuri wat yogolat, ap unnu komorogolat, yanggo na yugwi buk, insilepma worak woragolat irit ma-o. It-nen-e konak kwarurag-e insili rak pogolat,

2 TIMOTIUS 3:3 ပူးပေါင်းရင်းမြစ်များ

NDAK WIRIDNAK WENE 49:7

Insilepma mondok kwarat me, insilepma-ge imbiri lamut mag-o. Enlengen lamburak nak undugwi me, it-nen insilepma mondok kwarat yugwi iri-ge imbiri lamut mag-o. An-nen-e ir-e yi ap ndi ap ennggendumu nggilara wirik inpimin-o.

NDAWI ENGGA 15:4

at erengenma-ge meya kwaroso nap na isili min yik kasolar-et nde, Nagawan Indo unu aye kagwi nab-e kek tak onposo nap, At-nen owak mbarak pidnak wene iri-nen at meya rak uburag-et nde, iri na tena woraso nap,

NDAWI ENGGA 22:6

Alat nde, an-e ab-e lag-o. An-e mari-nen yusu-o. Ap kwarat-nen enlengenma nggal tak nobogolat, nggweyel nobogolat kwatli-o.

YESAYA 53:3

Nit-nen-e at nggweyel obogolat, pelek pelek tak ibige-o. Ar-e andi bandi kasolat, yane woroso-o. Ap misiger-o luk mbi-nen na yik kujwa bug-o. Nit-nen na no mende yik kaidnak nggal tak ibige-o.

YESAYA 60:14

Kat anggun panggun tak kubugwi nap inlirag-e kat keram lobok yuwarik, keram entare nggwe tud ma-o. Kat pesel kibidnak nab-e kat keram tebe ma-o. Nde, kat kunu yarogolar-e: ’Nagawan Indo uwi siri-o’ luk, ’Sion iri-ge Isarael Embal Pem Nagawan Marak iri na uwi-o’ luk yuwa-o.

NDANIEL 8:23

Nagawan ereya-nen tenagidnak wi ereba na woroksiyem wok yosola-ge, meya kwarugwi-t mondok nggok ma-o. Meya kwarugwi nggok yosola-ge, ap nagawan wene koloso buk, ap enmberam laso misik men ma-o.

MATIUS 10:21

Onowe onowot-net nde, onowe onowot na unduwakluk inminep wisirik pogolat, ineidtak-net nde, inlirak unduwakluk inminep wisirik pogolat, inlirak-net nde ineid iniyarak insilepma enpem puruk, ineid iniyarak unduwakluk inminep wisirik pogolat ma-o.

MATIUS 4:1

Iri luk, Sere-nen at indi ngaruwakluk Konak Indi-nen Yesus ndemil uburuk karu me mbirij-o.

LUKAS 10:16

Yuruk, at-nen at owosirak yak ondosolar-e: ”Nde, ta-nen nde kit kenne kologola-ge, an nene-t kulili-o. Nde, ta-nen nde keya konpogola-ge, an-et keya nibili-o. Nde, ta-nen nde an keya nobogola-ge, an wirik nibil lobok yid nap iri na-t keya ibili-o” luk yak indij-o.

LUKAS 16:14

Iri yidnak wene na kulurug-e, it Parisi nab-e uwang ukwe ukwe yugwi me, Yesus na nda wat ibiga-o.

YOANES 6:70

Yak tosoloma-ge, Yesus-nen it yak ondosolar-e: ”Kit ap duabelas yu an-net len kinpigi-t nde, kit kennggendumu ap misig-e sere nde worasu-o!” luk yak indij-o.

OROMA 1:29

Keya onposola-ge, it enarem-e yi meya ndi meya yu-nen yebet tak worasolar-e, meya kwarugwi mende min ukwe ukwe yugwi mende min emben to rak mende min enlengen ale nak yurak min ap undugwi min yig pugwi min ap enmberam lagwi min mabin puruk woragwi min ap onpok pugwi min

OROMA 1:31

kim kim nggal kwarugwi min ndak ndak kwarugwi buk min ap enabuwa kagwi buk min ap unpud kagwi buk min irit woraiga-o.

1 KORINTUS 7:5

Kir-e inmin nene yugwi iri bem-e yuk puk yurak pug-o. Nde, kit kenmberek wene mbarogolar-e: ”Tepan yogolat wolmok-nen-o” yuruk, iri kwarurak na keya buruk, tepan yurag-o. Yurug-e, kit kondomok-nen mamak purag-e meya me, Sere-nen kinndi ngaruwa naru, kenmberek lambuk yurag-o.

1 KORINTUS 7:9

Alat nde, kit kondomok kinndi marak puruk wolmomtak meya ala-ge, kwe wanilik, ap wanilik, wok kerak mburag-e mondok konag-o. Nde, kit-nen ukwe ukwe yugwi mende iri-nen pak kunpurag-e meya-o.

1 TESALONIKA 4:8

Iri bem-e, wene yu keya busu nab-e ki nap-nen yidnak wene keya busu-ge lag-o. Are, at Konak Indi wok kondoso Mbal Pem Nagawan irit keya ubusu-o.

1 TIMOTIUS 3:11

Iri nggal-et it onkwerak na konak nak kwarugwi kweyap, ap onpok na pugwi buk kweyap, ondomok inndi mamak puruk woragwi kweyap, yi mende ndi mende bem mot mot nak kwarugwi irit mag-o.

TITUS 1:8

are, ”Ap sal nama nggumer-o” yoso nap, konak nak kwarurak peraso nap, idi worak nap, mot mor-et kwaroso nap, marak nak woraso nap, at ondomok indi tena woraso nap irit mag-o.

TITUS 2:3

Nde, iri nggal-et kweyap indi worak yak ondosolar-e: ”Mbal Pem Nagawan indi aye worak kweyap-nen woragwi irit woragolar-e, kenpage marak irit wolmer-o. Ap erep unnu meya rak purak pug-o. Anggut engen amburu na ndonggosa norak pem iri ndegel pugwi kweyap yurak pug-o.

YAKOBUS 2:6

Alat nde, kit-nen-e enarengge lak nab-e no yik kidnak nggal tak inpili-o. Nde, kit teberak konpogolat, kenpem wene mbarugwi sa lit keneyaruk mbitli nab-e enarengge worak nap-net kwat kinpili yu kali bug-a?

2 PETERUS 2:14

It inndi kundig-e mbabi yugwi kwami iri na enpem enlengen yumburugwi me, ir-e meya kwarurak pem insili yoso bug-o. It iri-nen-e kwara inndi angin tubu yigit lak nap na enare pili-o. It inndi-nen ukwe akwe bem mbarak purak puk mamarak pidnak me, it iri-ge Mbal Pem Nagawan-nen inmbiri lamut tak inpidnak-nen yili-o.

2 PETERUS 2:19

It enesiget siget mul undugwi nap iri-ge it-nen kwarugwi meya mende iri na ndegel pugwi nap-net nde, it-nen ap erep yak ondogolar-e, weserak unpurak urul yak indili-o. Ta-nen nde yi mende ndi mende-nen urugwe nggwe rak pidnak ala-ge, iri na ndegel poso nab-et kwat yusu-o.

2 PETERUS 3:3

Mondog-et kit-nen yeberak wolmomtak wene nggulog-e yu-o. Woroksiyem woragolar-e, it ondomok inndi-n pidnak ukwe akwe yugwi nak kwarogolar-e, ap nggweyel unpugwi nap na men yogolar-e, kit nggweyel kunpuwa-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.

YURAS 1:18

It-nen yak kondogolar-e: ”Woroksiyem wok yosola-ge, kit pesel kunpurak nab-e nam luk, it enaboro-nen ukwe ukwe yugwi mende, meya mende iri nak langgal luk mburuwa-o” luk yak kindiga nar-o.

NAM PARA WENE 13:15

Nde, at yu na amawi wok tosola-ge, ndakngge isilepma worak nanduk iri na abage ndak worak arem at-nen indisep pil nggosola, uruk tak posola, ene worak yij-o. Ene worak lug-e, at erembel wanigit lak nap oboksa-ge indij-o.

NAM PARA WENE 13:17

Nde, ndakngge isilepma worak iri unu ala na, at unu nggal at wonat ibidnak nomor yenggerak purak mende iri enpem worak nap iri nak-nen onggo pogolat, onggo wanogolat ma-o.

NAM PARA WENE 16:6

It iri-nen-e Mbal Pem Nagawan ilirak min Mbal Pem Nagawan ene lomboksa yugwi nap min eneyabi wirik pidnak me, yawo it-nen nujwakluk, kat-nen yabi mak indigen iri-ge it kwat unpurak ndag-et kwat inpigen-o!” luk yosola, kuligi-o.

NAM PARA WENE 17:6

Nde, an yik kaginggal-e, kwe iri na-ge Mbal Pem Nagawan ilirak min Yesus-ne yidnak yidnak kwarugwi bem-nen indidnak nap min eneyabi ndonggosa ninggidnak pem indi wawa yosola kagi-o. Nde, kwe iri na karug-e wir-o luk yigi-o.