2 TIMOTIUS 3:2 - Nanduk Ngget Tul Pidnak Wene

² Iri tarem-e ap-nen-e ondomok enabuwa nak kagolat, uwang nak nggok tak pogolat, enambikpebe kek yogolat, inndi kek tak pem wene yogolat, ap pesel onpogolat, ineid iniya enne tarogolat, wa na yugwi buk, aid wene insili rak pogolat,

2 TIMOTIUS 3:2 ပူးပေါင်းရင်းမြစ်များ

NDAWI ENGGA 49:6

It iri-ge it enarengge bem nak inndi kwid puruk woragolat, enarengge mende ereba na bem nak inndi kek tak puruk worali-o.

NDANIEL 7:25

Nde, at iri-nen-e Mbal Pem Nagawan Mondok Kek tak iri na obok mbarosolat, Mbal Pem Nagawan ilirak anggun panggun tak unpuwa-o. At-nen-e imiri mbarak pidnak wene ereba na nden yaga nin tak posolat, Mbal Pem Nagawan ilirak-nen Nagawan Indo erembel wanogolat nggok sakwi tarem sakwi ereba na nden kudtak yebet kasolat ma-o. Iri kwarosolat, Mbal Pem Nagawan ilirak yemndak unpuruk woralar-e, olengen kenan tak puruk, misig-e ngaksa waneya enam irit wolma-o.

MATIUS 15:6

yoso nap iri-ge at eid ija enne kulusu buk iri-ge ob-o’ luk yili-o. Nde, kit-nen iri nggal yogolar-e, kit kenlawingga-nen kwarugwi nak kwarogolar-e, Mbal Pem Nagawan-nen yidnak wene na lak tak pili-o.

LUKAS 12:15

Yurug-e, Yesus-nen ap pidsa iri me worali na yak ondosolar-e: ”Ab-e enarengge kwarat winde yidnak iri na bem nak woragwi buk me, kinndi silobulo ukwe ukwe yugwi indi kenpem mbuma naru, kwara wolmer-o” luk yij-o.

LUKAS 16:14

Iri yidnak wene na kulurug-e, it Parisi nab-e uwang ukwe ukwe yugwi me, Yesus na nda wat ibiga-o.

LUKAS 6:35

Lag-o! Kir-e kunuwim nap enabuwa kagolat, it inmin konag-et kwarogolat yugup na-e. Kunuang luru wok unduruk, uwi yagurak yebet kudtak pug-o. Iri kwarugup ala-ge, onggo nggulok wanogolat, Kek tak Woraso Mbal Pem Nagawan ilirak kwat yugub-o. Mbal Pem Nagawan-nen-e wa yugwi buk nap min meya yugwi nap min-e enabuwa nak kaso-o.

YIDNAK YIDNAK WENE 5:36

Nandug-e ap Teuras na men yarik, at ambikpebe kek yosola-ge, ab-e empat ratus (400) nggal at imin niga-t nde, at worogolikma-ge, imin niga nap oboksa ndibi ndi yogolar-e, lak agaid nar-o.

OROMA 11:18

Iri bem-e kit na kit-net kek yogolar-e, mbarak pidnak inggi iri na te rak unpurak pug-o. Kir-e no bem-nen kondomok kek yili-o? Kir-e inggi-nen yili-o. Nde, inggi-nen-e emengen ki wolmomtak amburu wok toso bug-o. Are, emengen-nen inggi na ki wolmomtak amburu wok toso-o.

2 KORINTUS 5:15

Ar-e ap oboksa enmanggim wat yid iri-ge, unluk worali nab-e it ondomok enmanggim wolma-o luk, ar-e it enmanggim wat luk, uruk tak pid nap iri na amanggim-et wolmakluk-nen wat yij-o.

PILIPI 2:21

It ereb-e inndi-ge it ondomok-nen kwarurak nak nggok tak pogolar-e, Yesus Kerisut owene-ge marik tak pili-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

2 TESALONIKA 2:4

At iri-ge at ondomok kek yosolar-e, ap-nen erembel wanugwi mende pidsa min Mbal Pem Nagawan nggal lik kagwi min imin wim mbarak woralar-e, iri mende oboksa-ge at-nen urugwe nggwe rak puruk, Mbal Pem Nagawan ama kore lug-e, ”An-e Mbal Pem Nagawan-net yusu-o” luk yuwa-o.

1 TIMOTIUS 1:20

Iri kwarugwi nap ennggendumu-nen-e Imeneus min Aleksandet min worali-o. Nde, it mberen-e Mbal Pem Nagawan obak pili iri keya buwakluk, an-nen-e Sere eram kegera inpigi-o.

1 TIMOTIUS 1:9

Wene yu kwara yebet ker-o: Imiri mbarak pidnak wene iri-ge lud tak nak kwarugwi nap enmanggim yidnag-e lag-o. Are, wene kuruk tugwi nap min Mbal Pem Nagawan ene kulugwi buk nap min Mbal Pem Nagawan enaru buk nap min meya kwarugwi nap min Mbal Pem Nagawan indi-n pidnak kwarugwi buk nap min aid wene enaru buk, it inndi-n pidnak nak kwarugwi nap min ineid iniya undugwi nap min ap undugwi nap min

1 TIMOTIUS 3:3

anggut engen amburu ndonggosa naro buk nap, isilepma yoso buk nab-et nde, indi yangonak nap, ap lambuk tak onposo nap, uwang nggok tak poso buk nap,

1 TIMOTIUS 6:10

Yi meya ndi meya pidsa elem-e uwang nak ukwe ukwe yugwi irir-o. Ap erep-nen-e uwang langgal luk mborogolar-e, it inndi angin tubu yidnak na-ge kabak tak puruk, it inndi andi bandi rak purak mende kwarat ondomok enpem pugwi-o.

1 TIMOTIUS 6:4

ar-e aru buk, mondok kabak-net nde, ondomok kek yusu-o. At-nen indingen yidnag-e wene lugud tugwi min yi wene ndi wene bem ngguno nak purak indi nak yosolar-e, enlengen ale worak tak posolat, kuri worak tak onposolat, nobokpe kobokpe yogolat, inndi-nen kwaramu-t peragwi min

2 TIMOTIUS 3:4

mirim kwarogolat, inndi mburugwi buk yogolat, enaru bug-et nde, ija bija yogolat, Mbal Pem Nagawan indi pidnak keya buruk, it inndi pidnak nggok tak pogolat ma-o.

YAKOBUS 2:8

Imiri mbarak pidnak wene owak ndum Mbal Pem Nagawan engga bem-nen yosolar-e: ”Kat kambik kabuwa kasu nggal-et kat keralu nap na enabuwa ki-o” luk iri yidnak iri na-t kwatli ala-ge, ob-et kwatli-o.

YAKOBUS 4:16

Alat nde, yawo kir-e kondomok kentembel wanogolat, kinndi kek yili-o. Inndi-nen kek yugwi iri nggal iri-ge lugud tak kwatli-o.

YAKOBUS 4:6

Alat nde, Mbal Pem Nagawan-nen we wok ondoso elem wok nindid iri-ge nit nenarem pid ukwe ukwe yoso iri nggal-e lag-o. Mondok terak minik amawi worak irit wok nindij-o. Iri bem, Mbal Pem Nagawan engga bem-nen yosolar-e: ”Inndi kek yugwi nab-e Mbal Pem Nagawan-nen ombol wok ondoso-t nde, inndi teberak woragwi nab-e enabuwa kaso-o” yij-o.

1 PETERUS 5:5

Nde, iri nggal-et kit ap sugwe-nen-e inndi worak-nen yidnak yidnak nak kwarurag-o. Nde, kit pidsa kinndi tebe luk yongga yongga yogolat wolmer-o. Nde, Mbal Pem Nagawan engga bem-nen yosolar-e: ”Mbal Pem Nagawan-nen-e inndi kek yugwi nap inmin-e sirid mbarak worasu-t nde, at-nen-e inndi teberak woragwi nab-e enabuwa kasu-o” luk yij-o.

2 PETERUS 2:10

Iri len unpuwa iri-ge it ondomok kopkap tobok tak onposo ukwe ukwe yugwi iri-nen yidnak yidnak kwarogolar-e, Mbal Pem Nagawan ene kulurak insili nap iri-ge len unpusu irir-o. Enesiget siget mul undugwi nap iri-ge kwiye lag-e, ondomok kek yogolar-e, teram woragwi enabinal worak nap iri na kwiye lag-et pesel inpili-o.

2 PETERUS 2:12

Alat nde, it iri na-ge indi lak wam nggal-et kwatli-o. It ap iri-ge tenaguruk, wururak pem nak ndesa mbidnak anggam naso ndakngge nggal-nen yili-o. Ir-e kwara inndi yebet kagit lag-et nggweyel inpili-o. Nde, anggam naso ndakngge wurugwi nggal, it ondomok-nen kwarugwi iri-net it lak tak unpuwa-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.

NAM PARA WENE 13:1

Iri luk, an yik kaginggal-e, yi koma arem-nen ndakngge isilepma worak misik nam yosola kagi-o. At iri anggul ambo-ge sepulu, nde, anggul-e tuju woragaij-o. Nde, anggul ambo ereya na bem iritsa nagawan-nen yurugwi topi pago, nde, anggulwak ereya na bem iritsa unnu-ge Mbal Pem Nagawan obok pugwi na mbarag-o.

NAM PARA WENE 16:11

Nde, ir-e kimbi enpem yosolat, andi bandi kagolat me, Mbal Pem Nagawan aid arem woraso na imbiri lamut tak piga-o. Alat nde, it-nen meya kwarugwi iri na keya buruk, kondok yurag-e meya-o.

NAM PARA WENE 16:21

Talme engen nggulok, ariktak angin-e 50 kilo irit mbal pem-nen mbuwasolat, ap yemen inpij-o. Iri yosola-ge, talme engen iri-nen yemen onposola karuk, ap-nen-e Mbal Pem Nagawan imbiri lamut tak ibiga-o. Iri yiga iri-ge andi bandi kwiye worak kagolat-nen yiga-o.

NAM PARA WENE 16:9

Molengen embem-nen ap nok onposola-ge, it-nen-e andi bandi mende iri amawi tena woraso Mbal Pem Nagawan na unu-ge imbiri lamut tak piga-o. Alat nde, it-nen meya yidnak keya buruk, kondok yigit lak yogolar-e, Mbal Pem Nagawan kek tak woraso iri erembel wanurak na insili yiga-o.