2 TIMOTIUS 3:15 - Nanduk Ngget Tul Pidnak Wene

¹⁵ Kar-e la marik pem-net Mbal Pem Nagawan engga karu woraigen iri-ge mondok yeberak wolmin-o. Mbal Pem Nagawan engga-nen-e Kerisut Yesus ebem kindi angin tubu yusola, kimiri yuwakluk kat kindi nggat nggat worak tak purag-e ndag-o.

2 TIMOTIUS 3:15 ပူးပေါင်းရင်းမြစ်များ

NDAWI ENGGA 19:7

Nagawan Indo-nen idnak imiri mbarak pidnak wene iri-ge inndi uruk tak poso iminep mbarak-nen yusu-o. Nagawan Indo-nen ”Irit kwarurag-o” yidnak wene iri-ge ndemerer-o luk ebem inndi wat tak pugwi-nen yusu-o. Inndi lak ala, inndi nggat nggat worak tak poso-nen yusu-o.

NGGOMO WENE 22:6

Li marig-e at-nen kona wolmomtak wene-ge kwara mul togolat wolmomtag-o. Iri yosoma-ge, indi worak yosolar-e, at nggomo wiridnak iri na nggal-et kwarosolat wolma-o.

NGGOMO WENE 8:17

An-nen-e an nabuwa kali nab-et enabuwa kasu-o. An nogore yili nab-e niyujwar-o.

AID WENE YOSO NAP 12:1

Anggun panggun nak kagolat wolmomtak tarem olengen awo wok yigit lak ma kunsujwe woragolat ereya bem-net Ndak Worak Kinpid Nab-e kinndi yebet yebet tak wolmer-o. Nde, ereya tarem nde wok marig-e: ”An-e nalen pem-e mondok worasu bug-o” luk yugun-o.

MATIUS 22:29

Yogolikma-ge, Yesus-nen wene erep nggarosolar-e: ”Kir-e Mbal Pem Nagawan engga mbarak iri kenaru buk, Mbal Pem Nagawan amawi na kenaru buk yili me, kir-e mondok kabak yili-o.

LUKAS 1:15

Nagawan Indo-nen la na yik kasolar-e, ap nggulok irit ma-o. At iri-ge anggut engen amburu min inndi nden kaso yi erep min mondok nujwa bug-o. At iri ndesa mbosola-net Konak Indi-nen arem kobong yidnak irit wolma-o.

LUKAS 2:40

Nde, la na-ge ebe nggulok yosolat, amawi yosola-ge, Mbal Pem Nagawan-nen imbiringgat tak posola, indi tenggerak irit woragaij-o.

LUKAS 24:27

Yurug-e, Mbal Pem Nagawan engga bem-nen at kwat uburak obok mbaridnak pidsa-ge Musa-nen mbaridnak wene na bem tel korarik, yak indil indil Mbal Pem Nagawan ene lomboksa yugwi nap oboksa-nen mbaridnak wene bem pil mborosolar-e, ”Iri nggal yosolat-nen yidnag-e” luk mul indil indil mbirij-o.

LUKAS 24:32

Lak alama-ge, it na it nak yak kerak mbogolar-e: ”Tulabiyem lobok yogolar-e, nit ninmin wene ndorosolat, Mbal Pem Nagawan engga bem mbaridnak wene mul nondosolat kwarosola-ge, nit ninndi embem yosola kaige na-ge lag-a?” luk yiga-o.

LUKAS 24:45

Yak unduruk, Mbal Pem Nagawan engga bem-nen mbaridnak iri na ebe-ge iri yosolat-nen yamu-o, luk yebet kujwaklug-e, Yesus-nen it inndi tu kuwarak posolat-nen

YOANES 5:47

Alat nde, kit-nen-e Musa-nen mbaridnak wene bem kinndi angin tubu yili buk me, ngge rak puruk-nen an-nen yidnak wene bem-e kinndi angin tubu yugub-o?” luk yij-o.

YIDNAK YIDNAK WENE 10:43

Mbal Pem Nagawan ene lomboksa yugwi nap pidsa-nen at owene yogolar-e: ’At ebem indi angin tubu yuwa nab-e at unu bem it meya yogolat woraidnag-e ambaram tak puruk, urugom tak unpuwa-o’ yiga-o” luk yij-o.

YIDNAK YIDNAK WENE 13:29

Nde, nanduk mbaridnak engga bem at imin-e ’Iri nggal kwat puwa’ yidnak wene iri na pik paksa ndak ndak tak purug-e, e lang pang tak pem-nen waga pil mbuwarig-e, kerep ndome mbinggirik pil mbiriga-o.

YIDNAK YIDNAK WENE 16:1

Nde, iri lug-e, Paulus na-ge o Nderebe min Listera min ereya na me-t wok yij-o. Iri me-ge indi angin tubu yidnak nap misik unu-ge Timotius irit woragaij-o. At ija-ge Yawuri kwe, indi angin tubu yidnak kwe-t nde, at eij-e Yunani nab-o.

YIDNAK YIDNAK WENE 17:2

Nde, Paulus na-ge at nggoso ereba na nggal-et Yawuri nap-nen tepan yugwi wi iri na me we woragwi tarem kenan pem nggwerenak worasolar-e, Mbal Pem Nagawan engga bem mbaridnak wene-ge o ereba nap yak ondosolat woragaij-o.

YIDNAK YIDNAK WENE 26:24

Nde, Paulus-nen at ondomok elat mbarosolat wene yosoma, Pestus-nen ene paleksa yak tosolar-e: ”Paulus wa-e. Kar-e kindi wawa yusu-o. Kar-e kwarat karu yigen na-nen ndowaga kindi wawa yusu-o” luk yak tidj-o.

OROMA 1:2

Aid wene iri-ge Mbal Pem Nagawan-net obi-net urul paga Mbal Pem Nagawan ene lomboksa yugwi nap enpem posola, it-nen konak engga bem mbariga-o.

OROMA 16:26

Nde, yawo-nen-e pem-et woraso Mbal Pem Nagawan-nen-e ”iri nggal mag-o” yidnak pem yi nap ndi nap oboksa-nen enaru luk inndi angin tubu yogolat, at-nen yidnak yidnak nak kwarogolat makluk-ge, Mbal Pem Nagawan ene lomboksa yugwi nap-nen mbaridnak engga bem-nen-e kura yidnak wene iri-ge nam tak pili-o.

OROMA 2:27

Imiri mbarak pidnak wene engga bem mbaridnak iri-ge kit Yawuri nap-nen winde woragolat, kiniye ambasap wabidnak na woragolar-et nde, imiri mbarak pidnak wene-nen yidnak yidnak iri-ge kit-nen kuruk witli-o. Nde, it iniye ambasap wabigit lag-et nde, imiri mbarak pidnak wene-nen yidnak yidnak irit kwatli me, enlem nin nap-nen-e kit Yawuri nap kenpem wene mbaruwa-o.

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

EPESUS 6:4

Nde, kit ineidtak-nen-e kinlirak insilepma worak tak unpurak pug-o. Are, ndegel onpogolar-e, nggomo ondogolat, Nagawan Indo-nen yidnak wene mirik onpogolat wolmer-o.

TUGURUK YIDNAK WENE 4:6

Mondok mot mot nak pempa kwat tenak wolmer-o. Kit-nen nde iri kwarogola-ge, kit kinndi nggat nggat elem iri-ge ap enlem nin nap nan nap enaru ma-o. Nde, erem nin nap-nen imiri mbarak pidnak wene kit-nen tena worali iri na obok kulurug-e, it-nen yogolar-e: ’It ap enlem nggok iri-ge inndi nggat nggat worak enaru yidnag-e mondok ijar-o!’ luk yuwa-o.

1 TIMOTIUS 4:13

An lobok yigit lak worala, nememet worasolar-e, kar-e Mbal Pem Nagawan Engga-ge ap inmbiri bem wonat ondosolat, ap nggomo ondosolat, mul ondosolat wolmin-o.

2 TIMOTIUS 1:1

Kerisut Yesus ebem unlug-et wolmomtak aru pidnak wene yak unduwakluk, Mbal Pem Nagawan indi-n pidnak pem Kerisut Yesus-nen idnak wirik nibidnak nap Paulus an-nen-e

2 TIMOTIUS 1:5

Kat ndemeret kwara kindi angin tubu yigen na an yebet yebet tak worasu-o. Nde, kat kowo Lois min kiya Eunike min inndi angin tubu yiga iri na ereb-et kat na iri nggal-et kindi angin tubu yidnak worasu-o luk an-e mondok naru-o.

2 PETERUS 3:16

Paulus-nen mbaridnak engga pidsa bem-e pempa iri wene na mbarosor-o. Nde, at-nen mbaridnak engga bem-e wene erep yebet kudtag-e angin worak me, inndi kol woragwi nap min kwara inndi angin tubu yugwi buk nap min-nen-e wene na-ge nden penden tak pili-o. Iri nag-e lag-o. Mbal Pem Nagawan engga bem mbaridnak wene erep na it iri-nen-e iri nggal-et nden penden tak pogolar-e, it ondomok-nen kwaridnak iri na-net ondomok lak tak unpusu-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.

1 SEMUEL 2:18

Iri kwarogola-ge, la marik Semuel iri na-ge Nagawan Indo mondok ndegel obosolat woralar-e, usum-e linen-nen konidnak tepan ombo-nen Nagawan Indo ama yabu wanogolat-nen nak yurugwi sum nggal irit yutluk wanosolat woragij-o.