2 TIMOTIUS 3:11 - Nanduk Ngget Tul Pidnak Wene

¹¹ lel mberel nibidnak min andi bandi kagi min neyaigen nar-o. Antiokia-nen na, Ikonium-nen na, Listera-nen na lel mberel nobogola, andi bandi kagi iri na kar-e karu nar-o. Ereba nggal kwat nibiga-t de, Nagawan Indo-nen nimiri yij-o.

2 TIMOTIUS 3:11 ပူးပေါင်းရင်းမြစ်များ

NDAK WIRIDNAK WENE 48:16

Lak tak nuburak inggem-nen nimiri yoso aid nap iri-nen-e li ya-ge imbiringgat tak unpuwag-o. Li ya enpem-nen an nunu min Abarakam unu min Isak unu min-e ki irit wolmag-o. It ya inlirak-nen li kwarat ndakola, it-nen wigarag-e kwarat mag-o” luk yij-o.

2 SEMUEL 22:1

Nde, Saul min wim nap erep min ininggem-nen Nagawan Indo-nen imiri yidnak pem-e Ndaut-nen-e Nagawan Indo erembel wanosolat ndawi yu ngarij-o:

2 SEMUEL 22:49

Ap-nen nuwim nap ininggem-nen nimiri yusu-o. Nagawan Indo wa-e. Kat-nen nuwim nab-e urugwe nggwe rak unpuruk ombol nggwe rak nubusu-o. Kat-nen-e ap insilepma worak ininggem-nen kura nubusu-o.

NDAWI ENGGA 34:19

Konak kwarugwi nap enpem mboso andi bandi elem-e kwarar-et nde, Nagawan Indo-nen andi bandi ereba na oboksa arem-nen inmiri yoso-o.

NDAWI ENGGA 37:40

Nagawan Indo-nen it yongga ondosolat, inmiri yosolat kwaroso-o. It iri-ge at eram kura woragwi me, meya kwarugwi nap ininggem-nen mengga keya onposo-o.

NDAWI ENGGA 91:14

Mbal Pem Nagawan-nen yosolar-e: ”Ap an nebem inndi kundik worali nab-e an-nen inmiri yimin-o. An nimin-e: ’At iri-ge nit-nen idnak Nagawan Indo-nen yusu-o’ luk yili nab-e nggetlel unpuruk woramin-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

YESAYA 43:2

Yi yi ndi yi ereba mbaril mborosola-ge, an-e kimin-et mbirimin-o. Kar-e anggun panggun ereba arem yubuksa mbugun pug-o. Kanduk arem kuwok pugun-et nde, kan-e nunggun pug-o. Angin worak nggok kebem mbuwa-t nde, konak nak woragun-o.

NDANIEL 6:27

An-nen tenagidnak wi worali nap oboksa yak kundusu-o. Ndaniel-nen erembel wanoso Mbal Pem Nagawan iri nak kek tak pogolat, indi aye worak wolmomtag-o. Nde, at iri-ge pem-et woralik nalik woraso Mbal Pem Nagawan-nen yusu-o. At-nen tenagidnak wi-ge lak yigit lak, pem irit wolma-o. At-nen tenagidnak wi-ge lak momtag-e meya-o. At amawi-ge mondok lag-e ma bug-o.

YIDNAK YIDNAK WENE 13:14

Alat nde, ir-e Perega-nen mborogolar-e, o Pisiria-nen Antiokia wi wok yiga-o. Wok lug-e, we woragwi tarem-e ir-e tepan yugwi ma nggwigarik kore yiga-o.

YIDNAK YIDNAK WENE 13:45

Ndok worogola-ge, it Yawuri nap-nen ap kwarat ndok wiridnak karug-e, enlengen ale yogolat-nen Paulus-nen yidnak wene eyak worogolat, mbilaro ngin tak piga-o.

YIDNAK YIDNAK WENE 14:8

Nde, o Listera iri me-ge ap mbi ndesa mbosolat-net ijok nggorak ndesa mbidnak me, erambet tu noso buk, koreyak nak woraso irit woragaij-o.

YIDNAK YIDNAK WENE 20:19

Yawuri nap-nen an nuruwokluk yogolat-nen anggun panggun tak nibiga-t nde, nindi teberak pem-et yip lengen min-et Nagawan Indo ndegel posolat woragi-o.

YIDNAK YIDNAK WENE 23:10

Yuruk, it nak perang yogola-ge, ”It-nen Paulus iri pok tak puwa-o” perasolug-e, san winde wari-nen san winde yak ondosolar-e: ”Mburugupndik, kit kenarong-nen it ennggendumu-nen mengga wanuruk, san winde nenma waruk mberer-o” luk yak indij-o.

YIDNAK YIDNAK WENE 26:17

Kat kelem nap ennggendumu-nen na irit, endam wirik kibimin nap enlem nin nap ennggendumu-nen na irit, kimiri yaga wok kirimin-o.

YIDNAK YIDNAK WENE 26:22

Alat nde, Mbal Pem Nagawan-nen yongga norosola me, yawo na an-e yu me mendak woralar-e, ap marik na irit, nggulok na irit oboksa kenggera yak undusu-o. Nde, an-nen kenggera yak ondoso wene iri-ge nin wene-ge lag-o. Are, Mbal Pem Nagawan ene lomboksa yugwi nap min Musa min-nen-e awo ma-net: ’Abog-e iri nggal-et kwaruwa-o’ luk yidnak wene-ge an-nen na iri na-t yusu-o.

YIDNAK YIDNAK WENE 9:16

Nde, an nunu bem ala, at ebem andi bandi mbumomtag-e an-net mirik ibimin-o” luk yak tij-o.

OROMA 15:31

An namanggim tepan yogolar-e, Yurea woragwi inndi angin tubu yigit lak nap ininggem-nen mengga keya nobosolat, yongga indidnak mende Yerusalem waruk mborosola, Mbal Pem Nagawan-nen len inpidnak nap-nen konag-et wanuwakluk tepan namanggim yurag-o.

2 KORINTUS 1:5

Nde, Kerisut ebem anggun panggun kwarat mbid na nggal-et nit nenpem mbusu-o. Nde, iri nggal-et Kerisut ebem-nen ninndi yangonoso mende kwarat tak nunpusu-o.

2 KORINTUS 1:7

Nit-nen anggun panggun kali mende kit na kali, nde, iri nggal-et nit ninndi yangunusu mende kit na kinndi yangunusu-t kali luk nenaru yili me, kit kenpem ninndi mbung mbung tak puruk tugup lak worali-o.

2 KORINTUS 12:10

Kerisut ebem-nen ndeyak yosolat na, andi bandi rak nobogola na, anggun worak mende nebem mbosola na, lel mberel nobogola na, siri mbosolat na, an-e nalen kaso-o. Nde, an ndeyak yosola, ereya na-net namawi yoso-o.

2 TIMOTIUS 4:7

An-e konak nak pong kil mbirigirik, kondok yil mburugwi sa wok yigi-o. Inndi angin tubu yugwi elem-e kwara parugu woragi-o.

2 PETERUS 2:9

Iri bem-e, Mbal Pem Nagawan-nen kwaroso nggal kwarugwi nap na it enarem woraga pil nggogola-nen inmiri yurag-e Nagawan Indo aru-o. Nde, lud tak nak kwarugwi buk nap enpem wene mbarurak tarem andi bandi rak unpuwakluk len unpurak na Nagawan Indo-ge aru-o.