2 TIMOTIUS 2:9 - Nanduk Ngget Tul Pidnak Wene

⁹ An-e aid wene yoso iri bem-net andi bandi kasolat, meya kwaroso nap nggal tak nuburuk, posid kere bem kamat niwidnak worasu-t nde, Mbal Pem Nagawan-nen yidnak wene perak kamarigit lag-o.

2 TIMOTIUS 2:9 ပူးပေါင်းရင်းမြစ်များ

LUKAS 23:32

Nde, it-nen waruk mborogolar-e, meya yugwi nap mberen Yesus imin wururak pem inmin mbiriga-o.

YIDNAK YIDNAK WENE 21:33

Mbogola-ge, wari na-ge Paulus eram wok yosolar-e, tenagaij-o. Tenaburuk, posid kere mberen lomboksa kamarer-o yak unduruk, kin wok onposolar-e: ”Ap yu-ge ta-o? Nde, ar-e no kwarij-o?” luk kin wok inpij-o.

YIDNAK YIDNAK WENE 28:31

at-nen para yosolar-e, Mbal Pem Nagawan-nen tenagaidnak wi wene na nggomo ondosolat, Nagawan Indo Yesus Kerisut owene na mirik onposolat worala-ge, ap-nen-e: ”Iri yusu-ge meyog-o” luk yak tigit lak yiga-o.

YIDNAK YIDNAK WENE 9:16

Nde, an nunu bem ala, at ebem andi bandi mbumomtag-e an-net mirik ibimin-o” luk yak tij-o.

EPESUS 3:1

Iri bem-e, enlem nin nap kit kenmanggim-e Kerisut Yesus ebem kere kamat nibidnak nap Paulus an-nen-e Mbal Pem Nagawan eram tepan yusu-o.

PILIPI 1:17

It erep iri-nen Kerisut owene yili iri-ge, it inndi mbek tak pem-nen yili-ge lag-o. Are, it ondomok kek momtak pem nak yogolat, o kubu me worala, anggun worak mende nebem puwokluk-nen yili-o.

PILIPI 1:7

An-e pempa pempa kit oboksa kenperasu iri-ge, kir-e an narem nggwidnak me, lud tag-et yebet keneyasu-o. Nde, an-e o kubu me worala-nen na, an-e aid wene na imiri alat, tugup lak tak peyekluk yosola-nen na, Mbal Pem Nagawan-nen we wok ondoso mende wok niridnak iri na-ge kir-e an nimin totno wanili-o.

KOLOSE 4:18

An nondomok ninggi-nen yu mbarusu-o: ”Paulus an-net wa yak kundusu-o.” An kere kamat nibidnak iri-ge yebet yebet tak wolmer-o. Mbal Pem Nagawan-nen we wok ondoso elem-e kit kinmin wolmag-o.

KOLOSE 4:3

Iri kwarogolar-e, nit-nen-e Kerisut owene kura wene aid wene iri-ge ap yak unduwok-nen Mbal Pem Nagawan-nen tu kuwara wok nunduwak-nen nit nenmanggim na tepan yogolat wolmer-o. An-e wene iri bem-nen kere kamat nibidnak worasu-o.

1 TESALONIKA 1:8

Nagawan Indo owene-ge kit kendam-nen wigak yosolar-e, Makeronia min Akaya min nak mbirigir-e lag-o. Are, Mbal Pem Nagawan ebem kinndi angin tubu yidnak wene-ge yi wi ndi wi wigak yij-o. Iri bem-e, nit-nen wene mbi yurag-e lag-o.

2 TESALONIKA 3:1

Nde, nenggamirak wa-e. Nit nenmanggim tepan yogolar-e, Nagawan Indo owene na-ge kit kennggendumu-nen kwat yid na nggal-et ndag-et nak wigak yosola, kek tak puwakluk, tepan yogolat wolmer-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

2 TIMOTIUS 1:16

Pempa an nindi kondok tak posolat woraidnak me, Nagawan Indo-nen-e Onesiporus ama woragwi nap inmin-e unpud kasolat wolmag-o. An-e o kubu me worasu yu bem-e Onesiporus na inggiri kagit lag-o.

2 TIMOTIUS 1:8

Iri bem-e, nit Nenagawan Indo-nen yidnak wene ap yak ondosolar-e, kinggiri yurak pug-o. Nde, at ebem-nen an o kubu me nibil nggwidnak me, an nebem-nen na kinggiri yurak pug-o. Are, Mbal Pem Nagawan-nen amawi wok korosola, aid wene bem lel mberel kobogola, andi kasolat wolmomtag-e ob-er-o.

2 TIMOTIUS 2:3

Kar-e Kerisut Yesus uwim tomboroso nap konak nap yosolar-e, kat na andi bandi-t kudtak ob-o.

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 PETERUS 2:14

meya kwarugwi nab-e enpem wene mbarogolat, nde, konak kwarugwi nab-e entembel wanogolat makluk, Kaisat-nen ese mendak inpidnak nap iri na iri enne kulurag-o.

1 PETERUS 3:16

Alat nde, kinndi yanggonak, teberak pem-net kit kinndi mbek tak woragolat-nen wene onggo yurag-o. Iri kwarogola-ge, kir-e Kerisut ebem woragolat-nen konak nak kwarugwi me, kit konpok pili nap na innggiri ma-o.

1 PETERUS 4:15

Kit kennggendumu ap misiger-o luk tet ap wiridnak pem ala na, yariya wanidnak pem ala na, meya kwaridnak pem ala na, ap onowene abare lombok tidnak pem ala na, andi bandi kudtag-e meya-o.