2 TIMOTIUS 2:5 - Nanduk Ngget Tul Pidnak Wene

⁵ Keyari poso nap-nen keyari posolar-e, keyari pogolat-nen kwarugwi ndak ndag-et kwaridnak pem-net ombol nggwe yoso-o.

2 TIMOTIUS 2:5 ပူးပေါင်းရင်းမြစ်များ

LUKAS 13:24

”Tumende mboronggo iri me nggurak pem-e kenmawi ler-o. An yak kendeyeg-o. Ap kwarat-nen-e ngguwokluk yuwa-t nde, nggurag-e meya ma-o.

PILIPI 1:15

It erep-nen Kerisut owene yili iri-ge enlengen ale min an-nen yidnak wene eyak wuruwokluk-nen yili-t nde, it erep-nen-e inndi mbek tak pem-et Kerisut owene yili-o.

KOLOSE 1:29

Iri kwat unpurak pem an-e namawi min-et yabu wok tenak woralar-e, Kerisut-nen wok niridnak amawi kwarat iri na bem-nen yabu wanusu-o.

IBERANI 12:4

Kir-e meya yogolat woragwi mende imin wim pogolar-e, awo keneyabi wirik pigit lag-o.

IBERANI 2:7

We mariget tarem nak kat-nen-e nggweyak ma nab-e aid nap indipma nggal tak pigen-o. Nde, kat-nen nagawan tak posolar-e, kek tak ibigen-o.

IBERANI 2:9

Alat nde, nir-e Yesus kali-o. Nde, Mbal Pem Nagawan-nen we wok ondoso elem pem ap oboksa enmanggim wat makluk Yesus iri-ge luru nak aid nap indipma teberak ibij-o. At andi bandisa wat yid iri bem-e yawoge ar-e nagawan nggulok kek tak pidnak irit kali-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

1 PETERUS 5:4

Iri kwat yugup pem-e, Lomba Wam Winde Kek tak na lobok yosolar-e, abinal lak momtak puk wirik irit wanugub-o.

NAM PARA WENE 2:10

Kit andi bandi rak kunpurak yanem-et kenpem mbuma mende iri-ge kir-e kwiye kudtak pug-o. Kenaru wolmer-o. Kinndi ngaruwakluk, kit kennggendumu ap ereb-e Sere-nen o kubu me kinpil ngguwa-o. Kinpil ngguwama, andi bandi kagolat sepulu tarem woragub-o. Nde, kinndi angin tubu yigep na-ge keya bigit lak, tena iri-net wat yurag-o. Iri yugup pem-e kit-nen ombol nggwe yugup onggo-ge kunlug-et wolmomtak wirik wok kindimin-o.

NAM PARA WENE 3:11

An-e ndag-et nak lobok yimin-o. Nde, kit-nen ombol nggwe yidnak pem onggo wok kundurak mende na nin nap-nen mengga wanuwa naru, kit-nen wanigep mende iri-ge puksa tena wolmer-o.

NAM PARA WENE 4:10

it enne kulugwi nap dua pulu empat (24) iri-nen-e nagawan koreyak woraso ondoro ebem koreyak worasu na eralu tud luk, urug-et pem woralik nalik wolma nap na erembel wanugwi-o. Iri luk, ontopi nagawan-nen pugwi pago ereba na-ge at koreyak woraso ondoro urugwe nggwe yonggora mbo bogolat-nen yogolar-e:

NAM PARA WENE 4:4

Nde, nagawan koreyak woraso ondoro iri eralu inggi inggi-ge nagawan-nen koreyak woragwi ondoro dua pulu empat (24) iri na bem-e ap enne kulugwi yok nggok dua pulu empat (24) unsum-e loro yirik, enanggul pem-e emas-nen konidnak nagawan-nen yurugwi topi pago, koreyak eneyagi-o.