2 TIMOTIUS 2:25 - Nanduk Ngget Tul Pidnak Wene

²⁵ wene eyak wurugwi nab-e indi yangonak pem-net tu mirik onposolat mag-o. Iri kwarosola-ge, Mbal Pem Nagawan-nen it inndi kondok yurak tarem wok ondosola, kondok yogolat, ndemeret wene na enaru yogolat nde ma-o.

2 TIMOTIUS 2:25 ပူးပေါင်းရင်းမြစ်များ

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

YESKIEL 36:26

An-nen-e kinndi masa ngget tak posolat, kit-nen yebet kagwi min ngget tak posolat kwarimin-o. Nde, kit kinndi amawi kerep nggal iri na ondolma-ge, yidnak yidnak kwarugwi inndi wok kindimin-o.

YESKIEL 36:31

Kit-nen-e kit kenpage meya kwarugwi min kit-nen lugud tak kwarugwi min ereba na kinndi-ge yebet kagolug-e, kit-nen meya kwarugwi min meya emben to rak mende kwarugwi ereba na min kit kondomok kenambikpebe yik karug-e, sok wururak nggal yugub-o.

MATIUS 11:29

An-nen yidnak yidnak nak kwarogolat, an-nen kwaroso na mul kora yer-o. An-e ap yanggonak, nindi teberak nak woraso me, kit kinndi yamuk ma-o.

MATIUS 21:32

Yoanes na kendam lobok yarig-e, lud tak nak kwarugwi tula mirik kinpij-et nde, kit-nen-e at-nen yidnak wene na bem kinndi angin tubu yigit lak yigeb-o. Alat nde, it pemerinta enmanggim tol ndok wurugwi nap min terak ye inpil nugwi kwami min it perak nde at-nen yidnak wene na bem inndi angin tubu yogola, kit-nen kaigeb-et nde, kinndi nden karuk at ebem kinndi angin tubu yurag-e larok yigeb-o” luk yak indij-o.

MARAKUS 1:15

it yak ondosolar-e: ”Mbal Pem Nagawan-nen tenagaidnak wi kwat momtak tarem-e abu wok yusu-o. Kit meya yidnak keya buruk, kondok yogolat, aid wene bem kinndi angin tubu yogolat wolmer-o” luk yak indij-o.

YOANES 5:34

Nde, kit nap-nen an nowene kunggururak iri-ge an-e nimbir-o. Are, kit kinmiri yaga wanobokluk-nen wene yu-ge yusu-o.

YIDNAK YIDNAK WENE 11:18

Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.

YIDNAK YIDNAK WENE 2:38

Yogolikma-ge, Peterus-nen it yak ondosolar-e: ”Kondok yer-o. Kit meya yogolat woraidnak lak tak puwakluk, kenarik tak Yesus Kerisut unu bem yi ma konpogola-ge, Konak Indi-ge onggo lag-et we irit wanugub-o.

YIDNAK YIDNAK WENE 20:21

Yawuri nap na irit, Yunani nap na irit, Mbal Pem Nagawan imin kondok yuwakluk wene kenggera yak ondosolat, nin-nen idnak Nagawan Indo Yesus Kerisut ebem inndi angin tubu yuwakluk, wene yak ondosolat woragi-o.

YIDNAK YIDNAK WENE 5:21

Yak ondosoloma kuluruk yigarig-e, kuplilasa-net Mbal Pem Nagawan ama nggwigarik, ap nggomo ondogolat woraiga-o. Yak ondogolat woragola-ge, tepan ombo nagawan min at ene kulugwi nap min-nen-e wene mbarugwi nap min Isarael nap ogore yidnak nap oboksa yonggo unpuruk yigarig-e, ”Wirik inpidnak nap na o kubu me-nen wok unpuruk lobok yurag-o” luk yiga-o.

YIDNAK YIDNAK WENE 5:31

Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.

YIDNAK YIDNAK WENE 8:22

Iri bem-e, kat meya kwarigen yu keya buruk kondok yosolat, kat kindi-nen peraidnak yu-ge amberam tak puwakluk, Nagawan Indo emengen mbari-o.

NGGALATIA 6:1

Nowe nowosi wa-e. Ap misik-nen meya mbi kwarosola-ge, Konak Indi kenarem woraso nap kit-nen-e ap iri na konak tak uburag-o. Konak tak obogolar-e, kinndi yangonak pem-et kwarugup na-e. Kit na iri nggal-et kinndi ngaruwa-o luk, kit kondomog-et kwara pil pel tak puruk wolmer-o.

1 TIMOTIUS 2:4

Ap pidsa inmiri yosolat, lud tak nak kwarugwi elem iri na enaru yogolat yurag-e Mbal Pem Nagawan indi-nen perasu-o.

1 TIMOTIUS 6:11

Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.

2 TIMOTIUS 3:7

Kwami iri-nen-e ”Mul nender-o” luk kundugu nggi renak worali-t nde, ir-e ndemeret wene iri-ge kwara enaru yili bug-o.

TITUS 1:1

Mbal Pem Nagawan ndegel oboso nap, Yesus Kerisut-nen idnak wirik nibidnak nap Paulus an-nen mbarusu-o. Mbal Pem Nagawan-nen len inpidnak nap inndi angin tubu yidnak na elem yabuwakluk, nit mul nindidnak aid wene, ndemeret wene iri na mul unduwakluk, an len nuburuk, wirik nibid irir-o.

TITUS 3:2

Ap onpok purak pug-o. Yuk puk na mburak pug-o. Are, yanggonak konak nak woragolar-e, ap pidsa inmin-e pempa nanggau kanggau wolmer-o” luk yak indi-o.

YAKOBUS 1:17

We wok ondoso mende konak iminep mbarak oboksa iri-ge teram nggwe-nen mberak pil mbuwasu iri-ge aid arem worasu yaya elem ndak worak pidnak Mbal Pem Nagawan-nen pil mbuwaso-o. Nin yoso buk Mbal Pem Nagawan-e nden karuk, lumurak nonposo buk-nen yusu-o.

1 PETERUS 3:15

Are, kit kinndi arem-nen-e Kerisut na kek tak pogolat, kit-nen idnak Nagawan Indo rak pogolat wolmer-o. Ap-nen-e: ”Kir-e no bem kinndi mbung mbung tak worali-o?” luk kin wok konpogola, wene na onggo yak undurak pem kir-e lid lud tak puruk wolmer-o.

1 YOANES 5:16

Ap mbi-nen at anggam aid wene wanidnak nap an-nen at lak tak uburak puk mende meya misik kwarosola-ge, Mbal Pem Nagawan-nen-e ap na urug-et wolmomtak elem wok tuwakluk anggam na amanggim tepan yuwag-o. Yu nggal kwarurak iri-ge it lak tak unpurak puk mende meya mbi kwarogola nak-nen kwarurag-o. Alat nde, it lak tak unpurak mende meya mbi kwarosoma-nen enmanggim tepan yurak yak kundusu-ge lag-o.