2 TIMOTIUS 2:24 - Nanduk Ngget Tul Pidnak Wene

²⁴ Nagawan Indo ndegel poso nap-nen-e ngguno purag-e meya-o. Ap pidsa inmin-e yeget ndeget yosolat, ap mul ondoso aru nap yosolat, mamak poso nap yosolat,

2 TIMOTIUS 2:24 ပူးပေါင်းရင်းမြစ်များ

YESAYA 40:11

Ar-e wam yik karok woragwi nap-nen kwarugwi nggal wam kwarat ereba na kwara ndogorosolat, at ondomok-net ndak wat unpuwa-o. Lomba amarik ereba na-ge aringmu rak puruk, ija-ge yanggosa-t kona suluk mburuwa-o.

NDANIEL 6:20

O kil posola, Nagawan Ndarius na-ge men luk, ndag-et nak mberarik, mbun iri na me wok yil mbirij-o.

MATIUS 12:19

Alat nde, at-nen-e eyak witlik, ene nggwa na yuwa bug-o. Tula nggwe-nen na at ene mbi kuluwa bug-o.

YOANES 6:52

Iri yosoloma-ge, Yawuri nap-nen ngguno pet kerak mbogolar-e: ”At yu-ge nggesa-nen at ebe nujwakluk at ebe wok nundurak yusu-o?” luk yiga-o.

YIDNAK YIDNAK WENE 15:2

Alat nde, Paulus min Mbaranabas min na-nen ap ereba na inmin ngguno kwarat pogolat, wene mbal tenak woragola karug-e, it-nen Paulus min Mbaranabas min Antiokia woragwi nap erep min lenak unpuruk, yak ondogolar-e: ”Kir-e Yerusalem lagupndig-e, wene yu-ge wirik inpidnak nap min ogore yidnak nap min inmin konurag-o” luk yak indiga-o.

YIDNAK YIDNAK WENE 23:9

Alama-ge, kwarat laga mbaga yogola-ge, Parisi nap-nen idnak engga enaru nap erep men luk-nen panggoksa yogolar-e: ”At yu ebem-e meya mbi mariger-o luk ter-e kali bug-o. Indi ala na aid nap ala na-nen wene yak tid, lak?” luk yiga-o.

YIDNAK YIDNAK WENE 7:26

Nene luk kub-e, at-nen yik kagaidnggal-e, Isarael nap nak mberen yig pukmu eneyaruk, it iri lambuk tak enpeyekluk-nen yak ondosolar-e: ’Nenggamirag-o. Kit nak kit nak yu-ge noluk-nen wat kerak mbili-o?’ luk yak indij-o.

2 KORINTUS 10:1

Paulus an-net yanggonak pem-et nggomo kundusu-o. Kinmbiri bem-nen-e namawi min nggomo kondoso bug-o luk nobok pili-t nde, erepma woralat-nen-e kwiye lag-et yak kondoso an-e Kerisut yemnak indi luruk puruk woraso bem-net wene yu yak kundusu-o.

2 KORINTUS 10:4

Nit wim tumburuwokluk nensan wanili iri-ge, nggweyak ma nap-nen wim pugwi san nggal-e lag-o. Are, kerep pak ndamoroso san-e Mbal Pem Nagawan amawi-net yusu-o.

2 KORINTUS 6:4

Are, yi mende ndi mende bem nir-e ndemeret Mbal Pem Nagawan ndegel ubugwi nap nenpage-t neneyujwaklug-e, andi bandi kagolat na, angin worak mende nenpem mbosola na, ninndi kabak ala na, nir-e ninndi kwara luruk puruk woragwi-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

EPESUS 4:2

Kir-e pempa kinndi teberak woragolat, kinndi yanggonag-et woragolat, kinndi luruk puruk woragolat mer-o. Nabuwa kabuwa woragwi na nam tak pogolar-e, yongga yongga wolmer-o.

TUGURUK YIDNAK WENE 34:5

Iri lug-e, Nagawan Indo-nen awo ma-nen yid iri na ndak ndag-et Nagawan Indo ndegel oboso nap Musa na-ge Moap iri me-t wat yij-o.

PILIPI 2:14

Yi kwatlik ndi kwatlik kwarogolar-e, ujwagujwa yogolat, ngguno pebe yogolat momtak pug-o.

PILIPI 2:3

Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

KOLOSE 3:13

Kit na kit-net kennggam imin mamak puruk woragolat, kit meya rak kinpidnak mbi worala-ge, ”Wiwa-o” luk yak kerak mbogolar-e, lak tak pogolat wolmer-o. Nagawan Indo-nen kit meya yidnak amberam tak pid nggal, kit-nen na iri nggal-et nin nap-nen meya rak kinpidnak mondok kenmberam tak per-o.

1 TESALONIKA 2:7

Alat nde, nir-e kinmin woragolar-e, iniyarak-nen inlirag-e yanggonak nak enparugu woragwi nggal, nir-e iri nggal-et kit kinmin-e ninndi yanggonak irit woraige-o.

1 TIMOTIUS 6:11

Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.

TITUS 1:1

Mbal Pem Nagawan ndegel oboso nap, Yesus Kerisut-nen idnak wirik nibidnak nap Paulus an-nen mbarusu-o. Mbal Pem Nagawan-nen len inpidnak nap inndi angin tubu yidnak na elem yabuwakluk, nit mul nindidnak aid wene, ndemeret wene iri na mul unduwakluk, an len nuburuk, wirik nibid irir-o.

TITUS 1:7

Lambuk tak inpidnak nap yik eneyarok woraso nab-e Mbal Pem Nagawan eyabu winde me, mondok ebem ambut lak irit wolmomtag-o. At iri-ge at ambikpebe kek yoso buk nap, ndag-et nak isilepma yoso buk nap, anggut engen amburu ndonggosa nok tenak woraso buk nap, yig na poso buk nap, silobulo na terak mena wanoso buk nap,

TITUS 1:9

At iri na-ge at mul tidnak ndemeret wene na puksa tena worasolar-e, ndemeret wene na bem-et ap kwara nggomo ondosolat, at imin eyak wurugwi nap-nen lugud tak yugwi wene na nam tak posolat ma-o.

TITUS 3:2

Ap onpok purak pug-o. Yuk puk na mburak pug-o. Are, yanggonak konak nak woragolar-e, ap pidsa inmin-e pempa nanggau kanggau wolmer-o” luk yak indi-o.

YAKOBUS 1:1

Mbal Pem Nagawan min Nagawan Indo Yesus Kerisut min ndegel onposo nap Yakobus an-nen kit Yawuri nap kenlem duabelas ap ennggendumu nat karuk worali na wiwa-o yak kundusu-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

YAKOBUS 4:2

Kir-e yi mende ndi mende ukwe yili-t nde, wanigit lak ala-ge, ap undurak yili-o. Kit kindingen mende wanurak yidnag-et nde, meya yosola-ge, kir-e yuk puk mbogolat, yig nggogolat yili-o. Kir-e Mbal Pem Nagawan ebem nggi yili buk me, yi mende ndi mende mbi wanili bug-o.

YOSUA 1:1

Nagawan Indo ndegel oboso nap Musa iri na wat yamu-ge Musa indipma Nun ambara Yosua imin wene yak tosolat-nen

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

YURAS 1:3

Nanggamirak kenabuwa worak wa-e. Nit totno ninmiri yidnak wene iri na engga kenmanggim mbareyekluk yosoma-t nde, an nindi-nen perasolar-e: Lag-o. Yawo-ge Mbal Pem Nagawan-nen at winde nap mondog-et wok indidnak inndi angin tubu yugwi wene na amanggim kenmawi kondogolat wolmer-o luk nggomo kundurak wene engga bem mbal kundurak perak nde nggulog-o luk peragi-o.