2 TIMOTIUS 2:2 - Nanduk Ngget Tul Pidnak Wene

² Ap kwarat inmbiri bem an-nen nggomo kirigi na-ge kat-nen na iri nggal-et mot mor-et kwarugwi nap enpem posola-ge, it-nen na iri nggal-et nin nap mul unduwaklug-e, yak ondosolat wolmin-o.

2 TIMOTIUS 2:2 ပူးပေါင်းရင်းမြစ်များ

ESERA 7:10

Nde, Esera-nen-e Nagawan Indo-nen ”Irit kwarurag-o” yidnak wene min it-nen kwat tenak woragwi wene min oboksa iri na at-nen kwarosolat, ereba na Isarael nap mul ondosolat kwarurak pem-e Nagawan Indo-nen idnak imiri mbarak pidnak engga iri na-ge mondok kwara-t mbenarosolat woraso-o.

ESERA 7:25

Nde, kat Esera-nen-e Mbal Pem Nagawan-nen indi nggat nggat elem wok kirid iri na bem-net kwarosolar-e, o Eperat iri me mo mboso (barat) nggwe worali nap oboksa kat Kembal Pem Nagawan-nen idnak imiri mbarak pidnak wene ereba na ndak ndak kwarugwi nap ereba na tena unpuruk wolmakluk kat-nen-e ennggendumu enne kulurak nap lenak onposolat, enpem wene mbenarugwi nap lenak onposolat kwarurag-o. Nde, kat-nen-e imiri mbarak pidnak wene ereba na enaru buk nap ereba-ge mul undurag-o.

NDAWI ENGGA 101:6

Mbal Pem Nagawan-nen yidnak yidnak tugup lak kwatli nab-e nindingen eneyasu-o. It iri-ge an nama wolmomtag-e ndak-net yusu-o. Ap enpem kopkap lak woragwi nap-nen-e an ndegel nuburag-e ndag-o.

NGGOMO WENE 13:17

Wirik ibil lobok yidnak nap nari wari rak iri na-nen-e enare purak sa mberak onposo-o. Alat nde, wirik ibil lobok yidnak nap enmberam laso buk iri na-nen-e kona lambuksa woragwi rak poso-o.

YEREMIA 23:28

Nde, an nene lomboksa yoso nap-nen nabi kasolug-e, ’We nabi kagi-o’ luk yurag-o. Nde, an-nen wene enpem pidnak nap-nen-e enpem pidnak ereba na-t ndemeret yak undurag-o. Nggandum mbato-ge ariwak min ndak ndak tak purag-e meya-o.

MALEAKI 2:7

Ndemeret tepan ombo-nen kwarurag-e Nagawan Indo Mondok Kek tak an nowene ndemeret mot mor-et ap mul ondogolat wolmomtak irir-o. Nde, it iri-ge an-nen wirik inpil lobok yidnak me, ap-nen-e an nindi-nen pidnak wene-ge it irit kin wok onpogolat wolmomtag-o.

WONARIDNAK WENE 12:7

Alat nde, ndegel noboso nap Musa iri imin-e iri nggal kwarusu bug-o. At iri-ge an nelem nap yu ennggendumu-nen-e mondok ludtak mot mot kwaroso nap-nen yusu-o.

MATIUS 13:52

Yogolikma-ge, at-nen it yak ondosolar-e: ”Iri ala-ge, engga aru nab-et nde, Mbal Pem Nagawan-nen tenagaidnak wi wene wanoso nap kwat yosolar-e, o winde-nen at-nen ndok worak poso sa iri arem-nen at arengge ngget mende nde obi mende nde wirik poso iri nggal-nen yusu-o” luk yij-o.

MATIUS 24:25

Kwara kinndi yebet ker-o. Awo kwarigit lak ma-net yak kindigi nar-o.

LUKAS 12:42

Yosoloma-ge, Nagawan Indo-nen at yak tosolar-e: ”Mot mot kwaroso, indi nggat nggat worak ndegel oboso nab-e ta nde kali-o? Eid iri nin sa mbereyeklug-e, iri yidnak nap-nen-e yi mende ndi mende lid lud tak puwakluk, at inggem posolat, ndegel ubugwi nap ereb-e norak tarem wok yosola, nunggwi mende mak unduwakluk, at inggem posolat ma nap iri-nen yusu-o.

1 KORINTUS 4:2

Nde, ap insilobulo inggem pidnak nab-e mot mot nak kwaroso irit mag-o.

2 KORINTUS 2:14

Alat nde, nir-e Kerisut ebem ombol nggwe yurak tulabiyem at-nen pempa wok nunpuruk mburusu bem-e Mbal Pem Nagawan wa yak tuwog-o. Emben konak mende wigaril mboroso nggal, Kerisut enaru yurak emben konak iri-ge nit nenpem nggwe-nen nin me nan me wigaril mburusu-o.

2 KORINTUS 3:5

Nit nondomok nenmawi bem-nen nit nenambik neneyabu nggal yabu yu wanili bug-o. Mbal Pem Nagawan at-net yabu wanurak nenpem tak poso-o.

KOLOSE 1:7

Aid wene iri-ge nit nennggam abuwa worak, nit nenmanggim Kerisut eyabu-ge mot mot nak wanoso nap Epaparas-nen mirik kinpid nar-o.

1 TIMOTIUS 1:12

An-nen at eyabu yu wanuwakluk amawi wok nirid Nenagawan Indo Kerisut Yesus-nen-e at ndegel uburak pem ar-e ndak-net yusu-o luk neberaidnak pem an-nen wiwa-o yak tusu-o.

1 TIMOTIUS 1:18

Nambara Timotius wa-e. Mbal Pem Nagawan ene lomboksa yugwi nap-nen kat-nen kwarurak urul pidnak iri na yebet karug-e, ndag-et kwarugun kagi luk, an-nen yabu yu kebem pusu-o. Kat kurul pidnak wene iri bem-nen kamawi kondosolar-e, konag-et wim mbarosolar-e,

1 TIMOTIUS 4:14

Konak Indi-nen we wok kiridnak mende iri-ge kar-e liring liring tak purak pug-o. Nde, we wok kiridnak mende iri-ge lambuk tak inpidnak nap-nen idnak ogore yidnak nap ininggi kanggul pem piga tarem-nen ”At iri nggal kwaruwa-o” luk kurul pidnak tarem-nen wok kirid nar-o.

1 TIMOTIUS 4:6

Kat-nen nde wene yu pidsa nennggamirak mul ondosola-ge, Kerisut Yesus ndegel oboso nap konak irit kwat yugun-o. Kwat yosolar-e, ninndi angin tubu yidnak elem iri-nen na, kat-nen yawo woralat langgal luk mburusu wene owak iri-nen na kat kindi umut nduruwa-o.

1 TIMOTIUS 5:22

Mbal Pem Nagawan eyabu wanuwaklug-e, mija lele ap enanggul tenagurak pug-o. Nin nap-nen meya yidnak arem kat tet nggurak pug-o. Are, kwara ndegel korasolat, mbek tak irit wolmin-o.

1 TIMOTIUS 6:12

Kindi angin tubu yidnak wim-e konag-et tomborosolat wolmin-o. Iri kwarosolar-e, unlug-et woralik nalik momtak elem wanugun-o. Kar-e ap kwarat inmbiri bem-et ”Nindi angin tubu yigi-o” luk kinggirigen tarem-e Mbal Pem Nagawan-nen unlug-et woralik nalik momtak elem wok kururak pem wene mbo kibid irir-o.

2 TIMOTIUS 3:10

Alat nde, kar-e an-nen mul ondoso min an-nen woraso nebage min an-nen yebet karuk kwaroso min an nindi angin tubu yidnak min an-nen mamak puruk woraso min an-nen ap enabuwa kaso min an-nen tugup lak woraso min

2 TIMOTIUS 3:14

Alat nde, kar-e ndemeret wene mul korosola, kuluruk ndemerer-o luk wanigen wene iri-ge tena wolmin-o. Kat mul kiriga nap kar-e karu-o.

IBERANI 2:17

Iri nggal yosolar-e, at-nen-e at owosirak enpage lid ludsa irit mondok kwat agaij-o. Iri kwat yid iri bem-e Mbal Pem Nagawan ndegel obosolar-e, owosirak entepan ombo kek tak mot mot nak yoso min unpud kwarat kaso min eyekluk-nen iri kwat yid iri-ge ap pidsa-nen meya yidnak na lak tak peyekluk-nen yij-o.

1 SEMUEL 2:35

Iri luk ombol nggwe-ge an-nen tepan ombo mondok tugup lak, an-nen yidnak yidnak oboksa kwaruwa nap misik lenak pimin-o. At-nen wigarag-e tepan omborak unpumu, tepan ombo-nen wanugwi yabu wanogolar-e, nagawan an-nen lenak inpimin ereba na endam yabu pempa wanogolat wolma-o.