2 TIMOTIUS 2:18 - Nanduk Ngget Tul Pidnak Wene

¹⁸ It iri-ge ndemeret wene na lugud tak pogola-nen mul ondogolar-e: ”Ap unluk momtak tarem-e abu kwat yamu-o” yogola-ge, ap erep inndi angin tubu yidnak na lak tak pili-o.

2 TIMOTIUS 2:18 ပူးပေါင်းရင်းမြစ်များ

MATIUS 15:13

Yogolikma, Yesus-nen wene erep nggarosolar-e: ”An Neid aid arem woraso-nen uwi yakit lak mende iri-ge emengen min-et kunuwa-o.

MATIUS 22:29

Yogolikma-ge, Yesus-nen wene erep nggarosolar-e: ”Kir-e Mbal Pem Nagawan engga mbarak iri kenaru buk, Mbal Pem Nagawan amawi na kenaru buk yili me, kir-e mondok kabak yili-o.

LUKAS 8:13

Nde, kerep mborok ma mbid uwi iri na nggal-e aid wene kulurug-e, enalen min-et wanurug-et nde, wene-ge it enarem kwara uwi yak yigit lak me, marig-et nggal inndi angin tubu yidnak me, abok nggwe it inndi ngaroso mende enpem mbosola-ge, keya bili nap iri nggal-nen yusu-o.

YIDNAK YIDNAK WENE 5:39

Alat nde, wene iri-ge Mbal Pem Nagawan indi-nen pidnak alar-e, kit-nen-e it lak tak unpugub-e mondok lag-o. Nde, abok-nen-e kir-e Mbal Pem Nagawan imin wim pidnak nde kwat ma-o” luk yij-o. Yosoloma-ge, at-nen yidnak wene iri na-ge waniga-o.

1 KORINTUS 11:19

Nde, mot mot nak kwarugwi nap iri yenggerak iniyujwaklug-e, kit kennggenggerag-e kuri-t wat yusu-o.

1 KORINTUS 15:12

Nde, nit-nen yogolar-e: ”Kerisut iri-ge wat yidnak ennggendumu-nen uruk agaij-o” luk yili na-t nde, kit erep-nen-e ngge luk-nen: ”Wat yidnak nab-e unluk yugwi bug-o” luk yili-o?

KOLOSE 3:1

Kir-e Kerisut imin kunluk tak pidnak me, teram woraso mende nak kore yer-o. Teram iri me-ge Kerisut-e Mbal Pem Nagawan inggi kigit nggwe koreyak worasu-o.

1 TIMOTIUS 1:19

kindi angin tubu yidnak min karem mbek tak pem min-et wim mbarosolat wolmin-o. Ap erep-nen-e it inndi konak yebet kagwi na-ge keya buruk, it inndi angin tubu yidnak na-ge lak tak piga-o.

1 TIMOTIUS 6:10

Yi meya ndi meya pidsa elem-e uwang nak ukwe ukwe yugwi irir-o. Ap erep-nen-e uwang langgal luk mborogolar-e, it inndi angin tubu yidnak na-ge kabak tak puruk, it inndi andi bandi rak purak mende kwarat ondomok enpem pugwi-o.

1 TIMOTIUS 6:21

Nde, ap erep-nen-e: ”Mondok enaru yugwi mende iri-ge wanigi-o” luk yogolar-e, inndi angin tubu yidnak keya buruk, lugud tak nggwe mbitli-o. Mbal Pem Nagawan-nen we wok ondoso elem-e kinmin wolmag-o.

2 TIMOTIUS 2:14

Wene yu-ge kweyap yeberak inpi-o. Mbal Pem Nagawan imbiri bem-et kene amawi min-et yak ondosolar-e: ”Yi wene ndi wene bem-e ngguno purak pug-o” luk yak indi-o. Iri kwarugwi iri-ge ebe lak wene kulili nap iri na inndi kabak tak unpurak wene-nen yusu-o.

TITUS 1:11

Ap iri nggal yugwi iri-ge mondok enmende nggulurag-o. It-nen mul undugwi yugwi buk wene iri bem-nen-e ap kwarat onkwe la ndomok inmin nari wari rak inpili-o. Nde, it iri kwarugwi iri-ge uwang lesa terak mena wanurak pem-nen iri yili-o.

IBERANI 3:10

Iri ala karuk, an-e it inmin nisilepma luk-nen yosolar-e: ’It inndi-ge pempa pempa mborok tak nggwe nak peragolar-e, it-nen-e an nurula-ge enaru buk nak woragi-o’ luk yigi-o.

YAKOBUS 5:19

Nanggamirak wa-e. Kit kennggendumu ap mbi-nen ndemeret wene na keya buruk, nin tula mburuwa-t nde, ap mbi-nen tuguruk nden yaga ibil lobok yosola-ge,

1 YOANES 2:19

Kerisut imin sirid nap iri-ge nit ninmin woragwi na-t nde, ndemeret ninmin kundigit lak me, keya nunpuruk mbiridnak nap-net yili-o. It nde nit ninmin kundik nap nggal-nen-e ndemeret nit ninmin woraleb-o. It iri-ge ap misiger-o luk tet nit nab-e lag-o luk yenggerak puwakluk, nit keya nunpuruk mbiriga-o.