2 TIMOTIUS 2:16 - Nanduk Ngget Tul Pidnak Wene

¹⁶ Nde, ebe lak meya wene iri-ge keya bi-o. Iri mende wene-nen-e ap meya elem nak ijak wat yoso-nen yusu-o.

2 TIMOTIUS 2:16 ပူးပေါင်းရင်းမြစ်များ

ESERA 10:10

Nde, tepan ombo Esera iri na-nen yosolat-nen it yak ondosolar-e: ”Kir-e meya kwarogolar-e, elem nin kweyap ereba na wanogolar-e, Isarael nap ennggendumu meya kwarat ligik pili-o.

1 KORINTUS 15:33

Kenambik konmbol pem lali-ge meyog-o. ”Meya kwarugwi nap inmin totno are kondogolar-e, enpage konak kwarugwi na-ge lak tak poso-o.”

1 KORINTUS 5:6

Kit-nen kek yili iri-ge meya-o. Oroti lomboroso mende marik komosa-t nde, oroti enggendumu posoma, oroti pidsa lumburusu iri-ge kir-e kenaru bug-a?

1 TIMOTIUS 1:9

Wene yu kwara yebet ker-o: Imiri mbarak pidnak wene iri-ge lud tak nak kwarugwi nap enmanggim yidnag-e lag-o. Are, wene kuruk tugwi nap min Mbal Pem Nagawan ene kulugwi buk nap min Mbal Pem Nagawan enaru buk nap min meya kwarugwi nap min Mbal Pem Nagawan indi-n pidnak kwarugwi buk nap min aid wene enaru buk, it inndi-n pidnak nak kwarugwi nap min ineid iniya undugwi nap min ap undugwi nap min

1 TIMOTIUS 4:7

Alat nde, konmborak-nen yugwi wene lom ebe lak mende meya iri keya bi-o. Keya buruk, Mbal Pem Nagawan indi-n peraso kebage iri wanurak pem wal kasolat wolmin-o.

1 TIMOTIUS 6:20

Timotius wa-e. Kat kebem pidnak mende iri-ge kwara parugu wolmin-o. Nde, ebe lak wene min Mbal Pem Nagawan indi-n peraso buk wene min enaru yugwi mende-o luk yidnag-et nde, iri wene lit lit eyak wat kerak mbugwi wene min erep tenagurak pug-o.

2 TIMOTIUS 2:14

Wene yu-ge kweyap yeberak inpi-o. Mbal Pem Nagawan imbiri bem-et kene amawi min-et yak ondosolar-e: ”Yi wene ndi wene bem-e ngguno purak pug-o” luk yak indi-o. Iri kwarugwi iri-ge ebe lak wene kulili nap iri na inndi kabak tak unpurak wene-nen yusu-o.

2 TIMOTIUS 2:21

Ta-nen nde at meya yidnak keya buruk, at ondomok mat korasu nab-e nggok sakwi tarem-nen wanugwi piring nggal kwat ma-o. Piring iri ombo-nen arengge indi kundik woraso kwat luk, konak mende pidsa kwarurak lid lud tak pidnak piring nggal kwat ma-o.

2 TIMOTIUS 3:13

Nde, meya yugwi nap min ap onmbol pem lagwi nap min-e meya kwarat ebem lud lud kwarogolar-e, ap onmbol pem lali-t nde, it na enambik onmbol pem lali-o.

TITUS 1:11

Ap iri nggal yugwi iri-ge mondok enmende nggulurag-o. It-nen mul undugwi yugwi buk wene iri bem-nen-e ap kwarat onkwe la ndomok inmin nari wari rak inpili-o. Nde, it iri kwarugwi iri-ge uwang lesa terak mena wanurak pem-nen iri yili-o.

TITUS 1:14

Ir-e Yawuri nap-nen yugwi tisiya wene min ndemeret wene keya bidnak nap-nen yugwi wene min keya buwakluk, nggomo indi-o.

TITUS 3:9

Alat nde, ebe lak mende ngguno suwal suwal mbogolat, ndet yidnak lolo unnu mbarak mbenarogolat, imiri mbarak pidnak wene lit lit yuk puk mbogolat, yig pogolat yogola-ge kar-e erep nggaru bug-o. Iri kwaridnak pem-nen lesa wanurak mondok lak, ebe lak mende-nen yoso-o.

IBERANI 12:15

Kit kennggendumu-nen ap misik-nen-e Mbal Pem Nagawan-nen we wok ondoso elem keya buwa naru kwil kwalsa wolmer-o. Kit kennggendumu-nen ap misik-nen ngari worak emengen nggal lasolar-e, ninggis mende-nen ap kwarat meya rak unpuwa naru, kwil kwalsa wolmer-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

2 PETERUS 2:2

Iri yili-t nde, ap kwarat-nen it enesiget siget ap mul undugwi nap-nen ukwe ukwe yugwi meya iri-nen yidnak yidnak kwarugwi na langgal luk mburuwa-o. Nde, it-nen kwarugwi-nen ndowaga ap kwarat-nen Lud tak nak Kwarugwi Tula iri nggweyara keya buwa-o.

NAM PARA WENE 13:14

At iri na-ge ndakngge isilepma worak nanduk na-nen wok tid amawi bem-et at imbiri bem-et kwiye worak mende kwarat kwarosolar-e, nggweyak ma woragwi nap oboksa onmbol pem lagaij-o. Nde, at ene amawi bem watsa nggweyak ma woragwi nap oboksa yak ondosolar-e: ”Yalawi bem wiridnag-et nde, urug-et worasu ndakngge isilepma worak iri na erembel wanuwoklug-e, at nggal ndak worak puruk, erembel waner-o” luk yak indij-o.

NAM PARA WENE 13:3

Ndakngge isilepma worak anggul ereya na enggendumu misig-e wat momtak ud nggal woragaij-et nde, ud na ambut yidnag-o. Iri ala karuk, nggweyak ma nap oboksa-nen-e wir-o luk, ndakngge isilepma worak iri na langga luk mbiriga-o.