2 TIMOTIUS 2:13 - Nanduk Ngget Tul Pidnak Wene

¹³ Nit nde mot mot kwarigit lak yogola-ge, ar-e mot mot nak kwaroso me, at ondomok eyubul purag-e meya-o.”

2 TIMOTIUS 2:13 ပူးပေါင်းရင်းမြစ်များ

WONARIDNAK WENE 23:19

Mbal Pem Nagawan iri-ge ki nap nggal enesiget yoso bug-o. ’O! Niri nera-o’ na yoso buk. Mbal Pem Nagawan-nen nde ’Irit kwarimin-o’ yosolug-e, mondok iri na-t kwaroso-o. Nde, at-nen nde wene yosola-ge, mondok yidnak iri nat kwat yoso-o.

MATIUS 24:35

Mbal min nggweyak min-e lak ma-t nde, an-nen yidnak wene-ge lag-e ma bug-o.

OROMA 3:3

Nde, it Yawuri nap erep-nen mot mot nak kwarigit lak yiga iri-ge nunggwirig-o? It iri kwariga bem Mbal Pem Nagawan-e mot mot nak kwaroso buk kwat ma, lak?

OROMA 9:6

Alat nde, Mbal Pem Nagawan-nen urul pidnak wene-ge kwarigit lak ma-o luk yusu-ge lag-o. Nde, Isarael-nen wigarak lolo iri oboksa-ge Mbal Pem Nagawan-nen len inpidnak nap nak-nen yili-ge lag-o.

1 KORINTUS 1:9

At Ambara Yesus Kerisut, nit Nenagawan Indo iri imin kundik worabokluk wene mbo kinpidnak Mbal Pem Nagawan iri-ge mot mot nak kwaroso-nen yusu-o.

TUGURUK YIDNAK WENE 7:9

Nde, Nagawan Indo kit Kenmbal Pem Nagawan iri-ge Mbal Pem Nagawan misiget nak, ar-e pempa mot mot lud tak nak kwaroso-nen yusu-o luk yebet ker-o. Nagawan Indo-nen at-nen urul pidnak iri na ndak ndak tak posolar-e, at abuwa kagolat, at-nen enpem pidnak wene ereba na kwatli nap enabuwa kasolar-e, ap tap seribu-t (1.000) enabuwa kasolat wolma-o.

1 TESALONIKA 5:24

Wene mbo kinpid Mbal Pem Nagawan iri-ge mot mot nak kwaroso me, irit kwat kunpuwa-o.

2 TESALONIKA 3:3

Alat nde, Nagawan Indo-ge mot mot nak kwaroso-nen yusu-o. At-nen-e amawi rak konposolat, Meya nak Kwaroso Nap na-n meya rak kunpuwa naru kontowarak worasolat ma-o.

TITUS 1:2

Enesiget yoso buk Mbal Pem Nagawan-nen o ndak wirigit lak ma-net: ”Unlug-et woralik nalik wolmomtak elem irit wok kindimin-o” luk urul pid iri na bem ninndi mbung mbung tak worali-o.

IBERANI 6:18

Mbal Pem Nagawan-nen urul pid min owak mbarid min wene mberen iri-ge tuguruk nden kujwa-ge lak me, Mbal Pem Nagawan-e enesiget yurag-e meya-o. Iri bem-e nit ninmiri yuwakluk Mbal Pem Nagawan indipma worali nap nit-nen-e abok-nen wok nundurak lid lud tak pidnak iri na bem nit ninndi mbung mbung tak pidnak iri-ge puksa tena wolmomtag-o.