2 TIMOTIUS 2:11 - Nanduk Ngget Tul Pidnak Wene

¹¹ Wene yu-ge mondok ndemerer-o: ”Nir-e at imin wat yidnak nde ala-ge, at imin-et nunluk mul-o.

2 TIMOTIUS 2:11 ပူးပေါင်းရင်းမြစ်များ

YOANES 14:19

Siyag-et nak worarug-e, nggweyak ma nap-nen-e an niyujwa bug-et nde, kit-nen perak nde an neyagub-o. Nde, an-e nurug-et worasu me, kit na irit kunlug-et woragub-o.

OROMA 6:5

Nde, nit nde Kerisut imin misiget nak luk wat yidnak ala-ge, at uruk tak pid iri nggal-et nit na at imin misiget luk nunluk tak puwa-o.

OROMA 6:8

Nde, nit nde Kerisut imin totno wat yidnak ala-ge, at imin totno nunlug-et mul-o luk ninndi angin tubu yili-o.

2 KORINTUS 13:4

At ndeyak yidnak pem e lang pang tak pem wiriga-t nde, Mbal Pem Nagawan amawi bem-nen at uruk worasu-o. Nde, nir-e at imin ndeyag-et worali-t nde, Mbal Pem Nagawan amawi bem-nen kit kenmanggim ala, at totno nunluk wulmul-o.

2 KORINTUS 4:10

Yesus uruk yidnag-e nit nenpe bem nam maklug-e, Yesus worogola wat yid iri na nggal nondogola wat momtak irit nenpem puruk waring kali-o.

1 TESALONIKA 4:17

Iri luk, nit nunluk wulmul nab-e it inmin lambuk luk, nggan nggan arem lagolar-e, teram iri me-nen Nagawan Indo imin lambuk mul-o. Iri lug-e, Nagawan Indo imin pem-et woralik nalik wulmul-o.

1 TESALONIKA 5:10

Yesus nit nenmanggim wat yid iri-ge nir-e nunluk woragolat na, wat luk woragolat na, at imin totno nunluk wolmokluk nenmanggim wat yij-o.

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

1 TIMOTIUS 3:1

Wene yu-ge ndemerer-o: ”Lambuk tak inpidnak nap yik eneyarok woraso nap teyeg-o” luk yusu nab-e konak yabu waneyekluk-nen yusu-o.

TITUS 3:8

An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.